Notisia

Membru FALINTIL-FDTL Na'in 15 Partisipa Formasaun Multimédia Iha Timor Post

Media F-FDTL QG Notisia 28 abril 2025 Comments () 0 minutes read

Dili, 28 Abríl 2025

‎Membru FALINTIL-Forsa Defeza Timor-Leste, husi Kuartel Jenerál no Komponente inklui Unidade hamutuk na'in sanulu resin lima (15), partisipa iha formasaun Multimédia iha Sentru Formasaun Timor Post, iha abertura Xefe Gabinete, Xefe Estadu Maior Jenerál F-FDTL, Koronél Marcelino Ximenes "RIZAI" hatete, Hodi Instituisaun nia naran ható agradese ba Sentru Formasaun Timor Post tamba bele oferese formasaun ida ne'e, hodi forma militár sira sai jornalista ne’ebé profisionál.

‎”Ha’u ladun apar ho situasaun hirak ne’e maibé ha’u lee ona iha Internet katak, multimédia hanesan forma ida ne’ebé mai husi Testu, Audio, Gráfiku ,Website, Youtube, sira ne’e atu fó imformasaun ba komunidade no entidades sira, ho nune’e maka hakarak husu ba partisipante sira husi F-FDTL, fó atensaun maximu, mesmu balu tuir ona no balu foun saida mak formadór sira fó imi tenki halo tuir ida ne’e, servisu makas husu pergunta halo diskusaun, hodi bele komprende di’ak liu tán kona-bá multimédia”.

‎Nia mós subliña tán katak, ba formandu sira ida ne’e oportunidade ba imi, esforsu-aan estuda makas tó kursu ne’e hotu, imi bele lori buat ruma fila-fali ba ida-idak nia servisu fatin, nomós ba formadores sira kuandu fó matéria ba sira halo diskusaun no halo Prátika ba sira, depois de sira fila-fali ba instituisaun, bele aplika saida mak hanorin ona.

‎Iha Fatin hanesan Diretór Ezekutivu Timor Post, Jacob Ximenes, hatete, Agradese ba instituisaun F-FDTL ba konfiansa mai iha sentru formasaun Timor Post hodi fasilita formasaun multimédia ba média ofiser sira, ne’ebé mak presiza.

‎”Ami hari’i sentru formasaun ida ne’e hodi fó formasaun ba sira ne’ebé mak iha talentu hakarak sai jornalista, nomós ba média ofiser sira iha instituisaun públiku no privadu sira. Husu ba imi aprende didi’ak hodi bele aplika iha imi nia servisu fatin, bele mós uza imi nia matenek hodi servisu di’ak liu tán iha imi nia instituisaun”.

Ba formandu sira husi F-FDTL ba imi ne’ebé foun no sira ne’ebé mak aprende ona iha etapa liu bá tenki aprende oinsá mak lala’ok jornalizmu ninian ho karákter profisiónais, atetude kona-bá jornalista nian. Husu atu apoiu malu nafatin ba oin karik programa ruma mak seidauk iha, ita presiza aumenta tan futuru, hakotu Diretór Ezekutivu Timor Post, 28 Abríl 2025.

‎Entretantu programa ne’e husi Seksaun Jenéru FALINTIL-FDTL nian ne'ebé servisu hamutuk ho média Timor Post hodi fasilita formasaun ba formandu hamutuk na'in 15 husi Instituisaun F-FDTL nian durante fulan ida.

‎Partisipa iha abertura ne'e, Xefe Gabinete CEMGFA, Koronél Marcelino Ximenes “RIZAI”, Komandante Apoiu Kuartél Jenerál, Tenente Koronél Grad, Vitorino Soares, Reprezentante D1, Kapitaun Romeu Freitas, Xefe Seksaun Jenéru F-FDTL, Kapitaun Marquita da Cunha, Xefe Seksaun Relasaun Informasaun FALINTIL-FDTL, Tenente Tomé Soares, Diretór Ezekutivu Timor Post Jacob Ximenes inklui Formadores no Formandus sira.

