Nova Zelândia, 13 Marsu 2025.

Xefe Estadu Maior Jenerál FALINTIL-Forsa Defeza Timor-Leste, Tenente Jenerál Falur Rate Laek, ohin halo vijita bá atividade kultural Forsa Naval Nova Zelândia nian iha âmbito partisipa iha enkontru altu nível entre Xefe Estadu Maior Jenerál ilha pasifíku Sul nian ho naran TOTARA WANANGA 2025 ne'ebé realija iha Nasaun Nova Zelândia.

Objetivu husi vijita atividade kutural ne'e, oinsá bele hatene kona-bá kultura Forsas Armadas Naval nian li-liu iha nasaun Nova Zelândia nian, nomós atu hametin diak liutan relasaun entre lideransa sira iha pasifiku Sul nian atu halo komitmentu ida bainhira akontese dezastre Naturais ruma, ita bele tau ideas hamutuk no foti solusaun bá akontesimentu sira ne'e, liliu iha rejiaun ilha pasifíku Sul sira nian.

Hola parte iha Vijita ne'e maka Xefe Estadu Maior Jenerál husi Nasaun, Fiji, Austrália, Nova Zelândia, Tonga, PNG, inklui Timor-Leste.

Iha vijita Tenente Jenerál Falur Rate Laek, ho delegasaun husi TL ne'ebé kompostu husi Adjuntu Kampo CEMGFA Major José Pinto, Enfermeiro CEMGFA Alferes Celestino Amaral, Sarjento Mor Alberto Moreira Freitas 'Jery', Tradutor Primeiro Sarjento Armando Soares, Seguransa CEMGFA Segundo Sarjento Oki.

 Média F-FDTL

‎Singapura, 30 Maiu 2025.

‎

‎Iha intervista Xefe Estadu Maior Jenerál FALINTIL-Forsa Defeza Timor-Leste, Tenente Jenerál Domingos Raúl “FALUR RATE LAEK, katak, kooperasaun entre nasaun rua ne'e di'ak tebes, tamba ami nia rekursu umanu barak mak forma ona husi China no ami nia militár barak mak koalia ona lian China, dehan ba Sentru Televizaun China iha Singapura iha hotel Shangri-La.

‎‎"Hau haree husi dok no rona husi dok deit dezenvolvimentu forsa China nian hanesan mós ho nasaun Amerika, hau labele kompara entre forsa rua ne’e maibé hetene deit katak China ho Amerika ne’e poténsia ne’ebé boot no hadau malu hela ba dezenvolvimentu".

‎‎Tenente Jenerál mós subliña tán katak nasaun China nia investe makas iha ekonómia, nia papél importante maka tenki halo dialogu ho nasaun Amerika ho país pelisverante sira, para depois sira hotu bele konsénsiu bele hadia no fó solusaun polítika ba negosiadu hodi fo pás ba mundu.

‎‎Kona-bá ekipamntu funu nian, hau laiha âmbitu atu koalia ida ne'e, buat hotu ne'ebé mak atu destroi fali humanidade no estrga bens estadu povu nian, ne'e hau la hola parte iha ne'e. Hau nia hanoin ne'e osan iha ne'e dezenvolve ekonomia, no apoiu ba ema ne'ebé kiak no mukit iha mundu ne'e, presiza ajuda. Hakotu CEMGFA.

‎

‎Média F-FDTL

‎Aje Silva

Manufahi, 12 Jullu 2025.

Xefe Estadu Maior Jenerál, FALINTIL-Forsa Defeza Timor-Leste (F-FDTL), Tenente Jenerál Falur Rate Laek, partisipa iha serimónia reunifikasaun família bo'ot husi Jerasaun Dom Boa Ventura, iha suku Betano, Posto Same, Munisípiu Manufahi.

Iha serimónia Tenente Jenerál hatete, bemvindu ba família sira ne'ebé mai hamutuk fali iha ne'e, tamba funu mak fahe ita namkari, maibé ita mai fila-fali ho objetivu ida hodi buka atu rekompoin dignidade umanu nian.

"Ita ko'alia kona-bá uma Lusin Koronel, ne'e funu Alas ho Manufahi ita mós hanoin funu sira hanesan iha fatin-fatin, ne'ebé halo iha ita nia rai laran. Ne'e ita nia istória Rai Timor-Lorosa'e nian, laiha sekúku ida mak paz, tamba ne'e mak ha'u defende atividade ida funu ka komfrontu hanesan atividade moris povu Timór nian".

Iha âmbitu reunifikasaun família bo'ot husi Jerasaun Dom Boa Ventura ne'ebé mak antes iha tinan 1912 revolusaun Manufahi, hahú hafahe no hakotu familia tó fahe malu namkari, maibé ohin hahú simu malu fali iha uma lisan Lusin Koronel iha aldeia Bemetan, suku Betano, Posto administrativu Same, Munisipiu Manufahi.

Ekipa Média F-FDTL

Manatuto, 07 Juñu 2025.

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál "Falur Rate Laek" Partisipa iha Selebrasaun Dia do Portugal ne'ebé selebra iha Munisípiu Manatuto.

Selebrasaun tinan ida ne'e dedika espesial bá Santo Antonio de Lisboa, ne'ebé dedika nia Aan iha Munisípiu Manatuto liu ona tinan atus rua resin nomós hodi hametin relasaun entre Nasaun Portugal no Timor-Leste.

Partisipa iha Selebrasaun ne'e maka S.E Prezidente da Repúblika Dr. José Ramos Horta, Prezidente Parlamento Nasional, Membru Governo,Tenente Jenerál FALINTIL-FDTL, Embaixadora Portugal iha TL, Korpu Diplomátiku, Adido Defesa sira Iha TL, Komandante Geral PNTL Munisípiu Manatuto, PAM Munisípiu Manatuto, PAM RAEOA, Profesores no Estudante eskola Cafe Munisípiu Sanulu resin tolu.

Média F-FDTL

Evaristo