Kristu Rei,11 Abril 2025
Membru FALINTIL-Forsa Defeza Timor-Leste (F-FDTL) liu Husi Kuartél Jenerál, no Unidade Polisia Militár hala’o Viasakra iha Kristu Rei Dili.
Iha intervista amu Kapelaun F-FDTL, Kapitaun Rui Filomeno Gomes, hateten, viasakra ida ne’e hanesan jornada fiar nian atu bele reflete no viasakra ida ne’e kona be jejus ninia terus mate no moris hias.
“Ami hala’o reflesaun ne’e kuaresma tomak nia laran, iha kuaresma tomak nia laran ne’e F-FDTL sira mós iha oportunidade hanesan atu hala’o retiru, iha mós konfisoens missa nu’undar sarani ami halo ida ne’e, ita hotu iha ne’e husi Ofisiais Sarjentus Prasas no familia sira ne’e mesak fiar na’in hotu de’it ne’ebé ita la’o hamutuk hodi halo jornada fiar nian hamutuk ho sarani sira iha mundo tomak”.
Subliña tán katak, signifikadu loloos husi viasakra ida ne’e maka pratikamente ita la’o hamutuk ho povu Maromak nian, primeiru hametin liu tán ami nia fiar ne’ebé maka Maromak entrega ba ami maiória katoliku, outru lado ho ami nia esforsu ida ne’e mós ami buka para afirma povu ninia fiar, ami iha atu fó garantia defesa no seguransa ba povu, ne’ebe hakarak hanai maromak, harii nai maromak iha tempu santu ida ne’e hodi besik dadaun ona ba festa paskua ne’ebe semana oin ita sei selebra”.
Atividade ida ne’e ami hala’o iha ne’e, husi Kuartél Jenerál, Komponente Aéreo Ligeira, Unidade Polísia Milítar inklui Unidade FALINTIL, Komponente sira seluk hala’o tuir sira ninia kapasidade no tempu iha ida-idak nia Komponente.
Média F-FDTL / Nhoy Borges
