F-FDTL Iha Komprimisu Tolu Atu Haforsa Feto F-FDTL Iha Papel Feto, Paz No Seguransa

Dili, 4 Juñu 2026 

FALINTIL-Forsa Defeza Timor-Leste (F-FDTL), liu husi Xefe Gabinete, Chefe Estado Maior General Forsa Armada (CEMGFA-Sigla português), Koronel Marcelino Ximenes “Rizai”, partisipa lansamentu virtual Projetu women Peace and Security (WPS) neʼebé realiza husi UN Women no Kanada liu hosi Military Treining and Cooperation Program (MTCP) nia apoiu hodi hametin integrasaun Jéneru iha F-FDTL.

Iha diskursu Xefe Gabinete Xefe Estadu Maior Jenerál F-FDTL Koronel Rizai agradese ba governu Canada ho nia komprimisiu iha seguransa rejional no lideransa nian foka liu ba estratéjia sira kona ba Indo-Pasífiku nian parte nia agradese mos ba UN Women ba papél global sira hodi asegura feto sira bele foti desizaun.

"Agradese ba Governu Kanada nia kompromisu ba seguransa rejionál no lideransa foku ba Jéneru iha Estratéjia Indo-Pasífiku,Ha'u louva mós UN Women ba ninia papél globál hodi asegura feto sira bele foti desizaun no ajente ba mudansa, la'ós de'it partisipa".haktuir Xefe Gabinete CEMGFA..

Xefe Gabinete ne'e haktuir, Diskursu de'it la transforma kultura instituisaun nian- maibé asaun ne'ebé nafatin mak transforma F-FDTL hodi apoiu Kanada no UN Women nian atu hasai barreira ba feto sira nia rekrutamentu, retenasaun, progresaun karreira, no lideransa,integra feto ba forsa armada la'ós de'it kestaun ekuidade, maibé mós kestaun efisiénsia. Forsa diversu Jéneru maka liu tan adaptativu, reziliente, no preparadu di'ak liu atu proteje ema hotu.

Iha projetu ne'e nia objetivu atu hametin kooperasaun entre instituisaun defeza sira iha Indo-Pasífiku, inklui Timor-Leste, hodi foka ba iha inkluzaun no reziliénsia ba Timor-Leste, ajenda Feto, Dame no Seguransa la foun,nune'e durante luta ba auto-determinasaun, feto Timor-oan sira serbisu ona hanesan funu-na'in liberdade, organizadór klandestina, no pilar ba reziliénsia komunidade.

Portantu,F-FDTL iha nia kompromisu konkretu iha tolu hanesan:

1. Hadi'a integrasaun Jéneru ba doutrina militár, planu estratéjiku, no operasaun loron ba loron.

2. Fó abilidade avansadu ba pesoál feto nune'e prontu komanda no lidera iha nivel hotu.

3. Aumenta deslokasaun pesoál feto treinadu ba misaun manutensaun dame Nasaun Unidu nian.

Ekipa Média F-FDTL

Ribaldo Marques