Notisia

Vise Xefe Estadu Maior Jenerál F-FDTL Partisipa Iha Enkontru Entre Xefe Forsas Armadas Asean Nian Iha Malázia

Media F-FDTL QG Notisia 17 setembro 2025 Comments () 0 minutes read

Malázia, 09-12 Setembru 2025

Vise Xefe Estadu Maior Jenerál FALINTIL-Forsa Defeza Timor-Leste (F-FDTL) Majór-Jenerál Calisto Santos “Coliati” reprezenta Sua Exelénsia Tenente-Jenerál Falur Rate Laek partisipa iha Enkontru Xefe Forsa Defeza husi nasaun ASEAN.

Majór Jenerál Coliati partisipa iha Enkontru Xefe Forsa Defeza ASEAN nian bá dala 22 (ACDFM) iha Kuala Lumpur, Malázia hahú husi loron 9 to'o 12 fulan-Setembru tinan 2025.

Fórum seguransa rejionál ho nível aas ne’e halibur Xefe Forsa Defeza sira husi Estadu-membru ASEAN nian, inklui Timor Leste, hodi troka perspetiva no hanoin kona-bá bá kooperasaun multilaterál hodi responde bá dezafiu sira seguransa rejionál nian.

Iha ninia intervensaun, Majór-Jenerál Coliati expressa katak nu’udar Estadu observadór, Timor-Leste rekoñese ho interese partikulár ASEAN nia kapasidade ne’ebé hatudu ona bá rezolusaun konflitu, hanesan evidénsia iha mediasaun disputa fronteira Kamboja-Tailándia foin lalais ne’e. Realizasaun ida-ne'e reprezenta avansu substansiál iha arkitetura seguransa rejionál, ne'ebé halo balansu ho efetivu bá prinsípiu la-interferénsia ho envolvimentu pragmátiku bá estabilidade rejionál.

Nia subliña katak F-FDTL nafatin dedika no esforsa an atu aprende no servisu besik ho omólogu sira ASEAN nian hodi hametin reziliénsia rejionál hasoru dezafiu seguransa nian ne’ebé evolui ho ritmu lalais.

Majór-Jenerál Coliati iha oportunidade hala'o mós reuniaun bilateral ho Jenerál Tan Sri HJ Mohd Nizam Bin HJ Jaffar, Xefe Forsa Defeza Forsas Armadas Malázia nian nu'udar uma na`in bá ACDFM, nune’e mós ho Jenerál Vong Pisen husi Kambódia.

Entretantu tinan oin Forsas Armadas Filipina nian maka sei sai uma-na'in bá ACDFM bá dala 23 iha Manila iha Maiu 2026.

Media F-FDTL

Vise Xefe Estadu Maior Jenerál F-FDTL Partisipa Iha Enkontru Konsellu Superior Defeza No Seguransa

Media F-FDTL QG Notisia 08 abril 2025 Comments () 0 minutes read

Palasiu Prezidensial, 07 Abril 2025

Vise Xefe Estadu Maior Jenerál FALINTIL-Forsa Defeza Timor-Leste (F-FDTL) Major Jenerál Calisto Santos Coliati, ohin partisipa iha enkontru Konsellu Superior Defeza no Seguransa, ne’ebé lidera hosi Prezidente Repúblika José Ramos-Horta, nu'udar mós Komandante Supremu Forsas Armadas nian, iha Palásiu Prezidensiál Aitarak Laran.

Objetivu husi enkontru ne'e, hodi koalia kona-bá konseitu estratéjiku ligadu ho defeza no seguransa nasionál, tanba Konsellu Superior Defeza no Seguransa hanesan órgaun konsultasaun Xefe Estadu nian.

Enkuantu membru Konsellu Superior Defeza no Seguransa Partisipa direita husi Primeiru Ministru Kayrala Xanana Gusmão ho Membru Governu, Membru Parlamentu Nasionál, instituisaun defeza no seguransa no mós reprezentante husi Xefe Estadu nian.

Média F-FDTL

Vizita Kortezia Diretor Saude Militar Portugal.

