MINISTÉRIU DEFESA HO KOMANDU F-FDTL HALO ENKONTRU HO ADIDO DEFESA CHINA IHA TL.

Kuartél Jenerál, 23 Outobru 2025

 

Komandu FALINTIL-Forsa Defesa Timor-Leste (F-FDTL) liu husi Xefe Gabinete Vise Xefe Estadu Maior Jenerál F-FDTL Koronel Guido Oliveira "Coitado", ho Ekipa hamutuk ho Ministériu Defeza ohin halo enkontru ho Adido Defesa China nian iha Timor-Leste Koronel Miao Hai Jun, iha sala enkontru Kuartel Jenerál F-FDTL Fatuhada, Díli.

 

Iha enkontru ne'e ho objetivu koalia liu kona-bá hametin nafatin relasaun amizade entre Timor-Leste ho Nasaun China liuliu iha área Kooperasaun Teknika Militár nian entre Forsas Armadas rai rua nian iha Futuru.

 

Partisipa iha enkontru ne'e maka hanesan, Xefe Gabinete Vise Xefe Estadu Maior Jenerál F-FDTL Koronel Guido de Oliveira "Coitado", Xefe Divijaun Pesoal F-FDTL Tenente Koronel Jacinto Soares, Xefe Planeamento F-FDTL Tenente Koronel Yosep Taek, Cooperação Tekniku Militár Kapitaun Juvinal Ribeiro, Dirasaun Saúde Militár Alferes Salvador do Santos, Alferes Ornay nomós Funsionariu husi Ministériu Defeza Nian.

 

Média F-FDTL

Nhoy Borges