Dili, Domingu 01 Fevereiru 2026

Misa agradesimentu ba komemorasaun Loron aniversáriu transforma FALINTIL ba FALINTIL - Forsa Defeza Timor-Leste (F-FDTL) ba dala 25 iha Igreja Imaculada da Conceição Balide.

Iha misa agradesimentu ne'e partisipa husi Xefe Estadu Maior Jenerál F-FDTL, Tenente Jenerál Falur Rate Laek, Vise CEMGFA, Major Jenerál Calisto Santos Coliati, Xefe Estadu Maior Brigadeiro Jenerál José da Costa Soares "Trix", Tenente Jenerál reformado Lere Anan Timur, Ministro Defeza Contra Almirante Donaciano Costa Gomes Ph.D "Pedro Klamar Fuik", Jenerál Taur Matan Ruak, membru governu da IX, adidos defeza iha TL, Convidados, Veteranu, Ofisisais Jenerais, Ofisiais Supriores, Ofisiais Capitaens no ofisiais Subarternos, sargentos no prasa inklui família militares.

Hafoin remata misa agradesimentu kontinua kedas ba karii aifunan iha Simitériu Santa Cruz Dili, hanesan sentidu respeitu no fó ondra ba matires no heroi sira hotu ne'ebé luta ba Timor-Leste hodi hetan liverdade.

Ekipa Média F-FDTL

sold. J. Silva & sold. DS. Sarmento

Mota-Ain,19 Dezembru 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek molok hala'o vizita servisu bá Rejiaun Administrativa Espesial Oekuse AMBENO (RAEOA) liu husi fronteira Terrestre to'o iha Mota-ain simu direta husi Konsul Timor-Leste bá Atambua Sr. Bonifacio Fatima Martins Belo ho ekipa no sei hasai foto hamutuk molok desloka bá RAEOA.

Ekipa Média F-FDTL

Bonifaçio Mendonça

Dili, 09 Dezembru 2025

Xefe Estadu Maior Jenerál F-FDTL Tenente Jenerál Domingos Raúl " Falur Rate Laek" no Xefe Estadu Maior F-FDTL Brigadeiro Jenerál José da Costa Soares "Trix" akompaña mós husi Xefe Gabinete Ministru Defeza Hamutuk ho Komandante Komponente no Unidades Inklui Ofisiais Superiores sira iha Instituisaun F-FDTL Jantar konfraternizasaun ho parseiru dezenvolvimentu sira, asesor internasional sira iha Timor-Leste inklui Adidu defeza sira iha TL hanesan simbolu agradesimentu ida ho parseiru Internasional sira ne'ebé durante ne'e hala'o misaun iha Timor-Leste liu-liu kooperasaun ne'ebé diak ho Instituisaun F-FDTL molok simu tinan foun 2026.

"Ohin kalan, ita tau ba sorin momentu rigidez protokolu operasionál sira hodi selebra buat ida fundamentál iha vida militár no diplomátika, mak: konfiansa mútua. Ha'u hateke hale'u sala ida-ne'e no ha'u haree la'ós de'it reprezentante husi nasaun belun sira ka organizasaun internasionál sira; Ha'u haree parseíru sira no belun sira ne'ebé la'o hamutuk ho F-FDTL iha ami-nia misaun nobre atu serbí Timor-Leste".

"Ita-boot sira nia prezensa iha ne'e hanesan testemuña ba kompromisu ida ne'ebé kontínua Evolusaun husi ami-nia Forsa Armada, husi tempu rezisténsia nian atu instituisaun moderna no profisionál ne'ebé ita iha ohin loron, deve barak ba ita-boot sira-nia apoiu tékniku, ita-boot sira-nia konsellu estratéjiku, no laran-luak husi ita-boot sira-nia nasaun no organizasaun sira. Ba deit konstante ida-ne'e, hato'o pesoál militár F-FDTL tomak nia naran, ami-nia rekoñese ne'ebé klean".

"Relasaun ida ne'ebé maduru no dura, hanesan ida ne'ebé ami iha ho ita-boot, la'ós de'it loro-matan nia nabilan iha tinan tomak, Ha'u rekoñese katak ita nia jornada hamutuk foin lalais ne'e iha momentu sira instabilidade nian (sa'e no tun). Iha tempu produtividade no armonia, maibé iha mós períodu sira bainhira aprosimasaun ba rezultadu sira ka intensidade ita-nia serbisu hamutuk nian flutua, tamba dinámika interna ajustamentu iha prioridade sira, ka situasaun sira iha vida institusionál".

"Ha'u haree flutuasaun sira-ne'e hanesan naturál, hatene katak perfeisaun maka objetivu, maibé la'ós pontu partida Importante la'ós katak ita sempre konkorda iha buat hotu ka mantein ritmu ne'ebé hanesan, maibé importante liu katak ita nunka hakotu lasu sira ne'ebé halibur ita, ne'ebé afirma ita-nia reziliénsia iha kooperasaun".

