(Média F-FDTL) Sexta-Feira 18/07/2025 ne'e Xefi Estadu Maior Jenerál Forsa Armadas Tenente Jenerál Falur Rate Laek Representa husi Vise Xefe Estadu Maior Jenerál Forsa Armadas, Major Jenerál Calisto Santos Coliati Akompaña husi Coronel Renilde Guteres Cortereal e Silva, Komandante Polísia Militár (PM) Tenente Coronel Mateus de Jesus no mós Komandante UApQG Partisipa iha Serimónia Abertura Primeiru Divizaun Liga Futsal Timor-Leste Epoka 2025 iha Kampu Futsal Kuartel Jenerál-Fatuhada Dili.

iha Liga Futsal Epoka 2025 ne'e Parsipa husi Klub 23 hetan apoiu máximu husi Fedesaun Futebol Timor-Leste (FFTL) hamutuk ho patrosinadór sira hanesan Nano Sport, Timor Gap, Star-Word Transport, TT, Roman ASM, Liurai, Aéro Dili, Vinnie Unipessoal Lda, Nazaret Unipessoal Lda no UG, Hafoin no mós Asosiasaun Futsal Timor-Leste (AFTL).

Partisipa iha Serimónia ne'e Vise Xefe Estadu Maior Jenerál F-FDTL, Calisto Santos Coliati, Komisariu Jerál PNTL Henrique da Costa reprezentante husi Ministru Defeza, reprezentante husi Prezidente Federasaun Futebol Timor-Leste, Embaxadór Nova Zelândia inklui klubu liga Futsal Timor-Leste hamutuk 23.

Ekipa Média F-FDTL

Dili, Kuartél Jenerál, 20 Juñu 2025

Vise Prezidente Militár Kristaun Fraternidade Asia Pasifik Tenente Coronel Reformadu Jaime Van Heelin mai hala’o enkontru ho Padre Kapelaun FALINTIL-Forsa Defeza Timor-Leste Kapitaun Rui Filomeno Gomes iha Kuartel Jenerál Fatuhada-Dili.

Média F-FDTL

Nhoy Borges

Malázia, 09-12 Setembru 2025

Vise Xefe Estadu Maior Jenerál FALINTIL-Forsa Defeza Timor-Leste (F-FDTL) Majór-Jenerál Calisto Santos “Coliati” reprezenta Sua Exelénsia Tenente-Jenerál Falur Rate Laek partisipa iha Enkontru Xefe Forsa Defeza husi nasaun ASEAN.

Majór Jenerál Coliati partisipa iha Enkontru Xefe Forsa Defeza ASEAN nian bá dala 22 (ACDFM) iha Kuala Lumpur, Malázia hahú husi loron 9 to'o 12 fulan-Setembru tinan 2025.

Fórum seguransa rejionál ho nível aas ne’e halibur Xefe Forsa Defeza sira husi Estadu-membru ASEAN nian, inklui Timor Leste, hodi troka perspetiva no hanoin kona-bá bá kooperasaun multilaterál hodi responde bá dezafiu sira seguransa rejionál nian.

Iha ninia intervensaun, Majór-Jenerál Coliati expressa katak nu’udar Estadu observadór, Timor-Leste rekoñese ho interese partikulár ASEAN nia kapasidade ne’ebé hatudu ona bá rezolusaun konflitu, hanesan evidénsia iha mediasaun disputa fronteira Kamboja-Tailándia foin lalais ne’e. Realizasaun ida-ne'e reprezenta avansu substansiál iha arkitetura seguransa rejionál, ne'ebé halo balansu ho efetivu bá prinsípiu la-interferénsia ho envolvimentu pragmátiku bá estabilidade rejionál.

Nia subliña katak F-FDTL nafatin dedika no esforsa an atu aprende no servisu besik ho omólogu sira ASEAN nian hodi hametin reziliénsia rejionál hasoru dezafiu seguransa nian ne’ebé evolui ho ritmu lalais.

Majór-Jenerál Coliati iha oportunidade hala'o mós reuniaun bilateral ho Jenerál Tan Sri HJ Mohd Nizam Bin HJ Jaffar, Xefe Forsa Defeza Forsas Armadas Malázia nian nu'udar uma na`in bá ACDFM, nune’e mós ho Jenerál Vong Pisen husi Kambódia.

Entretantu tinan oin Forsas Armadas Filipina nian maka sei sai uma-na'in bá ACDFM bá dala 23 iha Manila iha Maiu 2026.

Media F-FDTL