Quelicai, 14 Setembru 2025

Hafoin partisipa iha serimónia enseramentu Ezersísiu MATEBIAN 25 iha Aldeia Nahae, Suku Makadiki, Postu Administrativu Watulari Munisípiu Viqueque, Xefe Estadu Maior Jenerá FALINTIL-Forsa Defeza Timor-Leste (F-FDTL) Tenente Jenerál Falur Rate Laek, hamutuk ho komitiva halo vijita bá Jardim Herois Matris da Pátria Quelicai hodi presta omenagem wainhira desloka mai Dili.

Vijita bá Jardim Herois da Pátria Quelicai ne’e objetivu atu presta omenagem bá Saudozu Matris da Patria sira ne’ebé luta bá ukun rasik aan alende ne’e hodi observa direta Jardim Herois da Pátria Quelica nian.

Xefe Estadu Maior Jenerá FALINTIL-Forsa Defeza Timor-Leste (F-FDTL) Tenente Jenerál Falur Rate Laek akompanha husi Veteranus Quelicai, Segundo Komandante Komponente Terestrre Tenente Koronel Arlindo da Silva ‘LOES’, Komandante Primeiru Batillaun CFT Tenente Koronel Helio Filipe dias Quintas, Segundo Komadante Komponente Aéreo F-FDTL Tenente Koronel Grad Salustiano de Vasconcelos, Adjunto Divijaun Pesoal F-FDTL Major Rui do Rosário, Segundo Komandante Unidade Polisia Militár Kapitaun Julio de Olveira nomós delegasaun tomak.

Media F-FDTL

2 Sargento Carceres

Ataúro, 12 Setembru 2025

Xefe Estadu Maior Jenerá FALINTIL-Forsa Defeza Timor-Leste (F-FDTL) Tenente Jenerál Falur Rate Laek, akompanha husi Segundo Komandante Komponente Naval Kapitaun Fragata Guido Guterres no Adjunto lojistika Major Grigorio da Costa, halo vijita bá postu destakadu FALINTIL-FDTL iha ataúro.

Objetivu husi vijita bá Postu destakadu F-FDTL ataúro ne’e hodi hare diretamente kondisaun Militár Sira nian no servisu loron loron iha Atúro, entretantu iha Ataúro responsavel husi Korpo Komandu Fuzileirus Komponente Naval F-FDTL.

Iha vijita Xefe Estadu Maior Jenerál F-FDTL Tenente Jenerál Falur Rate Laek nian ne’e simu direta husi Prezidente Autoridade Ataúro Sr. Mateus Belo no kontinua kedas halo reuniaun ho Prezidente Autoridade ho estrutura tomak.

Hafoin reniaun Xefe Estadu Maior Jenerál F-FDTL Tenente Jenerál Falur Rate Laek ho ekipa tomak kontinua halo vizita bá Suku sira hodi hare direita kondisaun Ataúru nian.

Media F-FDTL

Izidor Lopes

Waibobo, 14 Setembru 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek hamutuk Xefe Estadu Maior F-FDTL Brigadeiru Jenerál José da Costa Soares “TRIX” , vijita bá Saúde Militár junta ho Saúde Munisípiu Baucau no Viqueque, halo tratamentu saúde bá komunidade sira iha Suku Waibobo Postu Administrativu Ossu Munisípiu Viqueque.

iha vijita ne’e Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek husu bá mediku sira atu halo tratamentu bá komunidade sira ho diak tamba iha area remotas susar tebes komunidade sira atu asesu bá tratamentu, ne’e duni ho prezensa mediku sira ne’e halo tratamentu diak bá sira.

“Husu bá ita bo’ot sira husi saúde Militár no Saúde husi Munisípiu Viqueque no Baucau halo tratamentu bá ita nia komunidade sira ho diak atu nune’e sira bele rekopera fali sira nia saúde, bá inan aman sira imi labele subar imi nia moras, saida maka imi sente tenke koalia sai bá ita nia oan sira, atu nune’e sira bele halo tratamentu bá ita bo’ot sira, tamba ita idade bá dadauk moras mós komesa iha, neduni lalika subar imi nia moras”. remata

Media F-FDTL

2 Sargento Carceres

Raeoa, 25 Setembru 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek ho delegasaun ohin desloka bá Rejiaun Administrativa Espesial Oekuse Ambeno (RAEOA).

Iha Vijita Xefe Estadu Maior Jenerál F-FDTL Tenente Jenerál Falur Rate Laek nian ne'e, Simu direta husi Prezidente Autoridade Rejiaun Administrativa Espesial Oekuse Ambeno (RAEOA) Sr. Régio Servantes Romeia da Cruz Salu ho estrutura tomak nomós akompanha husi lian nain sira ho kultura RAEOA nian iha pontu entrada Sakato.

Objetivu husi Vijita ne'e hodi bá hare direta Postu destakadu FALINTIL- Forsas Defeza Timor-Leste (F-FDTL) husi Komponente Terrestre no Komponente Naval ne'ebé maka oras ne'e hala'o hela kna'ar iha RAEOA.

Delegasaun ne'e akompanha husi Segundo Komandante Komponente Naval Kapitaun Fragata Guido Guterres, Adjunto Divijaun Lojistika Major Infantaria Grigório Soares, nomós Hamutuk ho Ekipa tomak.

Media F-FDTL

Carceres