Médiku F-FDTL Fó Tratamentu Ba Militár Veteranus Reformadu Sira
Dili Metinaro, 07 Marsu 2025
Médiku FALINTIL-Forsa Defeza Timor-Leste (F-FDTL), halo tratamentu saúde ba militár veteranus reformadu no rezerva hamutuk na'in rua nulu (20), iha Klinika F-FDTL Metinaro.
Iha intervista Supervisór Diresaun Saúde Militar no Ministériu Defeza, Koronel Guido de Oliveira hatete, tratamentu ne'e hodi hatene kondisoens saúde ba ita nia veteranus reformadu no rezerva sira nian karik ami deteta kada ida-ida nia situasaun ruma karik iha problema ruma ami bele fó solusaun ruma ba sira.
"Programa ida ne'e, Diresaun Saúde Militár nian ne'ebé tama iha matrix anuál tinan- tinan ne'ebé sempre hala'o, menus husi idade 45 sei halo tratamentu tinan ida dala-1, no idade 45 ba leten sei halo tratamentu fulan ida dala-1, nia objetivu atu hatene formas kondisoens militares sira nian".
Nia subliña tan, Se wainhira moras ruma kaman, ami bele halo tratamentu, se moras todan ami sei transfere ba Ospitál Nasionál hodi simu asisténsia.
Nia mós esplika, moras iha Timor ne'e barak, atividade militár ne'e diferente ho natureza sivil sira, tamba ne'e mak dalaruma Chek-Up ne'ebé ami halo, notas ne'ebé ami deteta mak hanesan kolestról, Uric acid (asam urat), tensi, wainhira ami deteta, ami mós fó solusaun ba sira no sinsibilizasaun ba sira, oinsá mak bele reduz minimiza moras sira ne'e iha F-FDTL nia laran.
Mezmu ami ekipamentu balu seidauk iha ka menus, iha ami nia klinika, maibé ne'e programa tama ona matrix anuál, maibé ami mós sei servisu hamutuk ho parseiru sira husi Ospitál Nasionál. Hakotu Nia.
Média F-FDTL.
