Kuartel Jenerál, 05 Maiu 2025

Instituisaun FALINTIL-Forsa Defeza Timor-Leste hamutuk ho Ministériu Defeza realiza serimónia Isár Bandeira Nasionál semana dahuluk fulan maiu, iha Kuartel Jenerál, Fatuhada, Dili.

Iha Serimónia ne'e Xefe Estadu Maior Jenerál FALINTIL-FDTL Tenente Jenerál Falur Rate Laek, hanesan inspetór serimónia husu bá Kuartel Jenerál ho Ministériu Defeza nafatin kooperasaun servisu hamutuk.

"Primeira semana ita halo parada hasa'e bandeira hodi reforsa ita nia sentimentu patriotismu no nasionalismu, liuliu ita nia aten-brani (bravura) atu servi bá Instituisaun no ita nia rai, ita nia povu ho sentidu responsabilidade no preokupasaun no hala'o kna'ar sira nu'udar ema profisionál no ema treinadu, nafatin uza meius sira neʼebé iha no kuidadu ho uniforme no ekipamentu individuál sira bali didi'ak, bainhira ita uza karik, iha tempu no momentu ofortunu sira, ne'e para ita hatudu imagen ne'ebé di'ak bá iha forsa sira".

Inspetór mós subliña tan, kontinua alerta bá militár sira hotu importante liu, mantein ita nia esperitu prontidaun nasionál, nafatin hatudu disipliña, no bá komandante hotu-hotu iha eskalaun hotu tenki implementa dirativa sira suplementar ona ne'ebé iha unidade no Komponente tenki funsiona kadeia komando ho diak.

Média F-FDTL

Binani, 16 Agostu 2025 

Serimónia komemorasaun loron FALINTIL bá dala 50 ne'ebé monu iha 20 de Agostu, ho nune'e komandu F-FDTL iha hanoin hodi hala'o serimónia solene iha fatin ne'e hodi hanoin hikas akontesimentu iha loron 31 Dezembru tinan 1978, Saudozu Prezidenti Nicolao dos Reis Lobato ho nia emar sira mate iha fatin ida ne’e, iha Binani, Suku Mindelo, Postu Administrativu Turiscai, Munisípiu Manufahi.

Partisipa iha serimónia ne'e mai husi Sua Exelénsia Prezidenti Repúblika, DR. José Ramos Horta, Vise Ministro Asunto Parlamentares Sr. Aderito Hugo, Xefe Estado Maior Jenerál F-FDTL, Tenente Jeneral Domingos Raúl Falur Rate Laek' Vise CEMGFA, Major Jeneral Calisto Santos 'COLIATI", CEM, Brigadeiro Jenerál José da Costa Soares "Trix", Tanente Jenerál Reformadu Lere Anan Timur, Reprezentante Ministériu Planeamentu Investimentu Estratejiku, Prezidente Autoridade Munisípiu Manufahi, Komandante PNTL Munisipiu, Prezidenti Kombatentes Libertasaun Nasionál Manufahi, Lideransa Komunitáriu no komunidade inklui estudante sira.

Ekipa Media F-FDTL

2^oSargento Carceres

Domingos Sarmento

Kampo Sabraka Laran, 02 Fevereiru 2026

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Domingos Raúl "Falur Rate Laek" Hatete, loron ohin marka siknifikante historiku tinan 25 transformasaun Forsas Armadas Libertasaun Nasionál Timor-Leste (FALINTIL) bá Forsa Defeza Timor-Leste (F-FDTL)

"Hau nia Agradesementu klean bá Koronel José Manuel Afonso no Luis Manuel Bernardino ne’ebé ho sira nia prezensa fó onra bá seremónia ida ne’e tanba sira nia Dedikasaun kompetensia no kapasidade relasiona ho libertasaun Forsa Fundasaun ida ne’ebé ita harii F-FDTL."

Xefe Estadu Maior Jenerál F-FDTL ne’e Esplika rekuinesimentu ohin loron sai rekuinesimentu historiku ne’ebé Nasaun tomak nia apoiu ne'e folin bo'ot tebes tanba vizaun estratéjiku politika Militár durante periodu krusial ida ne’ebé komprende lia los fundamental.

"Defeza Soberania Timor-Leste nian presiza los korajen ne’ebé hetan husi luta libertasaun nian maibé liu-liu institusionalismu Nasaun no Profissionalismu no modernizasaun bá ita nia Forsas Armadas nia vizaun ne’e klaru no determinadu tanba transforma Gerileiru sira bá Soldadu Profissional atu konverte bá Instituisaun F-FDTL sei transforma kapasidade ida ne’ebé metin hodi garantia Timor-Leste nia mehi atu afirma nia soberania iha territóriu Nasionál."

Tinan 25 ne’e periodu ida transformasaun Extraordinariu iha jornada ida ne’e nia laran hodi hari enkuadramentu institusional legislativu sira ne’ebé permite implementasaun estratéjiku ne’ebé define ona.

"Ita nia dezenvolvimentu kapasidade operasionál sira ho investimentu rekursu humanu progresaun kareira no formasaun kontinua iha tinan ne’e sei implementa Statutu F-FDTL nian la'os aktus Administrativa nian maibé ho aktu historiku no justisa, ita rekuinese sira ne’ebé luta ba libertasaun TL nian ne’ebé uluk hasoru susar ne’ebé at liu hodi fakar Ran iha ita nia foho lolon sira."

Transformasaun Institusional ne’ebé realiza wainhira iha lideransa futuru nian ohin kompleta transformasaun FALINTIL bá F-FDTL tinan 25 ho inagurasaun Akademia Militár konjunta ne’e pasu disizivu ida iha formasaun akademika Militár bá lider sira ne’ebé sei orienta iha futuru.

"Ida ne’e mak inisiu konsolidasaun ita nia doutrina Militár ne’ebé sei orienta F-FDTL iha jerasaun sira tuir mai tanba ohin ita kuda fini aban ita sei hetan rezultadu ida ne’ebé preparadu diak iha etika fundamental tanba prinsipiu fundamental ne’ebé define atu leal bá Nasaun leal bá Konstituisaun, leal bá kamarada sira no leal bá valor sira ne’ebé harii Instituisaun F-FDTL ne’e luta hasoru operasaun."

Tinan 25 konstrusaun lori Instituisaun FALINTIL-FDTL bá faze kritiku no konsolidasaun Instituisaun Armada nia esperansa no kontinuasaun bá futuru.

Media F-FDTL

José da Silva & Domingos Sarmento