Ofisiais Superior Na'in-2 Ba Kumpri Misaun Iha Sudão Sul

Dili, 11 Juñu 2025

FALINTIL-Forsa Defeza Timor-Leste (F-FDTL), nia Ofisiais Superior na'in-2 ba kumpri misaun Ofisiál Observadór militár nian iha nasaun Sudão Sul durante tinan Ida nia laran.

Antes ne'e, iha loron 9 fulan Juñu ofisiais na'in-2 halo ona aprezentasaun ba iha Xefe Estadu Maoir Jenerál F-FDTL, Tenente Jenerál Falur Rate Laek, iha knaar fatin Kuartel Jeneral Fatuhada Dili, molok ba kumpri misaun iha nasaun Sudão Sul hanesan Ofisiál Observadór militár nian.

Ofisiais Superior na'in-2 maka hanesan Major Edi Fernandes Viana ho Major Rodrigues despedida ikus ho familia iha Aeroportu Internasional Nicolau Lobato hodi viagem ba nasaun Sudão Sul hodi hala'o misaun durante tinan ida nia laran hahú husi loron 11 juñu 2025, nune'e sei fila hikas iha loron 11 juñu 2026.

Média F-FDTL