Notisia Foun
Tenente Jenerál Falur Rate Laek Partisipa Iha “Presidential Lecture Series” Iha Palasiu Prezidensiál
21 maio
Membru F-FDTL Nain Tolu Remata Ona Kursu Formasaun Protokollu Bá Nivel I No Sei Hakat Bá Nivel II
19 maio
Major José Pinto Sai Oradór Ba Dialogu Nasionál
Hotel Timor, 19 Maiu 2026
Membru FALINTIL- Forsa Defeza Timor-Leste (F-FDTL) liu husi Major José Pinto sai Oradór ba Dialogu Nasionál ho tema "Dialogu Nasionál Kona bá Papel Mane Ho Labarik Mane Ba Prevensaun Violénsia Bazeia Ba Jéneru No Promosaun Igualdade Jéneru Iha Timor-Leste".
Programa ne'e organiza husi Plan Internasionál kolabora ho Sekretaria Estadu Igualdade (SEI) ne'ebé halao iha hotel Timor – Dili.
Husi tema ne'e katak hamutuk ho mane ho vizaun foun, Plan Internasional Timor-Leste no Sekretaria Estadu Igualdade hodi deskuti klean liu tan kona-bá oinsa mane no labarik mane kontribui ba prevene Violénsia Bazeia Ba Jéneru no promove igualdade Jéneru iha Timor-Leste, hare husi siénsia no pratika lor-loron iha Família no komunidade.
Objetivu husi Dialogu ne'e maka atu halibur informasaun kona ba estrajia mane sira ba prevene Violénsia ba Jéneru no promove igualdade Jéneru.
Partisipante iha dialogu Nasionál ne'e maka hanesan membru husi FALINTIL-Forsa Defeza Timor-Leste (F-FDTL) estudante, organizasaun sosiedade sivíl, Polísia Nasionál Timor-Leste (PNTL) husi Unidade VPU, representa Husi Seksaun Jéneru F-FDTL no Ministériu relevante sira.
Ekipa Média F-FDTL
J. Silva
