Metinaro, 30 Dezembru 2025

Xefe Estadu Maior Jenerál F-FDTL Tenente Jenerál Domingos Raúl "Falur Rate Laek" Partisipa misa agradesimentu ba loron nasionál Heroi sira nian iha igréja Parókia Nossa Senhora da Graça Metinaro.

Iha Misa agradesimentu ne'e organiza husi IX Governu Konstitusionál liu hosi Ministériu bá Asuntus Kombatentes Libertasaun Nasionál (MAKLN), hodi hanoin hikas “Loron Nasionál Heroi sira nian ka Dia dos Herois Nacionais” bá dala-VIII, 31 Dezembru 2017 to’o 31 Dezembru 2025.

Iha Missa Agradesimentu ne’e prezíde hosi Pe. Adriano Olan, iha Igréja Parókia Nossa Senhora da Graça Metinaro, Iha nia Omília haktuir Timor oan sira nia espíritu aten-brani luta hodi hasoru invazòr no povu reziste funu ida ne'e tamba dignidade nasaun nian mak bo'ot liu buat hotu.

“Ita funu, tanba mós Dignidade no dignidade ne’e boot liu ita-nia terus. Lia-loos ne’e nia sempre koalia. Liu-husi natureza, liu-husi ema, lia-loos ne’e la mate. Lia-loos ne’e nia-nia lian mós boot liu kilat-musan, Ita uluk ne’e ita brani ita la kaer kilat mós ita brani,” Pe. Adriano haktuir.

Iha sorin seluk Ministru Asuntus Kombatente Libertasaun Nasionál Gil da Costa Monteiro "Oan Soru" hateten loron 31 dezembru 1975 maka loron ida ne'ebe ita nia lider sira tur hamutuk hodi kolia konaba konseitu polítika atu ukun rasik an.

"Bainhira ita hakarak ukun an tenki lori ita nia vida mak sosa, lori faluk mak sosa, lori kilat mak sosa, lori matan mak ben, kosar no ran hodi sosa. Independénsia Timor-Leste la mai hanesan oferta, maibé independénsia Timor-Leste mai ho sakrifísiu". Hateten "Oan Soru".

Hafoin misa agradesimentu remata membru IX governu inklui mós alta enridades no mós Veteranus sira presta homenazen iha Jardim dos Herois Merinaro hodi tau aifunan.

Partisipa iha Missa Agradesimentu ne’e Ministru bá Asuntus Kombatentes Libertasaun Nasionál, Gil da Costa Monteiro “Oan Soru”, Xefe Estadu Maiór F-FDTL, Tenente Jenerál Domingos Raúl “Falur Rate Laek”, Komandante Komponente Naval, Comodoro Higíno das Neves, ho ofisiaias Jenerais no ofisiais Superiores sira, Komandu PNTL, Komandante Operasaun Nasionál, Superintendente Xefe Polísia Afonso da Silva, ho mós ofisial superior balu, Militár Reformadu sira, Diretór Jerál bá Asuntus Kombatentes Libertasaun Nasionál, Joaquim Carvalho de Araújo “Laletek”, Diretór Nasionál bá Aprovizionamentu MAKLN, Diretór Rekursus Umanus, Xefe Gabinéte Sekretáriu Estadu Veteranus nian, Abríl Borges, Asesór Polítiku Vicente Viégas “Roke”, Asesór Jurídiku, Alcino Soares Gomes, Diresoens kargu no Xefia sira, funsionárius MAKLN, funsionárius Conselho dos Combatentes da Libertação Nacional (CCLN), inklui famílias Kombatentes ho famílias Mártires da Pátria sira.

Ekipa Média F-FDTL

Sold. J.Silva / I.Lopez

Kuartel Jenerál, 20 Agostu 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek simu Vijita husi Xefe Forsas Armadas husi Nasaun Fiji nian Major Jenerál Jone Kalouniwai, iha kna'ar fatin Kuartel Jenerál F-FDTL, Fatuhada Díli.

Media F-FDTL

2'Sargento Carceres

Domingos Sarmento

Kuartel Jenerál, 20 Agostu 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek, ohin simu vijita husi Xefe Estadu Maior Jenerál Diraja Brunei Darussalam Major Jenerál Dato Paduka Seri Haji Muhammad Haszaimi Bin Bol Hassan, iha Kuartel Jenerál F-FDTL, Fatuhada, Dili

Vijita ida ne'e hanesan pasu importante ida hodi hametin diak liutan lasu amizade entre Forsas Armadas Nasaun rua ne'e nian iha futuru liu liu FALINTIL-Forsa Defeza Timor-Leste (F-FDTL) ho Royal Brunei Armed Forces.

Iha intervista Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jeneral Falur Rate Laek hateten, ida ne'e hanesan enkontru entre ita ho Brunei Darussalam, tamba uluk Sultan mai vijita ona ita nia rain, nomós ita nia Prezidente Repúblika Dr. José Ramos Horta mós bá ona vijita iha ne'eba, pois foin dadauk ne'e hau mós hetan konvite iha fulan kotuk bá vijita iha Brunei Darussalam, ne'ebé ohin Jenerál Brunei mai vijita, ida ne'e hau mak konvida, nia mai atu asisti ita nia serimónia loron Aniversáriu FALINTIL nian bá dala 50, alende ne'e ita mós komesa ona integrasaun iha komunidade ASEAN nian ne'ebé ita tenke servisu hamutuk.

Nia hatutan tan katak ohin ami rua diskuti mós kona-bá dezenvolvimentu Forsas Armadas rai rua ne'e nian, hau mós husu sira nia espriénsia tama bà ASEAN nia laran, no sira nia preparasaun saida.

Bá oin Itá mós bele partisipa ona iha seminariu kona-bá defeza nian iha Brunei Darussalam, ne'ebé ita agora servisu hamutuk, no sira mós kontente atu servisu hamutuk no koopera diak ho ita tha futuru.

Media F-FDTL

Baquita Auxiliadora