Metinaro, 03 Junu 2025

FALINTIL- Forsa Defeza Timor-Leste (F-FDTL) husi Kuartel Jenerál ohin halo Atividade tiru manutensaun bá Arma M4 iha Karega de Tiru Metinaro.

Objetivu husi tiru manutensaun ne'e oinsá atu halo jestaun bá Armamento Militár tuir matrix husi komandu Kuartel Jenerál ne'ebé hala'o kada tinan tinan, nomós oinsá atu hasa'e nafatin abilidade Militár sira nian.

Media F-FDTL

Alf Ghil & Sold. Izidor

Metinaro, 18 Juñu 2025

FALINTIL- Forsa Defeza Timor-Leste (F-FDTL) husi Kuartel Jenerál kontinua halo Atividade tiru manutensaun bá Arma M4 iha Karega de Tiru Metinaro.

Objetivu husi tiru manutensaun ne'e oinsá atu halo jestaun bá Armamentu Militár nian no oinsá bele hatene operasun seguransa bá arma sira ne'e, tiru manutensaun ne'e bazeia matrix husi komandu Kuartel Jenerál ne'ebé hala'o kada tinan tinan, nomós oinsá atu hasa'e nafatin abilidade Militár sira nian.

Ekipa Media F-FDTL

Metinaro, 10 Abril 2025

 Komandu FALINTIL-Forsa Defeza Timor-Leste (F-FDTL) realiza atividade Treinamentu demosntrasaun individual ne’ebé hala’o husi Militár Treinamentu Operasaun Apoio Paz nian, bá Membru F-FDTL ne’ebé mai husi Komponente Terestrre.

Iha diskursu Komandante Forsa Apoio Jeral FALINTIL-FDTL Koronel Celestino Pinto 'DAELEBA' hateten, Ita nia objetivu bá treinamentu demosntrasaun individual ne’e maka perepara ita nia Militár sira wainhira ita tama bá ASEAN nomós observadór Militár nian, hanesan agora dadauk ita nia ofisiais Militár F-FDTL sira bá kumpri iha Sudaun Sul.

Nia dehan “sira nia treinamentu ne’e durante semana sanulu ona, la’os diak liu ona, maibé diak no bá futuru tenke hadia diak liutan”.

Iha fatin hanesan Komandante Sentru Instrusaun Komandante Nicolau Lobato Tenente Koronel Eugénio Guterres “TOFA” esplika, formasaun no treinamentu hotu tantu baziku to’o avansadu, tanba ne’e Sentru Treinamentu Apoiu Paz, agora dadaun perepra ona membru FALINTIL-FDTL husi Komponente ida-idak atu tuir treinamentu ida ne’e.

"Ita nia meus no kondisaun maka hanesan ne’e, ita la’o tuir ida ne’e, mais kuandu ita nia kondisaun diak, ita kuandu pratika tau duni bá real para aban bairua kumpri misaun ne’e ho diak," nia deklara.

Nia hatutan durante ne’e ita nia parseiru Austrália sira maka sempre apoiu Komandu FALINTIL-Forsa Defeza Timor-Leste tanba ne’e sira iha devér atu apoiu Instituisaun F-FDTL ida nee.

"Ita bo’ot sira perepara diak no treinu diak, bainhira kuandu bukae iha ona, ita bele bá kontribuisaun, ita treinu atu halo saida, atu minimiza risku, kuandu ita lakohi treinu maka risku bá ita ne’e bo’ot," nia informa.

Tenente Koronel TOFA mós husu bá Militár sira tenke treinu ho seriu, tanba Instituisaun FALINTIL-FDTL konfia bá Militár sira, Komponente no Unidade mós konfia, Nasaun no Governu mós fó konfiasan bá membru FALINTIL-FDTL sira, tanba ne’e treinu simples maibé nia risku ne’e bo’ot.

"Ita bo’ot sira kontinua treinu no aban ita halo enseramentu, aban ita bo’ot sira remata ona maibé la’os to’o iha ne’e deit, ita bá kumpri tiha misaun mós mai fali ne’e normal, tanba Militár nia servisu maka ida ne’e to’o iis kotu," nia afirma.

Média F-FDTL