Tasi Tolu, 26 Abril 2025.

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek hamutuk ho estrutura tomak Partisipa iha serimónia Misa Fúnebre bá Maktoban Sua Santidade Papa Francisco Iha Tasi Tolu hodi fó omenajen Ikus bá Maktoban Sua Santidade Papa Francisco.

“Timor nia fuan Metin teb-tebes iha Sua Santidade Amo Papa Francisco, Hakmatek hela ho imi no hakmatek iha Maromak nia Reinu Lalehan Amo Papa Francisco” dehan Dom Leandro Maria Alves Liu husi Omilia iha selebrasaun Misa bá maktoban Sua Santidade Papa Francisco nian.

Ema ida-idak hahu husi ita nia nai ulun Nasaun nian, ita nia nai ulun relijiaun nian nomós ita sarani sira ka ema baibain sira, ida-idak espresa sira nia esperiénsia rasik ne’ebé nia hetan liu husi hare iha televizaun, hasoru direita ou espresa fila fali doutrina sira ne’ebé Amo Papa Koalia wainhira nia sei moris, espresaun sira ne’e hatudu sira nia domin no hamoris fali memoria Papa Francisco nian.

Partisipa iha Misa Fúnebre ne’e mak hanesan Membru Governu, Prezidente Parlamentu Nasional, Prezidente Tribunal Rekursu, Primeiro Ministru, Xefe Estadu Maior Jenerál F-FDTL Tenente Jenerál Falur Rate Laek, Komandante Jeral PNTL, Korpu Diplomátiku, eis Titulares, estrutura tomak husi Komandu F-FDTL ho PNTL, no hetan partisipasaun Maximu husi Povu no Sarani Doben Timor Leste tomak.

Iha Misa fúnebre bá maktoban Sua Santidade Papa Francisco nian ne'e Preizide husi amu Bispo Dioseje Baucau Dom Leandro Maria Alves.

Misa fúnebre ne'e la'o diak tebes tamba hetan Seguransa Maximu husi FALINTIL-Forsa Defesa Timor-Leste (F-FDTL) no Polisia Nasionál Timor-Leste (PNTL).

Média F-FDTL

Palasiu Prezidensiál, 19 Setembro 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek, Partisipa iha Serimónia Palestra Prezidensiál 2025 série III kona-bá Emprededorismo.

Media F-FDTL

Nhoy Borges

Istanbul, 22 Jullu 2025

Reprejentante Ministru Defeza Timor-Leste Contra Almirante Donaciano do Rosario Costa Gomes 'Pedro Klamar Fuik' Ph,D ne'ebé reprejenta husi Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek, partisipa iha serimónia Abertura International Defence Industry Fair (IDEF) 2025, iha Istanbul Turky.

Serimónia abertura Feira Indústria Defeza Internasionál ne'e loke diretamente husi Prezidente Repúblika Turky Sr.Recep Tayyip Erdoğan, iha Sentru expo Nasaun Turkya nian.

Feira Indústria Defeza Internasionál IDEF Prontu atu Habelar Nia Susesu iha IDEF 2025, Feira Internasionál Indústria Defeza nian bá dala 17, simu partisipante sira no vizitante sira iha Istambul hosi loron 22-27 fulan-Jullu tinan 2025.

IDEF 2025 bá dala 17 hala'o iha Sentru Expo Istambul nian durante loron ne'en hahu hosi loron 22 to'o 27 fulan-Jullu tinan 2025. Feira ida-ne'e organiza hosi Ministériu Defeza Nasionál Turkia nian, ho apoiu hosi Prezidénsia Indústria Defeza nian, no organiza hosi KFA Fairs Organization Inc., iha jestaun no responsabilidade hosi Forsas Armadas Turkia nian.

IDEF hanesan eventu ida iha ne'ebé ofisiál sira setór públiku no privadu nian hosi mundu tomak halibur hamutuk hodi hatudu no deskobre produtu no teknolojia foun sira, espozisaun ne'e hakarak halibur partisipante profisionál sira no vizitante sira hosi rejiaun hotu-hotu iha tinan 2025, no kontinua prepara bá tinan oin mai.

Delegasaun ne'ebé maka akompanha Xefe Estadu Maior Jenerál F-FDTL Tenente Jenerál Falur Rate Laek, maka hanesan Ajudante Kampo CEMGFA Kapitaun Egy, Sekretaria CEMGFA Alferes Rojina de Araújo, no Enfermeiro CEMGFA Alferes Celestino Amaral.

Media F-FDTL

2^oSarjentu Carceres