MD HO MI Hala'o Enkontru Kordenasaun No Avaliasaun Seguransa Konjunta Entre F-FDTL HO PNTL

Kuartel Jenerál, 03 Outubru 2025

Ministériu Defeza (MD) ho Ministériu Interior (MI) halo enkontru avalisaun seguransa Konjunta entre FALINTIL-Forsa Defeza Timor-Leste (F-FDTL) ho Polisia Nasionál Timor-Leste (PNTL) iha Kuartel Jenerál F-FDTL Fatuhada Dili.

Enkontru kordenasaun no avalisaun ne'e hala'o bazeia bá diretiva operasaun Konjunta FALINTIL-Forsa Defeza Timor-Leste (F-FDTL) no Polísia Nasionál Timor-Leste (PNTL) iha okaziaun serimónia ofisiál komemorasaun adezaun bá ASEAN ho serimónia ofisiál tinan-50 bá Proklamasaun Independénsia Repúblika Demokrátika Timor-Leste no selebrasaun Natál no tinan Foun.

Iha enkontru ne'e lidera husi Ministru Defeza (MD) Kontra Almirante Donanciano Costa Gomes "Pedro Klamar Fuik" ho Ministro Interior Fracisco da Costa Guterres, akompaña husi Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek, Vise Xefe Estadu Maior Jenerál F-FDTL Major Jenerál Calisto Santos Coliati, Komandante Jerál PNTL Komisariu Polísia Henrique da Costa, Segundu Komandante Jerál PNTL Komisariu Polísia Pedro Belo, Xefe Estadu Maior F-FDTL Brigadeiro Jenerál José da Costa Soares 'TRIX', IDN, Komandante Komponente no Unidades F-FDTL, Komandante Munisípiu PNTL tomak nomós ofisiais superiores husi F-FDTL ho PNTL sira, serimónia ne'e hala'o iha salaun Auditoriu Kuartél Jenerál F-FDTL Fatuhada Dili.

Media F-FDTL

Nhoy Borges