NOTISIA

Xefe Estadu Maior Jenerál F-FDTL Sai Orador-II Iha Konferénsia Kongresu Nasionál Renetil Bá Dala-IX

Media F-FDTL QG Notisia 22 de julho de 2026 Hare na'in: 10 0 minutes read

UNPAZ Dili, 18 Jullu 2026

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Domingos Raúl " Falur Rate Laek" sai orador iha Konferénsia Kongresu Nasionál RENETIL ba Dala-IX, Reflete pasadu, afirma prezente no projeta Futuru" no sub tema "Hakbiit Konsiénsia no Hametin Unidade ba Futuru Timor-Leste ne'ebé hala'o iha Salaun Universidade da Paz ho tema Jerál" Konferénsia ne’e sai nu'udar fatin ida atu hametin unidade nasionál, patriotizmu no konsiénsia kolektiva hodi enfrenta dezafiu sira iha futuru.

Partisipasaun Xefe Estadu Maior Jenerál F-FDTL hatudu kompromisu F-FDTL atu kontinua apoiu esforsu sira ne'ebé promove dame, estabilidade, unidade no dezenvolvimentu sustentável ba Timor-Leste.

Iha okaziaun ne'e, Xefe Estadu Maior Jenerál F-FDTL mós reafirma katak unidade, solidariedade no kolaborasaun entre ema hotu-hotu mak sai baze importante ba hametin soberania no konstrusaun futuru nasaun Timor-Leste ne'ebé di'ak liután.

"Kamarada sira hotu, ita-nia jerasaun luta hasoru ezérsitu ida ne'ebé superiór, no manán tanba nunka lakon unidade ka konxiénsia ba kauza komum.Jerasaun ne'ebé ohin halibur iha ne'e, herdeiru diretu ba espíritu RENETIL nian, bolu ba luta ida ho natureza diferente, maibé ho magnitude hanesan: luta ba dezenvolvimentu nasionál, ba justisa sosiál, ba unidade nasionál, no ba sidadania ida ne'ebé konxiente, krítiku, no konstrutivu".hateten Eis funu nain Atual Xefe Estadu Maior Jenerál F-FDTL Falur Rate Laek.

"Ha'u la husu atu ita-boot sira repete sofrimentu ne'ebé ita liu, maibé atu ita-boot sira labele husik sofrimentu ne'e atu haluha, no atu ita-boot sira transforma ida-ne'e ba kritériu morál atu julga prezente no bússola ida atu dezeña futuru.Atu ilustra pasadu, atu rekupera memória ba jerasaun foun sira, no atu hasa'e konxiénsia entre sidadaun no ukun-na'in sira: ne'e mak knaar tolu ne'ebé ha'u husik ba imi, la'ós nu'udar komandu, maibé nu'udar apelu kamarada ida nian". remata.

Ekipa Média F-FDTL

Cabo J' Silva