Malázia, 09-12 Setembru 2025

Vise Xefe Estadu Maior Jenerál FALINTIL-Forsa Defeza Timor-Leste (F-FDTL) Majór-Jenerál Calisto Santos “Coliati” reprezenta Sua Exelénsia Tenente-Jenerál Falur Rate Laek partisipa iha Enkontru Xefe Forsa Defeza husi nasaun ASEAN.

Majór Jenerál Coliati partisipa iha Enkontru Xefe Forsa Defeza ASEAN nian bá dala 22 (ACDFM) iha Kuala Lumpur, Malázia hahú husi loron 9 to'o 12 fulan-Setembru tinan 2025.

Fórum seguransa rejionál ho nível aas ne’e halibur Xefe Forsa Defeza sira husi Estadu-membru ASEAN nian, inklui Timor Leste, hodi troka perspetiva no hanoin kona-bá bá kooperasaun multilaterál hodi responde bá dezafiu sira seguransa rejionál nian.

Iha ninia intervensaun, Majór-Jenerál Coliati expressa katak nu’udar Estadu observadór, Timor-Leste rekoñese ho interese partikulár ASEAN nia kapasidade ne’ebé hatudu ona bá rezolusaun konflitu, hanesan evidénsia iha mediasaun disputa fronteira Kamboja-Tailándia foin lalais ne’e. Realizasaun ida-ne'e reprezenta avansu substansiál iha arkitetura seguransa rejionál, ne'ebé halo balansu ho efetivu bá prinsípiu la-interferénsia ho envolvimentu pragmátiku bá estabilidade rejionál.

Nia subliña katak F-FDTL nafatin dedika no esforsa an atu aprende no servisu besik ho omólogu sira ASEAN nian hodi hametin reziliénsia rejionál hasoru dezafiu seguransa nian ne’ebé evolui ho ritmu lalais.

Majór-Jenerál Coliati iha oportunidade hala'o mós reuniaun bilateral ho Jenerál Tan Sri HJ Mohd Nizam Bin HJ Jaffar, Xefe Forsa Defeza Forsas Armadas Malázia nian nu'udar uma na`in bá ACDFM, nune’e mós ho Jenerál Vong Pisen husi Kambódia.

Entretantu tinan oin Forsas Armadas Filipina nian maka sei sai uma-na'in bá ACDFM bá dala 23 iha Manila iha Maiu 2026.

Media F-FDTL

Palasiu Prezidensial, 07 Abril 2025

Vise Xefe Estadu Maior Jenerál FALINTIL-Forsa Defeza Timor-Leste (F-FDTL) Major Jenerál Calisto Santos Coliati, ohin partisipa iha enkontru Konsellu Superior Defeza no Seguransa, ne’ebé lidera hosi Prezidente Repúblika José Ramos-Horta, nu'udar mós Komandante Supremu Forsas Armadas nian, iha Palásiu Prezidensiál Aitarak Laran.

Objetivu husi enkontru ne'e, hodi koalia kona-bá konseitu estratéjiku ligadu ho defeza no seguransa nasionál, tanba Konsellu Superior Defeza no Seguransa hanesan órgaun konsultasaun Xefe Estadu nian.

Enkuantu membru Konsellu Superior Defeza no Seguransa Partisipa direita husi Primeiru Ministru Kayrala Xanana Gusmão ho Membru Governu, Membru Parlamentu Nasionál, instituisaun defeza no seguransa no mós reprezentante husi Xefe Estadu nian.

Média F-FDTL

Darwin, 19 Fevereiru 2026

Vise Xefe Estadu Maior Jenerál FALINTIL-Forsa Defeza Timor-Leste (F-FDTL) Major Jenerál Calisto Santos ‘Coliati’ partisipa iha serimónia komemorasaun Bombardimentu iha Darwin Austália.

Komemorasaun Bombardimentu Darwin Iha 19 fulan Fevreiru kada tinan iha Darwin, tamba iha tinan 84 liu bá Austrália hetan atake estranjeiru ne’ebé la esperadu iha rai laran.

Loron Bombardimentu Darwin mak loron ne’ebé sai hanesan istória ida, hodi tuba tributu bá servisu feto no mane inklui sivíl ho sira ne’ebé defende rai ne’e nian, Komemorasaun loron ne’e mós hanesan istória bá jerasaun foun sira kona-bá iha Bombardimentu Darwin, hodi haktuir no komemora hotu-hotu ne’ebé sai parte husi guerra ne’ebé luta iha Austrália norte nian.

Iha serimónia komemorasaun Bombardimentu ne’e, Vise Xefe Estadu Maior Jenerál FALINTIL-Forsa Defeza Timor-Leste (F-FDTL) Major Jenerál Calisto Santos ‘Coliati’ hetan akompanha mós husi Adido Defeza Timor-Leste bá Austrália Kapitaun Mar e Guerra João da Silva.

Media F-FDTL

Izidor Lopes

Darwin, 20 Fevereiru 2026

Vise Xefe Estadu Maior Jenerál FALINTIL-Forsa Defeza Timor-Leste (F-FDTL) Major Jenerál Calisto Santos ‘Coliati’ halo vijita bá semiteriu Militár hodi tau Aifunan no presta omenajem bá heróis sira, wainhira partisipa iha serimónia komemorasaun loron Bombardimentu iha Darwin Austrália.

Iha Vijita ne’e Vise Xefe Estadu Maior Jenerál FALINTIL-Forsa Defeza Timor-Leste (F-FDTL) Major Jenerál Calisto Santos ‘Coliati’ akompanha husi Adido Defeza Timor-Leste bá Austrália Kapitaun Mar e Guerra João da Silva.

Media F-FDTL

Izidor Lopes