Notisia

Xefe Estadu Maior F-FDTL Halo Abertura Bá Ezersísiu Matebian 25.2

Media F-FDTL QG Notisia 02 setembro 2025 Comments () 0 minutes read

Komponente Terrestre, 01 Setembru 2025

Xefe Estadu Maior FALINTIL-Forsa Defeza Timor-Leste (F-FDTL) Brigadeiru Jenerál José da Costa Soares 'TRIX' ohin abertura bá ezersísiu MATEBIAN 25.2, iha Komponente ForsaTerrestre, Baucau.

Ezersísiu MATEBIAN 25.2 tinan ne'e realiza iha Munisípiu Baucau, Postu-Administrativu Quelicai, Aldeia Laikai-Wa, Suku Makadiki, Postu Administrativu Uatulari, Munisípiu Viqieque, hahu husi loron 01 até 14 fulan Setembru tinan ne'e, Ezersísiu ne'e parte ida mós atu hasa'e kapasidade Militár sira nian, iha nivel planeamentu, tékniku, inklui nivel tátiku nian, iha aréa operasaun.

“Ohin Komandu Komponente Forsa Terrestre lansa Ezersísiu MATEBIAN 25.2, iha parte Leste hanesan ezersísiu pratíku ida iha terenu hanesan defensiva no Ofensiva, Pratikamente ida ne'e duni maka forsa sira atu implementa iha tereinu, kona-bá oinsá ita monta defensiva iha postu komandu entermos tatíku, tekníku operasionais tuir pratíka ne'ebé ita hatete sei hetan difikuldades barak ,dalaruma imi sei la han husi esperitu sobrevivensia ninian, dalaruma kalan imi sei la tein ida ne'e mós esperitu sakrifisiu dalaruma imi toba deit iha abrigu laran la sai ne'e mós Sakrifisiu ida, buat sira ne'e mak tenki jere hodi mantein imi nia disiplina tuir hirarkia komandu" dehan Xefe Estadu Maior F-FDTL Brigadeiru Jenerál "TRIX".

Partisipa Iha serimónia ne'e maka hanesan komandante Komponente Terrestre Koronel Operasaun Espesias Dobu, Representante Komandante Naval, Representante Komandante Aéreo Komandante Batalhão, no Unidade-sira, Komandante PNTL Baucau, autoridade Munisipiu Baucau, Konsellu Kombatentes Veteranus Baukau, Klinika David Alex Daitula, Diretór Hospital Rejional inklui HOREX Munisípiu Baukau.

Média F-FDTL

Primeiro Sargento Garcia

Bonifácio Mendonça

Domingos Sarmento

Xefe Estadu Maior F-FDTL Halo Enkontru Ho Sekretária Ofisiál Asistente Prinsipal Austrália Nian

Media F-FDTL QG Notisia 04 abril 2025 Comments () 0 minutes read

Kuartel Jenerál, 03 Abril 2025

Xefe Estadu Maior FALINTIL-Forsa Defeza Timor-Leste (F-FDTL) Brigadeiro Jenerál José da Costa Soares 'TRIX' ohin halo enkontru ho Sekretária Ofisiál Assistente Prinsipal Austrália nian Sra. Laura Darlington ne'ebé akompanha mós husi Adido Defesa Austrália nian iha Timor-Leste Kapitaun Mar e Guerra Matthew Richardson, enkontru refere realija iha Kuartel Jenerál F-FDTL Fatuhada, Dili.

Iha enkontru ne'e Ekipa ne'ebé akompanha Xefe Estadu Maior F-FDTL kompostu Dirasaun Saúde Militár Koronel Guido de Oliveira, Xefe Lojistika F-FDTL Tenente Koronel Fitun, Xefe Planeiamentu F-FDTL Tenente Koronel Taek, Xefe Kooperasaun Teknika Militár Tenente Koronel Domingos Oki nomós ho parte tekniku F-FDTL sira.

Objetivu husi enkontru ne'e maka oinsá atu hametin nafatin Kooperasaun Teknika Militár entre Timor-Leste ho Austrália liliu iha desenvolvimento FALINTIL-Forsa Defesa Timor-Leste (F-FDTL) nian iha Futuru.

Média F-FDTL

Xefe Estadu Maior F-FDTL ho delegasaun halo Vizita servisu iha RAEOA

Media F-FDTL QG Notisia 08 abril 2026 Comments () 0 minutes read

RAEOA, 07 Abríl 2026

FALINTIL-Forsa Defeza Timor-Leste (F-FDTL), Liu husi Xefe Estadu Maior F-FDTL Brigadeiru Jenerál José da Costa Soares "TRIX" akompaña husi komandante 2° BI/CT Tenente Koronel Graduadu Gregorio Bernardo Correia hamutuk ho Ofisiais nain-6, Sargento nain-2, Cabu nain-4 no prasa nain-1 hasoru malu ho reprezentante Autoriedade Munisípal Rejiaun Admistrativa Espesial Oé-cusse Ambeno (RAEOA) Sr. José Ase neno colo atual hanesan Diretór Rezionál Terras i Propiedade Munisípiu RAEOA ho nia estrutura.

Objetivu husi vizita ne'e parte ida atu hametin relasaun amizade entre Autoridade REAOA ho F-FDTL inklui mós kolia liu ba asuntu importante sira kona ba destakamentu forsa nian iha RAEOA nomós planu sei aumenta tan destakadu foun iha Sub-rejiaun Pasabé, Nitibé, pante makassar no Oesilo.