DIVCSI-D6 Notisia 14 fevereiro 2025 Comments () 0 minutes read

Hera - Quinta - Feira 6 Fevereiro 2025

Componente Naval Hetan Visita kortezia Husi saúde militar Portugal Comodoro Francisco Manuel Gamito Perreira Quaresma Guerreira. Ne'ebe simu direta husi Komandante Komponente Naval Comodoro Higino das Neves “Super-Man” no estrutura komando iha baze Naval Hera.

Iha tempo hanesan Comodoro Francisco mos ba visita klinika saude Naval nian.

Média F - FDTL Naval.

Xefe Estado Maior Partisipa Iha Aprezentasaun Tetu OJE 2026 Bá Komite Revizaun Orsamentu (KRO)

Media F-FDTL QG Notisia 13 agosto 2025 Comments () 0 minutes read

Dili, 11 Agosto 2025

Xefe Estado Maior FALINTIL- Forsa Defesa Timor Leste Brigadeiro Jenerál José da Costa Soares “TRIX” Akompaña Ministru Defeza, Kontra- Almirante Donaciano da Costa Gomes Ph.D, Aprezenta Orsamentu Jerál Estadu tinan fiskál 2026 bá Komité Revizaun Orsamento (KRO) iha edifísiu Ministériu Finanças, Aitarak Laran.

Komité Revizaun Orsamental ne'ebé lidera husi Primeiro-Ministro, Kay Rala Xanana Gusmão, hetan konsiderasaun diak husi Ministériu Finanças no sira sei diskute tuir rekomendasaun Prezidente Komisaun nian hodi diskute prioridade sira ne'ebé bele hetan konsiderasaun hodi atribui adisionál bá Ministériu refere.

Reuniaun KRO ne'e prezide direta husi Xefe Governu Kay Rala Xanana Gusmão.

Media F-FDTL

Evaristo das Dores

Xefe Estadu Maior F-FDTL Abertura Sensibilizasaun Militár Sira

Media F-FDTL QG Notisia 08 julho 2025 Comments () 0 minutes read

Kuartel Jenerál, 07 Jullu 2025.

Xefe Estadu Maior FALINTIL-Forsa Defeza Timor-Leste (F-FDTL) Brigadeiru Jenerál José da Costa Soares "TRIX", loke abertura sensibilizasaun bá Militár sira ho tema "Liu husi konsiensia bá Asaun promove Igualdade Jéneru Haforsa Étika no Responsabilidade" bá Militár sira kompostu husi Kuartel jenerál, Komponente no Unidade sira, atividade ne'e hala'o iha Kuartel Jenerál, Fatuhada, Dili.

Iha abertura ne'e Xefe Estadu Maior F-FDTL Brigadeiru Jenerál José da Costa Soares "Trix" hatete, Se ita ko'alia kona-bá jéneru ka étika no responsabildade, mak asaun konkretu ida neʼebé iha kareira vida Militár feminina nian, atu halo buat ruma, saida de'it mak bele halo loro-loron, ida ne'e tau iha hanoin no tau iha responsabilidade.

"Ha'u husu bá imi, halo asaun bá buat hotu-hotu neʼebé iha nia responsabilidade, ne'e bazeia bá kareira étika neʼebé estabelese tia ona iha instituisaun F-FDTL."

Media F-FDTL

Bakita

NOTISIA

Vise Xefe Estadu Maior Jenerál F-FDTL Partisipa Iha Enkontru Entre Xefe Forsas Armadas Asean Nian Iha Malázia

Vise Xefe Estadu Maior Jenerál F-FDTL Partisipa Iha Enkontru Konsellu Superior Defeza No Seguransa

Vizita Kortezia Diretor Saude Militar Portugal.

Xefe Estado Maior Partisipa Iha Aprezentasaun Tetu OJE 2026 Bá Komite Revizaun Orsamentu (KRO)

Xefe Estadu Maior F-FDTL Abertura Sensibilizasaun Militár Sira

Semak Ami

Saida Mak Ami Halo

Kontaktu Ami