NOTISIA

Xefe Estadu Maior Jenerál F-FDTL Partisipa Han Kalan Hamutuk Ho Delegasaun CPLP

Media F-FDTL QG Notisia 23 de julho de 2026 Hare na'in: 9 0 minutes read

City 8 Manleu-Dili, 18 Jullu 2026

Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Domingos Raúl "Falur Rate Laek ”, partisipa han kalan hamutuk ho delegasaun husi Nasaun Komunidade Países de Língua Portuguesa (CPLP), hanesan parte husi atividade ofisiál Konferénsia Mariña no Guarda Kosteira CPLP ba dala-IX, ne'ebé halao iha restorante City8 Dili.

Han kalan ne'e sai oportunidade ida atu hametin relasaun amizade, kooperasaun no solidariedade entre F-FDTL ho forsa armada membru CPLP nian, liu husi troka esperiénsia, hakbiit komunikasaun no promove servisu hamutuk iha área defeza no seguransa marítima nian.

Enkontru ne'e reflete komitmentu F-FDTL atu kontinua hametin kooperasaun internasionál ho nasaun membru CPLP hodi kontribui ba dame, estabilidade no dezenvolvimentu rejionál.

Depois de han kalan, Xefe Estadu Maior Jenerál F-FDTL no Komandante Komponente Naval Komdoro Higino das Neves "Superman" ho delegasaun CPLP halao mós troka prendas ba malu hanesan símbolu amizade, respeitu no kooperasaun di'ak ne'ebé eziste entre parte CPLP nian. Atividade ida-ne'e reforsa relasaun entre F-FDTL ho delegasaun CPLP no hatudu komitmentu atu kontinua hametin parseria no solidariedade iha área defeza.

Partisipa iha han kalan ofisiál ne'e mak Xefe Estadu Maior Jenerál F-FDTL, Tenente Jenerál Domingos Raúl "Falur Rate Laek"; Xefe Estadu Maior F-FDTL, Brigadeiru Jenerál José da Costa Soares "Trix"; Komandante Komponente Naval, Komodoro Higino das Neves "Superman", hamutuk ho nia estrutura; no Komandante Komponente Aéreo Ligeira Koronel Helder da Costa, Komandante Unidade PM Tenente Coronel Graduadu Mateus de Jesus, representante Ministru Defeza, delegasaun CPLP inklui adidu defeza sira iha Timor-Leste.

Ekipa Média F-FDTL

Cabo J' Silva