Hafoin surumutu, Xefe Estadu Maior F-FDTL ne'e haktuir intensaun komandu F-FDTL nian atu ható agradese ba autoridade RAEOA ne'ebé halo koopersaun diak tebes ho Instituisaun F-FDTL fó rai hodi hari postu destakadu sira iha teritóriu RAEOA nian.

"Hakarak fo obrigadu wain ba parte hotu hodi fó oportunidade no posibilidade ne'ebé fo mai ami Forsa deska hahú husi 2016 too mai agora no tuir intensaun komandu nia estatuto forsa nian katak atu halo oinsa para bele destaka forsa iha teritóriu Timor Laran hotu" haktuir Eis Funu Nain ne'e.

Hafoin remata Enkontru Xefe Estadu Maior F-FDTL ho nia delegasaun hamutuk ho ekipa ida husi PAM RAEOA nian ba kedas iha Postu oesilo hodi hare rai ne'ebé komunidade Oesilo entrega hodi Konstrui postu destakadu iha Sub-Rejiaun Oesilo.

Tuir planu komandu FALINTIL-FDTL nian sei halo kooperasaun diak liu tan ho Autoridade RAEOA nian hodi hari tan postu destakadu iha sub-rejiaun Pasabé, Nitibé, pante makassar no Oesilo nune'e hodi hakbesik liu tan ba iha komunidade aréa remotas nune'e bele garante pas no halo amigavel liu tan ho komunidade sira.

Ekipa Média F-FDTL

J' Silva

Xefe Estadu Maior F-FDTL Ho Estrutura Tomak Ohin Simu Saudoza Olandina Caeiro Nia Kadáver Iha Aeroporto NCL

Media F-FDTL QG Notisia 08 abril 2025 Comments () 0 minutes read

Dili, 05 Abril 2025.

Saudoza Maria Olandina Isabel Caeiro hakotu, ninia peregrinasaun iha loron 31 fulan Marsu tinan 2025, ho idade tinan 73, wainhira hala'o tratamentu bá nia saúde iha ospitál Internasionál Malásia.

Ohin nia isin mate to’o iha Aeroporto Internasionál Komandante Nicolau Lobatu, Dili, to'o iha aeroporto simu direita husi Xefe Estadu Maior FALINTIL-Forsa Defeza Timor-Leste (F-FDTL) Brigadeiro Jenerál José da Costa Soares "Trix" no akompanha ho Ofisiais superiores, Subalternos no Membru sira tomak, inklui Membru Governo nomós Oan Kiak no Família Matebian nian rasik, no simu ho tradisaun Militár nian, depois simu tia Matebian nia isin Mate, kontinua lori kedas bá iha matebian nia rezidensia Bidau hodi hein prosesu fúnebre nian.

Média F-FDTL.

Xefe Estadu Maior F-FDTL Partisipa Iha Eventu Lankawi Internasional Maritime And Aerospace Exebisaun 2025 Bá Dala-17 Iha Malaysia

Media F-FDTL QG Notisia 28 maio 2025 Comments () 0 minutes read

Malasya, 19-23 Maiu 2025

Xefe Estadu Maior FALINTIL-Forsa Defeza Timor-Leste (F-FDTL) Brigadeiro Jenerál José da Costa Soares 'TRIX' partisipa iha eventu “The 17th Lankawi Internasional Maritime and Aerospace Exebisaun 2025 (Lima 25), ne’ebé mak realiza durante loron 5 hahu husi loron 19 to’o 23 fulan Maiu tinan ne'e, iha Kuala Lumpur Malasya.

Serimónia ne'e organiza husi Ministro Defesa Malaysia, Exebisaun Lankawi ida ne’e pratikamente halibur Kooperasaun global ida husi parte forsa rejional no extra-rejional sira hanesan Naval, Aéreo, Terrestre, Polisia no ajénsia industria Nasionál no Internasionál, parte interesada sira ne’ebé iha relasaun ho Forsas Armadas Malaysia, atu fasilita troka hanoin no prespetiva sira kona-bá kestaun iha segruansa Maritima no Aéreo nian iha sudeste aziatiku no li-liu bá nivel global.

Relativamente ho programa bá exebisaun ne’e, realiza kada tinan rua dala-ida, no Instituisaun FALINTIL-FDTL mós sai hanesan konvidados hodi marka prezensa mós iha exebisaun bá amostra kapasidade operasional Malaysia nian bá Forsa amiga iha nivel rejional no global intermos bele aumenta ita nia Kooperasaun iha area seguransa.

Media F-FDTL

Ajudante Kampo do CEM "Tenente Vaz"

NOTISIA

Xefe Estadu Maior F-FDTL Halo Abertura Bá Ezersísiu Matebian 25.2

Xefe Estadu Maior F-FDTL Halo Enkontru Ho Sekretária Ofisiál Asistente Prinsipal Austrália Nian

Xefe Estadu Maior F-FDTL ho delegasaun halo Vizita servisu iha RAEOA

Xefe Estadu Maior F-FDTL Ho Estrutura Tomak Ohin Simu Saudoza Olandina Caeiro Nia Kadáver Iha Aeroporto NCL

Xefe Estadu Maior F-FDTL Partisipa Iha Eventu Lankawi Internasional Maritime And Aerospace Exebisaun 2025 Bá Dala-17 Iha Malaysia

Semak Ami

Saida Mak Ami Halo

Kontaktu Ami