‎Média F-FDTL.

Membru FALINTIL-FDTL Na'in-21 Partisipa Formasaun Iha CNFP Becora

Media F-FDTL QG Notisia 21 março 2025 Comments () 0 minutes read

Dili, 19 Marsu 2025

Membru FALINTIL-Forsa Defeza Timor-Leste (F-FDTL), hamutuk na'in rua nulu resin ida (21), husi Kuartel Jenerál Fatuhada, Komponente inklui Unidade sira partisipa iha Kursu konstrusaun Sivil no Non Konstrusaun Sivil tinan 2025 nian ne'ebé hala'o iha Kursu Nasionál Formasaun Profisionl Becora.

Iha abertura ne'e diretora CNFP Bernadete Pinto Miranda Gomes, hateten, bemvindu bá formandu sira hotu, ne'ebé mai iha CNFP Becora hamutuk atus ha'at resin ne'ebé pasa huhu husi teste eskrita no intervista nian no ohin ita abertura formasaun bá tinan 2025 nian

"Husu ita bo'ot sira atu aprende ho di'ak ho vontade iha opotunidade sira hanesan ne'e sai hanesan bukae ida bá iha futuru, bá estudante sira ne'ebé iha ne'e husu imi nia vontade aprende saida mak ami formadór sira fahe bá imi iha teoria no sei iha estajiu iha instiuisaun ka kompania ruma imi bele aplika saida mak imi aprende ona iha fatin ida ne'e".

Iha Fatin hanesan reprezentante Instituisaun FALINTIL-FDTL Major Rui do Rosario hatete, husu bá partisipate sira iha kursu ida ne'e atu aprende ho di'ak durante fulan hira nia laran sai hanesan bukae ida bá Itá bo'ot sira.

"Husu bá ita bo'ot sira liliu militár sira tinan lima nulu resin lima ita bá ona rezerva ne'ebé oportunidade sira hanesan ne'e aproveita ho di'ak, hatudu ita nia matenek Itá nia atetudi ita nia responsabilidade umana sei sai savi bá faturu.

Média F-FDTL

Membru FALINTIL-FDTL Nain 15 Remata Ona Kursu Multimedia Iha Timor Post

Media F-FDTL QG Notisia 04 junho 2025 Comments () 0 minutes read

Kuartel Jenerál, 02 Juñu 2025

Membru FALINTIL-Forsa Defeza Timor-Leste (F-FDTL) nain sanulu resin lima remata ona kursu formasaun bá Multimedia nian Timor Post.

Iha intervista Xefe Estadu Maior FALINTIL-Forsa Defeza Timor-Leste (F-FDTL) Brigadeiru Jenerál José da Costa Soares “TRIX” hateten, liafuan ida multimedia ne’e iha komplexu ida, ntaun atu to’o iha nia komplexidade ne’e hahu husi baze mai to’o mediu mak foin sa’e bá leten.

Kona-bá kursu formasaun ne’e hahu husi Forsas Armadas ejiste komandu fó prioridade, iha planu atu kapasita rekursu umanus F-FDTL la'os iha deit area Media ninian, maibé iha mós area oin oin.

Ne’ebé sira nain sanulu resin lima ne’e mai husi Komponente no Unidade, sira mai atu aprende no fila fali bá aplika iha sira nia Komponente no Unidade ne’ebé sira servisu bá.

Partisipa iha serimónia ne'e maka hanesan Sekretáriu Estadu Komunikasaun Sosial Sr. Expedito Dias Ximenes, Reprejentante SEII, Xefe Estadu Maior F-FDTL Brigadeiro Jenerál José da Costa Soares 'TRIX', Diretór Timor Post, Reprejentante Conselho Imprensa, Reprejentante Komandante Komponente no Unidades, Xefe Divijaun sira, inklui Ofisiais Sarjentu no Prasas F-FDTL.

