Kuartel Jenerál, 23 Setembru 2025
Membru FALINTIL-Forsa Defeza Timor-Leste (F-FDTL) nain neen (6) remata ona kursu formasaun Automotif mekanika nian iha Sentru Treinamentu MGR durante fulan 9.
Iha intervensaun Adjunto Divijaun Pesoal F-FDTL Major Rui do Rosário hateten, husu bá imi ne’ebé ohin remata ona formasaun ida ne’e, atu kontinua aprende nafatin, nune’e labele haluha materia sira ne’ebé mak imi aprende durante ne’e iha Sentru Treinamentu MGR nian, fila fali bá imi nia Komponente nafatin aprende.
Nia hatutan tan bá ita Militár la’os deit ita kaer kilat, maibé ita mós tenke aprende buat seluk hanesan mós agora dadauk ita bo’ot sira aprende konabá automotif ne’e hanesan bukae ida bá imi, bainhira iha futuru ita hotu bá reforma karik imi iha ona esperiensia.
Iha fatin hanesan Diretór Kompanhia MGR Traning Centre Sr. Joel Funu Diak Gomes hateten, agrdese bá komandu FALINTIL-Forsa Defeza Timor-Leste (F-FDTL) ne’ebé fó konfiasan mai ami hodi fó formasaun bá membru F-FDTL konabá Automitif ninian ida ne’e ami agradese tebes, ami husu nafatin konfiansa ida ne’e labele to’o iha ne’e deit, maibé kontinua nafatin iha futuru.
Ikus liu hau nai lia menon bá membru nain hira ohin remata ona kursu Automitif ida ne’e, atu dehan deit katak wainhira fila fali bá imi nia servisu fatin, karik buat balun ne’ebé maka imi la komprende nafatin kontaktu mai iha sentru treinamentu MGR odamatan nafatin loke bá ita bo’ot sira kualker tempu, nu’údar ema mekanika iha vida Militár kilat mak imi nia fen primeiru maibé labele haluha mós Safenda, martelu no alkati ne’e hanesan mós imi fen primeiru.remata.
Media F-FDTL
Nhoy Borges
