Membru F-FDTL Nain Tolu Remata Ona Kursu Formasaun Protokollu Bá Nivel I No Sei Hakat Bá Nivel II

Díli, 18 Maiu 2026

Membru FALINTIL-Forsa Defeza Timor-Leste (F-FDTL) nain 3, kompostu hosi Kuartel Jenerál nain 2 no Komponente Aérea nain 1, hamutuk ho Funsionariu husi Ministériu relevante ohin remata ona kursu Formasaun Relasaun Públika no Servisu Protokollu nian bá nível 1 no sei kontinua bá nível II.

Kursu Formasaun ne'e fasilita husi Sekretariu Estadu Komunikasaun Sosiál (SEKOMS) liu hosi Sentru Formasaun Téknika Komunikasaun (CEFTEC sigla Portugés).

Objetivu husi Kursu ne'e maka oinsá atu fasilita Funsionariu sira iha área Relasaun Públika no Servisu Protokollu nian iha kada Ministériu no Instituisaun idak idak nian.

Formandus hirak ne'e kompostu hosi, F-FDTL, Ministériu Desenvolvimento Rehabilitasaun komunitaria (MDRHC), ⁠Ministériu Koordenador dos Asuntos Ekonomikos (MCAE), ⁠Diresaun Nasionál Teras no Propriedades, ⁠SECOMS, Ministériu dos Transporte e Komunikasaun, Tribunal Rekursu, ⁠Ministériu Petrolio Rekursu Minerais no ⁠INFPM (SAMES).

Media F-FDTL

Izidor Lopes