Kuartel Jenerál, 17 Abril 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek, ohin hasoru malu ho Komisario Jeral Polisia Nasionál Timor-Leste (PNTL) Komisario Polisia Henrique da Costa, iha kna’ar fatin, kuartel Jenerál F-FDTL, Fatuhada, Dili.

Objetivu husi enkontru ne’e maka oinsá koalia konabá servisu konjunta entre komandu rua ne’e liliu Seguransa ho Defeza nian, nomós kona-bá preparasaun bá retiru entre komandu FALINTIL-FDTL ho PNTL iha serimónia loron FALINTIL nian 20 Agostu tinan ida ne’e.

Enkontru ne’e akompanha mós husi Segundo Komandante Jerál PNTL Komisario Pedro Belo, Xefe Estadu Maior FALINTIL-FDTL Brigadeiru Jenerál José da Costa Soares ‘TRIX’, Xefe Gabinete CEMGFA Koronel Rizai nomós Assessor Dino.

Media F-FDTL

Kuartel Jenerál, 10 Dezembru 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek ohin halo enkontru ho konsellu dirativa husi Hospital Nasionál Guido Valadares (HNGV) Sr. Nuno Vital Soares, S. SPI.M.Psicanalis nu'udar Diretor Executivo e Prezidente HNGV ho delegasaun iha kna'ar fatin Kuartel Jenerál F-FDTL, Fatuhada, Dili.

Iha enkontru ne'e objetivu atu aprezentasaun bá Xefe Estadu Maior Jenerál F-FDTL kona-bá kooperasaun servisu no kapasitasaun rekursu humanu iha aréa saúde nian, liliu kona-bá paliativu ninian, nomós kona-bá kooperasaun ho Hospital Nasionál Guido Valadares (HNGV).

Alende ne'e mós halo kontinuasaun estajiu profisional membru F-FDTL ne'ebé maka destaka iha HNGV, dadaun ne'e ita nia Militár. nain neen(6) mak koloka iha ne'ebá, sira nia servisu atende liu bá Militár sira ne'ebe moras, Família Militár no Veteranus sira.

Depois ita nia ema sira balu mós sei estajiu iha ne'ebá estagiu iha emergensia, Biometrik nian, Ragiologia, tilun nia nomós matan nian.

Enkontru ne'e mós kolia kona-bá oinsá atu apoiu Dirasaun Saúde Militár (DSM) F-FDTL hare bá estabelesimentu sira, no sei destaka sentru internamentu Militár iha metinaru.

Partisipa iha enkontru ne'e maka hanesan Xefe Estadu Maior Jenerál F-FDTL Tenente Jenerál Falur Rate Laek, Diretór Executivo e Prezidente Konsellu HNGV, Diretór Saúde Militár (DSM) Kapitaun José António, Adjunto DSM Alferes Salvador dos Santos.

Media F-FDTL

Izidor Lopes

RAEOA, 26 Setembru 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek halo enkontru ho Prezidente Autoridade Rejiaun Administrativa Espesial Oekuse (AMBENO) Sr. Régio Servantes Romeia da Cruz Salu, iha Rezidensia Prezidente Autoridade RAEOA Oekusse Ambeno, hodi diskuti kona-bá Kooperasaun servisu no husu atu tau matan bá Membru F-FDTL ne'ebé destakadu iha RAEOA.

Ohin ami enkontru, ami troka idea no Informasaun liliu kona-bá Kooperasaun, depois hau husu bá Autoridade RAEOA sira nia Apoiu atu desenvolve Itá nia Militár sira iha Oekusse, atu koopera bá seguransa, tamba ohin loron ne'e Servisu hothotu, Itá integradu no inkluzivu tamba filosofia husi Forsas Armadas mak ne'e, Povu mak bee FALINTIL mak ikan, dehan Tenente Jenerál Falur Rate Laek hafoin remata enkontru ho Autoridade RAEOA.

Alende ne'e mós Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek fó parabeniza Povu Oekusse ne'ebé koopera diak tebes ho estrutura Foun RAEOA nian hodi servisu hamutuk no tempo ona atu halo mudansa jerasionál bá jerasaun foun sira.

Iha enkontru ne'e Xefe Estadu Maior Jenerál F-FDTL akompanha husi Segundo Komandante Komponente Naval Kapitaun Fragata Guido Guterres no Adjunto Divijaun Lojistika Major Infantaria Grigório Soares nomós Ekipa tomak husi delegasaun Xefe Estadu Maior Jenerál nian.

Media F-FDTL

2' Sargento Carceres

Kuartel Jenerál, 17 Marsu 2026

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek halo enkontru ho Reprejentante International Committee of the Red Cross (ICRC) rejional Indonésia no Timor-Leste Sr. Martin De Boer, enkontru ne'e realija iha Kuartel Jenerál F-FDTL Fatuhada, Dili.

Media F-FDTL

Izidor Lopes