NOTISIA

MAKLN Hamutuk F-FDTL, PNTL No Família Martires Da Pátria Halot Ona Restu Mortais Hamutuk 959 Iha Semitériu Herois Fatukero

Media F-FDTL QG Notisia 29 de julho de 2026 Hare na'in: 13 0 minutes read

Ermera, 28 Jullu 2026

Governu liuhosi Ministériu Assuntu Kombatentes Libertasaun Nasionál (MAKLN) hamutuk ho FALINTIL-Forsa Defeza Timor-Leste (F-FDTL) no Polísia Nasionál Timor-Leste (PNTL) ho família martires sira halo’ot ona restus mortais heróis no mártir sira hamutuk Rihun-lima Atus-rua, Haat-nulu Resin-haat (5,244) iha Semitériu Jardim dos Heróis Pátria Fatukero, Munisípiu Ermera.

Hosi restos-mortais rihun-lima resin ne’e, liuhosi “Ceremônia de Prestação Honras Fúnebres de Estado dos Restos Mortais”, MAKLN deside bá loron-rua, 28 to’o 29 fulan-Jullu 2026, hodi hakoi iha kampa 1,600 ne’ebé preparadu.

Iha loron 28 fulan-jullu hakoi uluk ona restos mortais 959, no iha loron 29 fulan-jullu tinan ne’e, sei hakoi tán restos mortais 642.

Tuir dadus, Restos Mortais ne’ebé atu hakoi iha tinan ida-ne’e, hamutuk rihun-lima, atus-rua, haat-nulu resin-haat (5,244), ne’ebé mak konstitui hosi Militár Atus-ida sia-nulu resin-haat (194), no Sívil Rihun-lima lima-nulu (5,050).

Hosi 5,244 ne’e, Restos Mortais ne’ebé indivídus (ka, konsege halo identifikasaun bá identidade no naturalidade) hamutuk rihun-haat, atus-ida, neen-nulu resin-ualu (4,168), iha ne’ebé kompostu hosi Postu Administrativu Atsábe 2,798, Postu Administrativu Ermera Villa 234, Postu Administrativu Hatulia 357, Postu Administrativu Letefoho 247, Postu Administrativu Railaco 466, Sein-Postu Administrativu 8, Fora hosi Ermera hamutuk 58.

Totál urnas ne’ebé atu hakoi entre loron 28 to’o 29 fulan-Jullu tinan ne’e, hamutuk Rihun-ida atus-neen (1,600), kompostu hosi Atsábe 947, Ermera Vila 126, Hatulia 161, Letefoho 120, Railaco 190, Sein-Postu Administrativu 5, Fora hosi Ermera 51.

Hosi Urnas 1,600 ne’e, fahe bá parte rua, mak hanesan; Urnas Koñesidus ho Koletivus hamutuk 1,494 (Atsábe 935, Ermera Vila 110, Hatulia 130, Letefoho 106, Railaco 178, Sein Postu Administrativu 4, Fora hosi Ermera 31), no Urnas Deskoñesidus hamutuk 106 (Atsábe 12, Ermera Vila 16, Hatulia 31, Letefoho 14, Railaco 12, Sein-Postu Administrativu 1, Fora hosia Ermera 20).

Ekipa Média F-FDTL