Kuartél Jenerál,14 Outobru 2025

Komandu FALINTIL-Forsa Forsa Defesa Timor-Leste (F-FDTL) Reprezentante husi Xefe Gabinete Apoiu Sosial Koronel Alberto Freitas Dos Santos "COPAS" hamutuk ho membru Militár sira husi Komponentes no Unidade tuir Sosializasaun ho nia tema Dekretu Lei Toponímia no Organizasaun Urbana ne'ebé hala'o husi Sekretáriu de Estado dos Assuntos Toponímia e Organização Urbana Sr. Germano Santa Brites Dias ho Nia Ekipa.

Atividade sosialijaun ne'e hala'o iha Salaun auditoriu Kuartel Jenerál F-FDTL Fatuhada, Díli.

Media F-FDTL

Nhoy Borges

RAEOA, 21-24 Setembru 2025

Komandu FALINTIL-Forsa Defesa Timor-Leste(F-FDTL) liu husi Seksaun Jéneru ne'ebé lideradu husi Koronel Guido Oliveira Hamutuk ho Xefe Seksaun Jeneru F-FDTL Kapitaun Marquita da Cunha ho ekipa halo sensibilizasaun bá Militár sira iha postu destakadu Sikone RAEOA ho tema "Liu husi Konsiensia bá Asaun: Promove Igualidade Jéneru,haforsa Étika no Responsabilidade" durante loron ha'at(4).

Atividade ne'e, halao bazeia bá Planu Asaun Nasionál Rezolusaun Konsellu Seguransa Nasoeins Unidas 1325 iha pilar prevensaun nomos intensaun komando nian. Topiku sira ne'ebé partilha liga ba iha PAN 1315, Prevensaun Violensia Baseia bá Jéneru no asuntu sira ne'ebé liga bá Família, Kareira, Saúde no Esklarese lei sira atividade ilegais.

Liu hosi atividade sensibilizasaun ne'e atu Aumenta koñesimentu pessoal sira nian Haburas ambiente profesional ida ne'ebé apoia respeitu, inkluzaun no lideransa étika iha militar nia laran, Prevene sedu no oinsa atu responde ba moras hadaet sira, Navega Militár sira nia kareira, no oinsá atu hala'o jestaun bá sira nia a'an.

iha Programa ne'e hetan apoiu husi parseiru sira hanesan Mi, SEI, UN Women no NGO sira, no iha tinan ne'e, programa refere realiza bazeia ba matrix anual seksaun igualdade Jéneru hodi halao sensibilizasaun bá Militár ho materia sira hanesan:

1.Planu asaun nasional 1325 kona-bá feto paz no seguransa e prevensaun violensia bazea bá jéneru, fasilita husi seksaun jéneru F-FDTL.

2. Prevensaun bá moras hadaet sira, Akonsellamentu, Planeamentu Família Depresaun no PTSD (Post Traumatic Stress Disorder) fasilita hosi Dierasaun Saúde Militár.

3. Esklarese kona-bá hahalok sira ne'ebé mak implika bá sira nia kareira fasilita hosi Diresaun Justisa e Disiplina.

4. Progresaun kareira, Direitu no Deveres sira nomos Gestão Finanseira fasilita hosi Divisaun Pessoal.

Tuir Orariu aktividade refere sei halo iha Kuartel Jenerál, Komponente Aérea Ligeira, Unidade Polisia Militár (PM) no Unidade FALINTIL (UF) Forsa Apoia Jerál (FAG) Komponente Naval, Komponente Forsa Terestre inklui mós postu destakadu sira iha teritoriu Nasionál.

Media F-FDTL

Rita Idalia Pereira

Maliana, 07 -10 Outubru 2025

Ekipa husi FALINTIL-Forsa Defesa Timor-Leste(F-FDTL) Husi Dirasaun Pessoal(D1) Kuartel Jenerál ne'ebé lidera husi Adjuntu Pessoal (D1) Major Rui do Rosário ho ekipa ida husi Institutu Nasionál Seguransa Sosial (INSS) ne'ebé lidera husi Diretur Atendimentu Públiku INSS José Soares ho ekipa ida kontinua halo sosializasaun Rejime Kontribuitivu Seguransa Sosial bá Militár sira durante loron tolu (3) iha postu destakadu Tunubibi, Cowa, Manduki inklui Postu Destakadu Likisa.

Tuir orariu husi sensibilizasaun ne'e sei kontinua halo sosializasaun iha destakadu Fuzileiru Betanu,Tilomar, Altu Lebos, Glenu, Inklui Postu Camea.

Média F-FDTL

Bonifácio Mendonça

Bobonaro, 11 Jullu 2025

Komandu FALINTIL- Forsa Defesa Timor-Leste(F-FDTL) Ekipa ida Komanda Husi Kapitaun Germano Nesta hamutuk ho Sargento Nain Lima inklui Prasas nain rua dadaun ne'e halo rekonesimentu bá Fatin sira hahu husi Postu Administrativu Balibo, Postu Maliana, Postu Kailaku, Munisípiu Bobonaro, Postu Hatulia Munisípiu Ermera, Postu Glenu, Postu Railaco no Final iha Kuartel Jenerál Fatuhada Dili, nune'e halo mós kordenasaun ho Parte Autoridade lokal Munisípiu Bobonaro, PNTL Munisípiu Bobonaro, No mós Autoridade Munisípiu Ermera, Postu Hatulia, Postu Gleno, Railaku inklui mós ho parte Saúde Munisípiu no Postu sira

Objetivu husi Recon ne'e Parte ida hodi hare direta kondisaun no situasaun iha terenu nune'e hodi planu ba iha loron Selebrasaun 20 de Agostu ba Dala-50 ne'ebe sei marsa La'o Ain hahu Balibo no Termina iha Dili

Tuir Planu Marsa Forsada La'o Ain ne'e Instituisaun F-FDTL Ekipa ida Komanda Husi Kapitaun Nesta sei Junta hamutuk ho Estudante Sira husi Estudante Hadomi Natureza (ESHANA-FEG UNTL) sei hahu ho misa Agradesimentu iha Igreja Balibo iha 09 Agostu, hafoin iha loron 10 Fulan Agostu Foin hahu marsa la'o ain husi Balibo no sei Termina iha loron 20 de Agostu hodi komemora loron FALINTIL ba Dala-50 iha Kuartel Jenerál Fatuhada Dili.

Ekipa Média F-FDTL

Bonifacio Mendonça