Dili, 20 Janeiru 2026

Membru FALINTIL-Forsa Defeza Timor-Leste (F-FDTL) kompostu husi Ofisiais Superior nain rua ohin prense programa perspektiva iha Radio Televisão Timor-Leste ( rttl ep) mak hanesan Major Engenharia José António Nunes da Costa "Jeto" no Major Comandos Petrus Ceumfim.

Objetivu husi prense programa perspektiva né hanesan konta tuir istória no misaun ne'ebé mak sira bá kumpri nu'udar membru ONU nian.

Entretantu Major Engenharia José António Nunes da Costa "Jeto" nian bá kumpri misaun primeiro iha Nasaun Lebanon durante tinan ida no Major Comandos Petrus Ceumfim nian bá kumpri misaun nu'udar Observador Militár iha Nasaun Sudaun durante tinan ida.

Serimónia ne'e Realija tamba hetan autorijasaun husi Xefe Estadu Maior Jenerál F-FDTL Tenente Jenerál Falur Rate Laek.

Media F-FDTL

2 Sargento Carceres & Izidor Lopes

Membru FALINTIL-Forsa Defeza Timor-Leste (F-FDTL) Nain-5 partisipa iha exposisaun Singapura Airshow edisaun 10 ne’ebé hala’o loron 2 to’o 4 fulan Fevereiru 2026, iha Nasaun Singapura.

Membru F-FDTL sira ne'e kompostu husi Tenente Coronel Arlindo Da Silva "Loes" aktual 2° Komandante Componente Terrestre, Capitão Fragata Graduadu Nicolau Sousa Guterres aktual 2° Komandante Componente Naval. Alferes Eugenio da C. Silva Bacum, Sub-Tenente Elias Ribeiro Gomes no Grumete Basilio da Fonseca.

membru F-FDTL hirak ne'e partisipa iha Exposisaun ne'e hasoru malu mós ho delegasaun sira iha Nasaun Singapura no mós nasaun sira seluk ne'ebé partisipa iha Exposisaun refere.

Membru F-FDTL sira ne'e vizita exposisaun sira hanesan ekipamentu militár Aéreo,Terrestre, nomós Naval nian no iha biban ne'e hala'o mós enkontru ho Xefe Estadu Maior Terrestre no Naval nian hodi fó agradese ba konvite nune'e entrega mós lembransa instituisional nian hanesan simbolu amizade hodi hametin relasaun no kooperasaun liu-liu iha aréa defeza nian.

Partisipasaun iha Singapore Airshow ne'e permite mós membru F-FDTL hirak ne'e observa kona-bá teknolojia foun no kapasidade foun ne’ebé importante ba defeza nasionál, liu-liu iha operasaun konjunta, seguransa marítima no kooperasaun entre komponente terrestre, naval no aéreo.

Iha Singapore Airshow mak fatin importante ida atu hametin kooperasaun, aumenta kapasidade no fó sai relasaun di’ak ho parseiru internasionál sira.