Hera, 14 Jullu 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Domingos Raúl "Falur Rate Laek",hatete ohin F-FDTL dahuluk hala'o Ezersísiu Kombinasaun Armas, ida ne’e aktividade krusial ida ne’ebé atu hasa’e imi nia kapasidade Operasionál hodi hasoru Anin fuik no laloran siak ne’ebé sei mai, F-FDTL prontu hasoru iha futuru.

"Konseitu Kombinasaun Armas ne’e fundamental bá ita nia treinamentu Militár tanba ne’e liu-hosi Ezersísiu ida ne’e, imi sei hadia imi nia efikasia iha situasaun kombate no aumenta imi nia protidaun no respeita bá kualkér dezafiu ne’ebé ita hasoru oin mai."

Nia hatutan imi sei hala’o Ezersísiu sira ne’e ho senáriu prátika ho kolaborasaun hodi hadia imi nia abilidade bá oin ne’e importante tebes, tanba imi hotu nafatin aprende bá malu no troka bá malu.

"Ha'u agradese bá esforsu hotu-hotu no inisiativa ne’ebé imi dezenvolve bá Instituisaun F-FDTL hahú inisiu to’o ohin loron, ha'u husu bá imi, imi nia kompromisu no misaun Defeza ne’ebé imi kontribui bá ita nia soberania, tanba bá futuru ameansa no dezafiu sira sei iha, tanba ne’e imi tenke treinamentu kosntante no formasaun no Rekursu humanu ne’e importante.

Determinante mak elementu humanu tanba ne’e imi nia formulasaun importante hanesan Ezersísiu dahuluk ne’ebé Instituisaun F-FDTL hala’o tanba ne’e Instituisaun F-FDTL prontu hasoru Anin fuik no laloran siak ne’ebé sei mai F-FDTL Prontu hasoru.

"Hau husu bá Komponente hotu-hotu nomos Unidade hotu-hotu imi hadia imi nia kapasidade de kombate liu-hosi treinamentu maibé imi mós tenke hadia imi nia komportamentu pesoal atu ita bele responde bá ameasa oin-oin ne’ebé ohin loron akontese no bá futuru wainhira ema Nasaun ruma hanoin at karik kuidadu Asu siak iha Timor-Leste."

Iha fatin hanesan Komandante Komponente Naval Comodoru Higino das Neves hateten, ezersísiu Kombinasaun Armas foin dahuluk F-FDTL hala’o husi Komponente tolu (3) mak hanesan Komponente Forsa Terestrre, Komponente Naval no Komponente Aérea Lijeira inklui mós Unidade Polísia Militár (PM) no Unidade FALINTIL (UF).

"Ita nia forsa ki’ik maibé ita presiza forsa ida ne’e tenke hatene oinsá servisu hamutuk tanba Ezersísiu Kombinasaun Armas ne’e Ezersísiu Operasionál tanba ne’e mak Ezersísiu ne’e sei iha tiru atu nune’e sira bele fahe esperiénsia no kuinesimentu bá malu, atu bá futuru Komandante pelotaun iha ona kapasidade atu fó ordem bá membru sira oinsá sira bele ezekuta no servisu hamutuk."

Objetivu prinsipál Ezersísiu Kombinasaun Armas ne’e oinsá atu servisu hamutuk tiru Armas iha terenu tanba ne’e komandu husu atu utiliza tempu ho di'ak ho imi bele hala’o buat ne’ebé imi nia instrutór hanorin iha terenu.

Entretantu atividade treinamentu Kombinasaun Armas 25 ne'e hala'o durante semana rua hahu husi 14 to'o 25 Jullu 2025 tinan ne'e.

Media F-FDTL

Sold. Domingos Sarmento

Sold. Evaristo

Grumete Francisco

Dili, 17 Outubru 2025

Ohin Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek desloka bá Austrália ho Aviaun AIRNORTH.

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek desloka bá Austrália ne'e ho objetivu atu halo Vijita bá Membru F-FDTL ne'ebé dadaun ne'e halo Hela Jogu amizade iha Brisbane no sei asiste mós Jogu entre F-FDTL ho Forsas Armadas Austrália nian iha Brisbane, Austrália ne'ebé maka sei Realija iha aban.

Delegasaun ne'ebé mak akompanha Xefe Estadu Maior Jenerál F-FDTL mak hanesan Ajudante Kampo Kapitaun Guido Jerónimo, Enfermeiro CEMGFA Alferes Celestino nomós hetan akompanha husi Ekipa DCP Austrália iha Timor-Leste.

Media F-FDTL

Sargento Carceres

Kuartel Jenerál, 21 Agostu 2025 

Xefe Estadu Maior Jenerál Forsas Armadas Portugal Jenerál José Nunes da Foseca ho Major Jenerál Rose King (The Cheif of Army) Forsa Nova Zelândia halo vijita kortejia ida bá Intutisaun FALINTIL Forsa Defeza Timor-Leste (F-FDTL) hodi koalia kona-báKooperasaun Tekniku Militár.

Nia dehan, Tenente Jeneral Forsas Armadas Portugal, José Nunes da Fonseca ho Major Jenerál Rose King ( The Cheif of Army) Forsa Nova Zelândia ne’ebé mai partisipa iha loron FALINTIL bá dala-50 ne’ebé Timor-Leste (TL) komemora iha loron 20 de Agostu tinan 2025.

"Ne’e hanesan baibain ona, ita bá ema konvida bá fatin serimónia nian, ne’e sempre inkontru bilateral nomós ida inkontru kortejia, komprementa no agradese deit bá ita," hatete Xefe Estadu Maior Jenerál FALINTIL – Forsa Defeza Timor Leste (F-FDTL), Tenente Jenerál Domingos Raúl “Falur Rate Laek” iha Kuartel Jenerál F-FDTL Fatuhada Dili.

Nia esplika, sira mai vizita atu diskuti kona-bá kooperasaun ne’ebé hala’o tiha ona iha tempu foin dadaun iha pasadu ne’eba.

"Ita ho Portugal ne’e ita nia formasaun espesifiku nia agradese, liu-liu nia mai agradesimentu nia onra, no hau fó hanoin pontus importante sira ne’ebé hanesan kooperasaun nian no apoiu organizasaun ita saude militár, fó alimentasaun bá forsa sira, hau fó hanoin para nia bá hasoru Ministru karik en kaixa bá programa ne’ebé kuadru, Governu rua preven para tau bá iha Futuru," nia informa.

Alende ne’e iha mós Major Jenerál Rose King ( The Cheif of Army) Forsa Nova Zealândia ne’ebé hasoru malu ho Xefe Estadu Maiór Jenerál FALINTIL – Forsa Defeza Timor Leste (F-FDTL), Tenente Jenerál Domingos Raúl “Falur Rate Laek” hodi komprementa no agradese, no sei hasoru malu iha Indo-Pasífiku iha Thailndia tanba ne’e sei iha diskusaun kona-bá kooperasaun tekniku Militár nian.

"Ita diskuti malu kona-bá kooperasaun entre parte rua ne’e hotu, atu koalia kona-bá kooperasaun tekniku Militár nian, sira mós sei mai trenu ita kona-bá tiru nian maneza kilat nian, depois ita mós haruka ita nia Militár sira ba estudu iha akademia Militár Nova Zealandia nian, no sira mós sei fó formasaun sira seluk, nomós ita agradese bá sira tamba fó ona formasaun bá ita nia Banda Militár" nia informa

Media F-FDTL

2'Carceres