Xefe Estadu Maior Jenerál F-FDTL Halo Enkontru Ho Asesór Militár Brazil Koronel Polo

Kuartel Jenerál, 25 Marsu 2026

Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Falur Rate Laek, ohin halo enkontru ho Asesór Militár husi Exérsitu Brazil, Koronel Alexandre Polo, iha fatin servisu Kuartel Jenerál F-FDTL, Fatuhada, Dili.

Objetivu husi enkontru ne’e atu entrega lembransa husi Adidu Defeza Naval, Exérsitu no Aeronáutika bá Indonézia, Vietnam no Timor-Leste, Koronel Vitor Hugo Bergamascha, husi Nasaun Brazil, bá Xefe Estadu Maior Jenerál F-FDTL, Tenente Jenerál Falur Rate Laek. Lembransa ne’e entrega tanba durante vizita iha Timor-Leste, nia la konsege hasoru malu ho Tenente Jenerál Falur Rate Laek, tamba iha hela misaun servisu iha diáspora.

Media F-FDTL

Izidor Lopes