NOTISIA

Membru F-FDTL Nain-10 Konkluí Formasaun Sound System Management

Media F-FDTL QG Notisia 20 de julho de 2026 Hare na'in: 18 0 minutes read

Kuartel Jenerál, 16 Jullu 2026

Membru FALINTIL-Forsa Defeza Timor-Leste (F-FDTL) nain-10 husi komponente no unidade, konkluí ona formasaun ba programa Sound System Management iha Kuartel Jenerál F-FDTL Fatuhada-Dili.

Formasaun ne'e hala'o durante semana rua, Ho objetivu atu hasa'e koñesimentu no kapasidade téknika membru F-FDTL nian iha jestaun ekipamentu sonorizasaun.

Iha serimónia entrega sertifikadu, Reprezentante Diretór Kompaña SUNNIVIO Unipessoal Lda, Sr. Domingos Xavio Gomes Marçal, agradese ba kolaborasaun hotu durante kursu tanba formasaun ne’e importante tebes.

"Ha'u hato'o obrigadu ba parte hotu ne'ebé tulun no kolabora durante kursu ne'e husi inísiu to'o remata.

Parabéns ba formandu sira hotu, Ida-ne'e pasu importante atu hasa'e kapasidade F-FDTL nian. Ha'u husu ba imi atu buka oportunidade hodi implementa buat ne'ebé imi aprende ona," dehan Sr. Domingos.

Iha fatin hanesan, Reprezentante Xefe Divizaun Pessoal/D1 F-FDTL, Tenente Koronél Rui Soares, hateten nia parte orgullu tanba formasaun sira-ne'e kontribui ba dezenvolvimentu instituisaun F-FDTL nian.

"Ha'u fiar katak durante formasaun ne'e imi nia koñesimentu no kapasidade sa'e makaas. Husu mós atu fahe koñesimentu ne'e ba maluk sira seluk ne'ebé seidauk hetan oportunidade," dehan Tenente Koronél Rui Soares.

Serimónia ne'e partisipa husi Tenente Koronél Rui Soares, ofisiais, sarjentu, praça sira inklui formadór no formandu sira.

Ekipa Média F-FDTL

Formandu CEFTEC