Ofisiais Superior F-FDTL Nain Ida Remata Ona Kursu Komando Estadu Maior Forsa Aérea Nian Iha Nasaun Estadus Unidus Amerika
Estadus Unidus Amerika, 22 Maiu 2025
Membru FALINTIL-Forsa Defeza Timor-Leste (F-FDTL) nain ida Tenente Koronel Graduadu Salustiano de Vasconcelos atuál hanesan Segundo Komandante Forsa Aérea F-FDTL, remata ona Kursu Komandu Estadu Maior Forsa Forsa Aérea nian ne’ebé halao iha Maxwell AFB, Base da Forsa Aérea Estadus Unidos, Montgomery, Alabama, ho periodu tinan ida nia laran hahu husi 19 Maio 2024 to’o 22 Junho 2025.
Kursu ne’e realija tamba FALINTIL-FDTL hetan oportunidade hodi partisipa kursu refere liu husi Programa Kooperasaun Defesa nian, Kursu ne’e hala’o iha Universidade Forsa Aérea (Air University).
Objetivu husi kursu ne’e maka oinsá atu desenvolve kapasidade lideransa Forsa Aéreo nian hodi prepara aan perante operasoens konjunta, multinasionál no interagencias, eduka no treinu lideres iha nivel operasionál atu sai agil liu tan, innovativu no adaptivos ho hanoin ka pensamnento kritiku halo komunikasaun ho efikas, bele involve aan iha servisu ekipa ka grupo no bele lidera organizasaun ida tuir prinsipiu missaun komando atu hala’o operasoens Aéreo ho asaun konjunta iha ambiente ne’ebé komplexo no incerteza.
Kursu ne’e hala’o iha tinan akademika 2024-2025 ne’ebé partisipa husi membru 400 pessoas ofisiais superiores husi Militár Estadus Unidus Amerika (EUA) ho postu Major no Tenente Koronel, alende ne’e iha mós Estudantes husi internasionál hamutuk 84, no Nasaun hamutuk 69 ho Postu Major no Tenente Koronel inklui mós estudante ida husi FALINTIL-FDTL ne’ebé maka foin partisipa nain ida.
Antes hahu akademiku iha ACSC, Maxwell Air Force Base - Alabama, ofisiais internasionais hotu-hotu sei tuir tan kursu preparativos “International Officer Stududent Preparatory Course” durante fulan ida ho balun, Preparativos ida ne’e organiza husi International Officer School (IOS) ne’ebé mak toma konta administrativos bá ofisiais internasionais hotu-hotu perante hala’o kursu iha Maxwell Air Force Base, Alabama, Estadus Unidus Amerika.
Kursu ida ne’e desenha atu familiariza estudantes Internasionál sira kona-bá kultura, familiariza kurríkulu, materias no método avaliasaun durante kursu ACSC, prepara estudantes sira nia abilidade hekerek, le’e, pensamento no diskusaun iha nivel Akadémiku, familiariza bá organizasaun, missaun, no dutrina forsa EUA nian, hahu husi 31 Maiu 2024 ate 12 Julho 2024, no Alunos sira ne’ebé remata ho susesu kursu preparativo ACSC nian sei simu Diploma.
Matéria ne’ebé cobre iha kursu ne’e, mak hanesan
- Preparasaun académica
- American Ideals and Institutional (Ideais Americanos e Institucionais)
- Lidership (Liderança)
- Military Studies (Estudo Militar)
- Communications Skills (Capacidade de Comunicação)
- Field Training Program (FSP) visit akademiku ba Washington, DC.
Kursu Komandu Estado Maior Forsa Aérea (ACSC) hanesan programa pós-graduasaun ne’ebé hala’o ho regirozu tebes ho durasaun 46 semanas (fulan sanulu resin ida) hahu husi dia 08 Julho de 2024 no remata iha 21 Julho de 2025 no ministradu liu husi atividades seminários intensivos no palestras, kursu ACSC fahe bá semestre rua ne’ebé abrangem materia akadémiku nian mak hanesan, profissão de armas, lideransa no étika, operações konjuntas, poder Aéreo e o ambiente de seguransa internasionál, nune’e mós iha fulan último kursu nian pratika mós Ezersísiu Jogu de Guera, Alunus sira ne’ebé remata ho susesu kursu ACSC sei simu krédito edukasaun Militár Profissional Konjunta I (JPME I) no Diploma.
Media F-FDTL
Tenente Koronel (Grad) Salustiano de Vasconcelos
