Kuartel Jenerál, 08 Outubru 2025

Delegasaun husi Veteranus Persatuan Purnawirawan Tentara Nasional Indonésia (TNI) Angkatan Darat husi Indonésia halo vizita bá iha kuartel Jenerál FALINTIL -Forsa Defeza Timor-Leste (F-FDTL) hodi hametin lasu kooperasaun amizade nian.

Nunee, vizita husi delegasaun hirak nee simu direita husi funu-nain Xefe Estadu Maior Jenerál F-FDTL Tenente Jeneral Domingos Raúl "Falur Rate Laek". No halo mós enkontru durante oras balu nia laran.

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek konsidera katak, vizita husi veteranus TNI Indonésia ne'e hanesan parte ida atu konese fila-fali malu, hafoin fahe malu iha funu tinan 24 nia bá independénsia Timor-leste nian.

"Ita mai konese fila-fali malu, atu rekonese malu katak, istória halo Timor-Leste nee, ita hotu hamutuk mak halo istória, lakon ita mak lakon hamutuk no manan mós ita mak hamutuk,"hatete Tenente Jenerál Falur Rate Laek.

Nia hatutan, istória funu nian sai hanesan ona memoria hatutan bá jerasaun tuir mai, tanba ne'e hamutuk hotu-hotu selebra susesu independénsia, nune'e oinsá hateke bá oin bá distinu Nasaun no Povu nian entre Nasaun rua.

Nunee, iha biban hasoru malu nee, Xefe Estadu Maior Jenerál F-FDTL lansa mós idea balu bá veteranus TNI nian, oinsá kria kooperasaun forti liu, hodi servisu hamutuk.

"Hau ohin lansa tiha ona idea katak, ami-nia asosiasaun F-FDTL kria dadauk ona, ne'ebé ami hakarak servisu hamutuk nafatin ho sira, para depois ita hadia ami-nia hanoin pareser bá poder desidor deside distinu rua nee nian", nia fundamenta.

Iha fatin hanesan, Major Jenerál TNI (Purnawirawan) Kamaruddin Simanjuntak konsidera katak, sira nia vizita bá iha kuartel-F-FDTL furak no importante tebes, atu kria unidade no amizade.

"Ami mai iha nee, hasoru malu ohin loron nian ne'e diak tebes. Ami delegasaun mós apresia bá Jenerál F-FDTL nian hamutuk ho povu sira tun direita bá bundaran simu ami ho diak tebes", nia dehan.

Nia hakuir katak, los duni iha istória funu durante tinan 24 nian iha tempu Timur-Timur nian, posizaun husi Indonésia nian diferente, maibé hotu-hotu hamutuk esforsu tantu husi Timor-Leste no Indonésia.

"Maibé ohin ita hasoru malu no tur hamutuk hanesan persahabatan ka belun diak. Tanba ne'e espera katak, ho hasoru malu ne'e akan terkeanal hodi hare husi jerasaun foun husi Timor-Leste no Indonésia di'ak bá futuru," nia afirma.

Media F-FDTL

Sargento Carceres

Brunei Darussalam, 14 Maiu 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Falur Rate Laek ho delegasaun halo Vijita bá Akadémia Militár Royal Brunei Armed Forces (RBAF).

Iha Vijita Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek ne'e simu direta husi Komandante Akadémia Militár Brunei Darussalam nian Koronel Pengiran Sharifuddin Bin Pengiran Haji Yusoff ho nia estrutura tomak iha Baze Akadémia Militár.

Objetivu husi ne'e oinsá iha futuru atu hametin diak liutan relasaun amizade entre FALINTIL-Forsa Defeza Timor-Leste (F-FDTL) ho Angkatan Bersenjata Diraja Brunei Darussalam (ABDB), no iha futuru Komandu FALINTIL-FDTL sei haruka kadetes F-FDTL bá estudu iha Akadémia Militár Diraja Brunei Darussalam.

Iha Vijita ne'e Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek akompanha husi Ajudante Kampo CEMGFA Kapitaun Egy no Enfermeiro do CEMGFA Alferes Celestino Amaral.

Média F-FDTL

Indonésia, 18 Jullu 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek, akompanha husi Adido Defesa Timor-Leste bá Indonésia Koronel Manuel Freitas 'MAUBUTI' ho Adjunto Adido Defesa Timor-Leste bá Indonésia Tenente Koronel (Grad) José Pinto hamutuk ho delegasaun halo Vijita bá Bendungan istóriku JATILUHUR, iha Purwakarto, Jawa Barat, Indonésia.

Media F-FDTL