MD Entrega Ekipamentus Dormitoriu Bá Komandu FALINTIL-FDTL
Kuartel Jenerál, 18 Marsu 2025
Ministru Defeza (MD) Kontra Almirante Donaciano Costa Gomes "Pedro Klamar Fuik", ofisialmente entrega Ekipamentu Dormitoriu bá Komponente Navál, Komponente Tereste, Komponente Aéreo Lijeira inklui Unidade Polísia Militár (PM).
"Ohin ita entrega ekipamentus Dormitoriu nian bá Instutisaun F-FDTL liu-liu bá Komponente Navál, Terrestre no Aéreo inklui Unidade Polísia Militár ne’e prosesu tranformasaun instituisaun F-FDTL atu sai moderniza no profisionaliza." Dehan Ministru Defeza (MD), Kontra Almirante Donaciano Costa Gomes "Pedro Klamar Fuik"
Ekipamentus Dormitoriu hanesan kama, Esponza, Sumasu no manta rihun tolu ne’ebé ohin MD entrega bá Instutisaun F-FDTL atu utliza ho responsablidade bá sira nia nesesidade lor-loron nian.
"Oinsá atu tranforma organizasaun bá F-FDTL ne’e kada Militár husi irarkia hotu to’o iha subalternu sira hotu ida-idak tenke hatene kumpri nia dever ho objetivu atu inrekese misaun Forsas Armadas nian."
Oinsá mak forsa prepara kama ida hanesan militár ne’e hahan lor-loron nian ne’ebé mak sira iha, maibé iha situasaun bá tranformasaun ne’e dalaruma sira haluha buat ne’ebé importante hanesan membru bá Organizasaun nian importante liu ne’e organizasaun uma laran nian mak bem estar tanba dezastre Naturais ne’ebé iha loron 01 fulan Janeiru 2025 inundasaun estraga infra-estrutura Militár nian tanba ne’e esponza ne’e tama iha planu atu halo akizasaun depois mak halo manutensaun bá edifisiu sira ne’ebé Militár sira hela ba.
"Ita hotu hatene prosesu bá manutensaun bá rejisténsia Militár sira nian ne’e importante atu haforsa kestaun moral bá ita nia militár sira liu-liu atu hare bá sira nia bem estar no sira nia konfortu tanba ne’e mak Ministériu Defeza halo medida emerjénsia fó fila fali bá militár sira ne’ebé presiza."
Tanba ne’e Ministériu Defeza fó uluk fatin diknu, mak toba fatin depois mak MD hare fali sira nia kazerna hodi bele hadia ou halo manutensaun, tanba ne’e ekipamentus Dormitoriu sira ne’e bá militár sira hanesan atensaun ne’ebé mak irarkia komandu F-FDTL nian inkluzivamente parte Defeza mós hare atu fó atensaun bá bem estar militár sira nian liu-liu militár sira nia konfortu wainhira sira kumpri misaun ruma iha rai liur.
Iha fatin hanesan Xefe Estadu Maiór Jenerál FALINTIL- Forsa Defeza Timor-Leste (F-FDTL) Tenente Jenerál Falur Rate Laek hateten, apoiu ekipamentu Dormitoriu husi Ministériu Defeza ne’e atu halo moderniza no profisionaliza bá instituisaun Forsa Defeza Timor-Leste (F-FDTL).
"Ita nia prosesu Dezenvolvimentu Forsas Armadas nian, hau asume hanesan Xefe Estadu Maiór Jenerál F-FDTL hau define hau nia planu estratéjiku rua primeira ita promove kuinesimentu sientifiku no téknolojia bá militár hotu-hotu segundu mak atu profisionaliza no moderniza mak hahu apoiu Ekipamentu Dormitoriu inklui ekipamentus sira seluk."
Tinan 24 ezisténsia FALINTIL-FDTL iha susesu nomós iha difikuldade maibé ho difikuldade no falla hirak ne’e mak atu fó susesu bá Instituisaun FALINTIL-FDTL bá futuru.
"Hau nia Agradesementu klean bá Ministru Defeza ho nia estrutura hotu nia apoiu mai ami FALINTIL-FDTL maske apoiu Ekipamentu itoan itoan maibé ita hakat bá bebeik nune'e hau husu bá Komadante sira atu responsabilidade bá Ekipamentu Dormitoriu no Ekipamentus sira seluk ne’ebé MD fó mai ita ne’e ho kuidadu."
Media F-FDTL