Media F-FDTL

Evaristo

Membru FALINTIL-FDTL Nain 30 Remata Kursu CPC Iha CICNL - Metinaro

DIVCSI-D6 Notisia 14 fevereiro 2025 Comments () 0 minutes read

Metinaru 07 Fevereiru 2025

Membru FALINTIL-Forsa Defeza Timor-Leste husi Komponente no Unidade inklui Kuartél Jenerál hamutuk nain 30 remata ona kusru CPC (Curso Promoção Capitão), kursu ida ne’e halao iha sentru instrusaun Komandante Nicolau Lobato Metinaro durante fulan ualu (hahú iha data 01 Juñu 2024 to’o 07 Fevereiru 2025.

Iha intervista Xefe Estadu Maior FALINTIL-FDTL Brigadeiro Jenerál José da Costa Soares “TRIX” hateten, ohin ita halo enseramentu kursu ida ne’e bá dala IX desde hahú Forsas Amadas FALINTIL-FDTL mai to’o 2025. Militares hirak ne’e mai husi Komponente Forsa Terrestre (CT) Komponente Naval (CN), Komponentes Aérea Lizeira (CAL), no Unidade sira hotu inklui mós kuartel Jenerál, no ohin Sira remata ona, no sira ida-idak sei fila fali bá ninia fatin servisu tamba estrutura vaga sira ne’ebé iha Komponente no Unidades iha ne’e maka haruka Militares sira ne’e tuir formasaun Kursu kapitaun no Primeiru Tenente ninian, dehan Xefe Estadu Maior Brigadeiro Jenerál TRIX.

Xefe Estadu Maior FALINTIL-FDTL Brigadeiro Jenerál akresenta liu tan katak, militár ohin remata ona formasaun ne’ebé sira sedauk promove, maibé tenki lao tuir regras estrutura instituisaun ninian, ne’ebé aban bele promove, bainrua bele promove no baintolu bele promove maibé sira kursu Promosaun Kapitaun ne’e pronto tia ona ne’ebé enkualker tempu deit bele promove tuir estatuto ou estrutura ne’ebé iha Komponente no Unidades ida-idak ninian.

Kursu ou formasaun ne’e tinan-tinan sempre la’o desde hahú rekrutamentu to’o lideransa ne’e permanese depende la’o tuir eskalaun estrutura ne’ebé instituisaun idaidak nia presiza.

Ohin hau kolia lia fuan ida kona-bá Lealdade, lealdade ida ne’e kumpri orden komandu ninian, kumpri lisan ita nia asuwain sira nian, ne’ebé sira rai hela bá ita, ida ne’e maka importante ou mantein ita nia disipliña korazen no oinsá auto konfiansa ou fiar a’an, karik kondisaun ida laiha ita halo oinsá para komanda ninia militár atus ida resin ne’e, tamba komandante kompaña la’os komanda seksaun ou pelutaun maibé komandante kompaña ne’e komanda kompaña ema atus ida bá leten.

Média F-FDTL

Membru FALINTIL-FDTL Nain 54 Remata Treinamentu Apoiu Paz No Navegasaun Terestre Iha Metinaro

Media F-FDTL QG Notisia 11 abril 2025 Comments () 0 minutes read

Metinaro, 11 Abril 2025

Membru FALINTIL-Forsa Defeza Timor-Leste (F-FDTL) nain 54 husi Komponente Terestre remata ona treinamentu kona-bá Operasaun Apoiu Paz nomós navegasaun Terestrre iha Sentru Treinamentu Operasaun Apoiu Paz nian iha Metinaro.

Iha diskursu Komandante Forsa Apoiu Jeral FALINTIL-FDTL Koronel Celestino Pinto ‘DAELEBA’ hateten, ohin hanesan momentu importante ida tan mai komandu F-FDTL, tamba ohin ita remata kursu iha oin tolu, hanesan Navegasaun Terestrre, kursu lideransa nomós Treinamentu Apoiu Paz nian, instrutór sira hanorin ne’e mai husi Austráliano nomós Timor oan sira.

