Dili, 11 Agosto 2025

Xefe Estado Maior FALINTIL- Forsa Defesa Timor Leste Brigadeiro Jenerál José da Costa Soares “TRIX” Akompaña Ministru Defeza, Kontra- Almirante Donaciano da Costa Gomes Ph.D, Aprezenta Orsamentu Jerál Estadu tinan fiskál 2026 bá Komité Revizaun Orsamento (KRO) iha edifísiu Ministériu Finanças, Aitarak Laran.

Komité Revizaun Orsamental ne'ebé lidera husi Primeiro-Ministro, Kay Rala Xanana Gusmão, hetan konsiderasaun diak husi Ministériu Finanças no sira sei diskute tuir rekomendasaun Prezidente Komisaun nian hodi diskute prioridade sira ne'ebé bele hetan konsiderasaun hodi atribui adisionál bá Ministériu refere.

Reuniaun KRO ne'e prezide direta husi Xefe Governu Kay Rala Xanana Gusmão.

Media F-FDTL

Evaristo das Dores

Kuartel Jenerál, 07 Jullu 2025.

Xefe Estadu Maior FALINTIL-Forsa Defeza Timor-Leste (F-FDTL) Brigadeiru Jenerál José da Costa Soares "TRIX", loke abertura sensibilizasaun bá Militár sira ho tema "Liu husi konsiensia bá Asaun promove Igualdade Jéneru Haforsa Étika no Responsabilidade" bá Militár sira kompostu husi Kuartel jenerál, Komponente no Unidade sira, atividade ne'e hala'o iha Kuartel Jenerál, Fatuhada, Dili.

Iha abertura ne'e Xefe Estadu Maior F-FDTL Brigadeiru Jenerál José da Costa Soares "Trix" hatete, Se ita ko'alia kona-bá jéneru ka étika no responsabildade, mak asaun konkretu ida neʼebé iha kareira vida Militár feminina nian, atu halo buat ruma, saida de'it mak bele halo loro-loron, ida ne'e tau iha hanoin no tau iha responsabilidade.

"Ha'u husu bá imi, halo asaun bá buat hotu-hotu neʼebé iha nia responsabilidade, ne'e bazeia bá kareira étika neʼebé estabelese tia ona iha instituisaun F-FDTL."

Media F-FDTL

Bakita

Dare, 16/12/2025

Xefe Estadu Maior das F-FDTL Brigadeiro Jenerál José da Costa Soares "Trix" fo palestra ba Formandu nain atus ida resin husi prisionáriu no Terras Propriedades husi ajente ba funsionáriu permanente, iha palestra ne'e ho tema "DEZENVOLVE FUNSIONÁRIU HO KARAKTER FORTE NO INTEGRIDADE" husi tema ne'e mak oinsa atu dezenvolve funsuonáriu sira ho karakter no intrega ba instituisaun sira ne'ebé atu servisu ho disipliña nomós loialdade ba instituisaun tuir regulamentu sira ne'ebé estabelese.

Ajente sira ne'e hafoin konklui teste husi Funsaun Públika, no sei kontinua tuir formasaun karakter durante semana tolu husi Instrutor sira husi komisaun Funsaun Públika (CFP) Formasaun karakter nomós Instrutor husi F-FDTL hanorin mós kona-bá orden Unida no seluk tan.

Iha Palestra ne'e fo husi Xefe Estadu Maior das F-FDTL Brigadeiro Jenerál José da Costa Soares "Trix" hetan partisipasaun máximu husi Formandu sira hanesan Terras Propriedade nomós ajente sira husi Prisionárus ba funsionáriu permanente.

Ekipa Média F-FDTL

Sold. Boni Mendonça

Komponente Terrestre, 01 Setembru 2025

Xefe Estadu Maior FALINTIL-Forsa Defeza Timor-Leste (F-FDTL) Brigadeiru Jenerál José da Costa Soares 'TRIX' ohin abertura bá ezersísiu MATEBIAN 25.2, iha Komponente ForsaTerrestre, Baucau.

Ezersísiu MATEBIAN 25.2 tinan ne'e realiza iha Munisípiu Baucau, Postu-Administrativu Quelicai, Aldeia Laikai-Wa, Suku Makadiki, Postu Administrativu Uatulari, Munisípiu Viqieque, hahu husi loron 01 até 14 fulan Setembru tinan ne'e, Ezersísiu ne'e parte ida mós atu hasa'e kapasidade Militár sira nian, iha nivel planeamentu, tékniku, inklui nivel tátiku nian, iha aréa operasaun.

“Ohin Komandu Komponente Forsa Terrestre lansa Ezersísiu MATEBIAN 25.2, iha parte Leste hanesan ezersísiu pratíku ida iha terenu hanesan defensiva no Ofensiva, Pratikamente ida ne'e duni maka forsa sira atu implementa iha tereinu, kona-bá oinsá ita monta defensiva iha postu komandu entermos tatíku, tekníku operasionais tuir pratíka ne'ebé ita hatete sei hetan difikuldades barak ,dalaruma imi sei la han husi esperitu sobrevivensia ninian, dalaruma kalan imi sei la tein ida ne'e mós esperitu sakrifisiu dalaruma imi toba deit iha abrigu laran la sai ne'e mós Sakrifisiu ida, buat sira ne'e mak tenki jere hodi mantein imi nia disiplina tuir hirarkia komandu" dehan Xefe Estadu Maior F-FDTL Brigadeiru Jenerál "TRIX".

Partisipa Iha serimónia ne'e maka hanesan komandante Komponente Terrestre Koronel Operasaun Espesias Dobu, Representante Komandante Naval, Representante Komandante Aéreo Komandante Batalhão, no Unidade-sira, Komandante PNTL Baucau, autoridade Munisipiu Baucau, Konsellu Kombatentes Veteranus Baukau, Klinika David Alex Daitula, Diretór Hospital Rejional inklui HOREX Munisípiu Baukau.

Média F-FDTL

Primeiro Sargento Garcia

Bonifácio Mendonça

Domingos Sarmento