Xefe Estadu Maior Jenerál F-FDTL Koileta Tomati Iha Ulmera Liquiça
Ulmera, 10 Abril 2026
Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Domingos Raúl "Falur Rate Laek" fó parabéns bá grupu Buras Ulmera Inisiativa Agrikultura (BURKINA) ne’e tanba ho imi nia inisiativa sai hanesan motivasaun no sai mós vokasaun bá jovens sira hotu.
"Ha’u haree imi kria grupu ne’e ha'u kontente hare imi nia atividade ne'e intersadu tebes sai hanesan motivasaun bá agrikultór sira seluk, tanba ha'u mós mai husi agrikultór." dehan Xefe Estadu Maior Jenerál FALINTIL- Forsa Defeza Timor-Leste (F-FDTL), Tenente Jenerál Domingos Raul "Falur Rate Laek" iha Munisípiu Liquiça.
Tenente Jenerál Falur Rate Laek mós dehan Nasaun nia prioridade mak Agrikultura tanba ne’e povu nia oan tenke kria rasik kampu traballu bá nia an liu-husi kria grupu kuda produtu lokal ne’ebé iha.
"Ita nia dezempregu barak tanba ita falla iha Agrikultura tanba ne'e agradese ba imi nia grupu ida ne’e tanba bele kria grupu ho Joventude barak atu buka moris rasik wainhira tempo eskola bele bá eskola maibé wainhira eskola remata tenke pratika iha vida agrikultór, dala ida tan hau fó parabéns bá imi hotu."
Lider masimu iha Instituisaun F-FDTL ne'e mós husu bá Governu atu buka mekanismu atu halo sustentabilidade bá grupu ida ne’e atu nune’e grupu ida ne’e bele lao bá oin nafatin.
"Ho imi nia espiritu de luta no espiritu de sakrifísiu ne’ebé imi iha fó valor bá jovens hotu-hotu nomós ba Forsas Armadas ha'u husu bá imi nia suporta atu hapara importasaun Tomate husi Rai liur maibé imi tenke kuda nafatin atu bele transfere bá iha Merkadu Nasionál."
Servisu hare malu no kuidadu malu ho diak suporta malu atu nune’e grupu ida ne’e sai bo'ot liu tan husi instituisaun F-FDTL sempre suporta imi jovens mak sai motivador bá jovens sira seluk sai jestu enkorazamentu no brani sai banati bá ema hotu
Média F-FDTL
2 Sargento Carceres