“Horseik ita ensera treinu final, horseik hau mós akompanha ho komandante CICNL , treinu ne’e la’o diak tebes treinamentu ne’e durasaun semana sanulu no navegasaun terestrre maka semana tolu no kursu lideransa, kursu ida ne’e tempu naruk duni tamba semana sanulu kedas, mesmu instrutór sira kolen maibé sira iha vontade nafatin hanorin no fó treinu ita bo’ot sira”.

Portantu kursu Navegsaun Terestrre militár nain 10 resin no CTOAP lima nulu resin, durante kursu sira hala’o teoria no prátika, ohin sira termina no simu sertifikadu.

Nia hatutan, hakarak hateten deit katak Komandu FALINTIL-FDTL prontu prepara nafatain nia militár sira hahu husi tinan 2017 mai to’ o ohin loron, agora ita iha ona kompania rua resin, kuandu treinu hotu fila fali bá idak idak nia komponente tenke mantein nafatin treinu ida ne’e, atu nune’e ita bo’ot sira labele haluha materia sira ne’e.

Prepara ida ne’e ita atu halo Forsa manutensaun paz nian, agora ita sedauk iha misaun maibé ita prepara antes molok ita nia Nasaun persija ou Nasaun seluk persija ita nia apoiu ita preparadu ona, husu bá ita bo’ot sira ne’e hanesan bukae ida, fila fali bá imi nia komponente labele haluha liliu hanesan Komandante kompanhia, seksaun no eskuadra sira, mesmu ita laba manutensaun Paz mós ita tenke kontinua treinu nafatin.

Iha fatin hanesan Komandante Sentru Instrusaun Komandante Nicolao Lobato Tenente Koronel Eugenio Guterres “TOFA” hateten dala ida tan parabéns bá ita bo’ot sira ohin remata ona treinamentu ida ne’e hanesan Navegasaun Terestrre no Apoiu Paz nian, ne’e importante tebes bá membru sira ne’ebé maka ohin remata formasaun ida ne’e, oinsá para imi atu utilija busula sira ne’e, GPS no kordenadas sira, ne’e maka navegasaun terestrre ne’e importante.

Nia relasa tan katak Sentru Treinamentu Apoiu Paz, babain ita sempre rona bebeik mensagem husi ita nia komandu katak, ita tenke planeamentu diak ida relasi ona ho Sentru Treinamentu Apoiu Paz ne’ebé agora dadauk ita prepara, materia sira ne’ebé ita bo’ot sira aprende, aban bainrua sei aplika iha misaun ne’ebé maka ita hala’o, kuando ita pronto ona kondisaun diak ona ita nia estadu apoiu ita, ita mós bele bá ona kumpri misaun.

Antes atu remata hakarak fó mensagme bá imi mak ne’e, karik fila fali bá imi nia komponete tenke asegura didiak ita bo’ot sira nia treinamentu materia militár sira ne’ebé imi aprende, tamba moto iha CICNL ne’eba ne’e hakreke katak “ diak liu hasai kosar iha treinamentu, duke hasai ra’an iha kombate laran, para evita hasai ra’an iha kombate, tamba ne’e Instrussun duro kombate fasil instrusaun fraku kombate difisil” ida ne’e maka moto iha CICNL karik atu sai militár ne’ebé diak tenke banati tuir moto ida ne’e. remata

Media F-FDTL/ José Silva

NOTISIA

Membru FALINTIL-FDTL Na'in 15 Partisipa Formasaun Multimédia Iha Timor Post

Membru FALINTIL-FDTL Na'in-21 Partisipa Formasaun Iha CNFP Becora

Membru FALINTIL-FDTL Nain 15 Remata Ona Kursu Multimedia Iha Timor Post

Membru FALINTIL-FDTL Nain 30 Remata Kursu CPC Iha CICNL - Metinaro

Membru FALINTIL-FDTL Nain 54 Remata Treinamentu Apoiu Paz No Navegasaun Terestre Iha Metinaro

Semak Ami

Saida Mak Ami Halo

Kontaktu Ami