"Senñores Adidus no Asesór sira, Ohin loron ita moris iha mundu ida ne'ebé komplexu, volatil no nakonu ho inserteza, Ameasa sira difuza no laiha fronteira. Iha kontestu jeopolitiku ezijente ida-ne'e, izolamentu maka dalan ba irrelevansia no inseguransa".

"Tanba ne'e, importante tebes atu ita servisu hamutuk no bainhira ha'u hatete "hamutuk", ha'u hakarak hatete kooperasaun halo ba transparénsia totál no hanoin nakloke. Ita presiza respeita soberánia sira, maibé mós fahe vizaun sira ho klaru, Odamatan ha'u-nia komandu nian sei nakloke nafatin ba diálogu franku, krítika konstrutiva, no planeamentu konjunta, tamba ho dalan ida-ne'e de'it mak ita bele dignifika papel ne'ebé ita ida-idak hala'o".

"Hein katak jantar ida-ne'e serve atu hafoun ita-nia enerjia no reafirma ita-nia vontade atu kolabora. Mai ita haree ba futuru ho serteza katak, se iha lealdade no transparénsia, sei laiha obstáklu ne'ebé ita labele ultrapasa".

"Ikus liu, bainhira ita hakbesik ba siklu tinan nia rohan, ha'u labele husik oportunidade ida-ne'e liu. Ha'u hatene katak imi barak mak dook husi imi-nia família no rai-moris, sakrifísiu ida ne'ebé ita, militár sira, komprende diak liu".

Tanba ne'e, ha'u hakarak hato'o Boas Festas Natál no Tinan Foun ba ita boot sira hotu no ba família sira ne'ebé nakonu ho prosperidade, saúde, no dame. Hein katak tinan oin mai lori matenek mai ita atu hametin liután lasu sira ne'ebé halibur ita-nia nasaun no ita-nia instituisaun".Remata.

Jantar Konfraternizasaun ne'e hanesan. simbolu agradesimentu parseiru Internasionál sira nia servisu no kooperasaun ho F-FDTL Durante servisu hamutuk, Serimónia agradesimentu ne'e hala'o iha Nelayan Restaurant Bidau Partisipa husi Xefe Estadu Maior Jenerál F-FDTL Tenente Jenerál Falur Rate Laek, Xefe Estadu Maior F-FDTL Brigadeiro Jenerál José da Costa Soares"Trix", Representante Ministru Defeza, Komandante Componentes no Unidades Adidu Defeza sira, asesor internasionál inklui Ofisiais Superiores sira iha F-FDTL.

Ekipa Média F-FDTL

Boni Mendonça

 Kuartel Jenerál, 22 Maiu 2025

Ministériu Solidariedade Sosial no Inkluzaun (MSSI) liu husi Instituto Nasionál Seguransa Sosial (INSS) ohin halo sosialijasaun kona-bá lei seguransa sosial bá membru FALINTIL-Forsa Defeza Timor-Leste (F-FDTL), serimónia ne’e realija iha sala auditoriu Kuartel Jenerál F-FDTL, Fatuhada, Dili.

Iha Diskursu Xefe Gabinete Xefe Estadu Maior Jenerál F-FDTL Koronel Marcelino Ximenes “RIZAI” husu bá Militaár sira atu atensaun didiak kona-bá Lei seguransa sosial ne’ebé sei fahe husi ekipa sira husi INSS.

“Husu bá ita bo’ot sira atu atentu didiak kona-bá lei seguransa sosial, tamba ne’e ita nia maluk sira mai husi seguransa sosial, mai fahe sira nia informasaun ne’ebé diak, tamba durante ne’e ita hotu prekupa bá lei seguransa sosial, ita kolia ita nia osan fulan fulan ko’a ne’e bá ne’ebé, tebes ga lae aban bainrua ita reforma ita sei hetan ita nia direitu ga lae”

Tamba ida ne’e maka ohin sira nain hira iha ne’e sei fó informasaun bá ita hotu, iha ne’e bá ofisiais superior, Subalternos, Sarjentu no prasas sira, iha ne’e sira sei fahe lei ne’ebé iha, sosialijasaun ida ne’e imi tenki atensaun didiak ita nia maluk sira fó bá ita kona-bá lei Seguransa Sosial nian.

Nia hatutan tan katak, ita bele hatene ita nia lei, entermus ita ladauk apar kona-bá situasaun ida ne’e, iha mundu ema barak tau hanesan ne’e mais kada Nasaun iha diferente, imi atensaun didiak, bá ita nia maluk sira, asesór sira sei fahe esperiénsia bá ita, pesoalmente imi fila fali bá imi nia komponente imi fahe fila fali bá imi nia maluk sira seluk, Remata.

Média F-FDTL

Nhoy Borges & Paya