Membru F-FDTL Nain-2 Promovidu Bá Postu Major Graduadu No Kapitaun Graduadu Hodi Kumpri Misaun Bá Paz Iha Sudaun Do Sul

Kuartel Jenerál, 29 Maiu 2026

Xefe Estadu Maior Jenerál F-FDTL Tenente Jenerál Falur Rate Laek halo serimónia promosaun bá Ofisial F-FDTL nain-2, hanesan Kapitaun Guido Guterres Jeronimo promovidu bá postu Major Graduadu noTenente Leandra Ferinda Gonzaga promovidu bá postu Kapitaun Graduada.

Marka istória foun bá Timor-Leste liliu iha Instituisaun F-FDTL tamba primeira vez feto Militár hala'o misaun PAZ nian iha Sudaun Do Sul.

Iha diskursu Xefe Estadu Maior Jenerál F-FDTL Tenente Jenerál Falur Rate Laek hato'o parabéns bá graduadu nain-2, nafatin iha esperitu no konfia an hodi lori nafatin Nasaun no instituisaun nia naran hodi kontribui bá misaun PAZ iha Sudaun do Sul ho susesu to'o fila ho diak.

"Parabéns bá OFisial Militár nain-2 ne'ebé ohin halo ona graduasaun no sei bá halo misaun apoiu Paz iha Sudaun Do Sul, bom susesu nafatin ita konfia katak bá ho diak mai mós ho diak" hateten CEMGFA Tenente Jenerál Falur Rate Laek.

"Mesanjen bá Feto Militár Sira atu hala'o kna'ar Sira ho diak, servi ho fuan ho Domin, kontinua kapasita a'an no kuidadu saúde hodi responsabilidade sira ne'ebé sei mai Iha futuru".

Iha sorin seluk Xefe Seksaun Jeneru F-FDTL Kapitaun Marquita da Cunha agradese bá komandu F-FDTL bele fó ona fiar bá feto Hodi lidera no fó fiar bá feto hodi bá kumpri misaun apoiu Paz iha Sudaun do Sul, lori feto hotu nia naran liuliu Feto Militár sente orgulhu no dala ida tan Parabéns tamba feto dahuluk bá kumpri Misaun apoiu Paz nian iha Sudaun do Sul.

Alende halo graduasaun bá membru F-FDTL Nain-2 ne'e, Xefe Estadu Maior Jenerál F-FDTL mós halo abertura bá sesaun seminariu nian ne'ebé organiza husi seksaun Jeneru F-FDTL ho tema "Haforsa Partisipasaun Feto F-FDTL iha Misaun Apoiu Paz"

Ekipa Média F-FDTL

Boni Mendonça