Same, 4 Setembru 2025

Komandu FALINTIL-Forsa Defeza Timor-Leste (F-FDTL) servisu hamutuk ho Ministéiru Defeza (MD) Liu husi Ekipa ne'ebé komanda husi Tenente Infantaria Costantino Mendonça Ximenes ho Ekipa Akompaña direta husi Autoridade Munisípiu Manufahi Sr. Luis M. da Costa Tavares apoiu Ai-han eskola Orfanatu Aidahaleu, Betano no Weberek, ne'ebé mak tau matan husi Komunidade Madre CIJ sira iha Munisípiu Manufahi.

Apoiu ai han ne'e hanesan parte ida jestu no domin ba ema kbit laek sira hodi kompleta loron Ezisténsia FALINTIL 20 Agostu ba Dala-50 ho nune'e komandu Deside hodi apoiu mós ai-han bázika ba Orfanatu sira".

Sorin seluk, Madre Esperanca CIJ, agradese tebes ba FALINTIL-FDTL no Ministéiru Defeza ne'ebé mak akompaña mós husi Autoridade Munisipál Manufahi hodi hili Orfanatu Aidahaleu, Betano no Weberek hodi hetan apoiu refere no dadaun ne'e Orfanatu fatin 3 ne'e hamutuk Labarik nain 55, ho Ksolok tebes tanba bele hetan apoia ai-han ba alin oan Orfanatu sira.

Portantu, Ai-han hirak ne'e iha item 13 mak hanesan, Supermie, Masi-midar, Deho Tuna Enaak, Mina goreng, Foos, Susu-been "Enaak", Xá, Kafé kaixa, Sabaun hariis, Rinso, Pepsodent, Eskova kose nehan no seluk tan.

Ekipa Média-F-FDTL

Metinaru, 19 Marsu 2025

 Médiku FALINTIL-Forsa Defeza Timor-Leste (F-FDTL) hamutuk ho médiku husi Munisípiu Dili halo teste saúde bá membru FALINTIL-Forsa Defeza Timor-Leste (F-FDTL) husi Unidade Apoiu Servisu (UAS) no Compaña Independente Enjeñaria, atividade refere hala'o iha Baze Unidade Apoiu Servisu (UAS).

Média UAS.

Baucau, 07 Agostu 2025

Média-F-FDTL), Kinta-Feira ne'e Komandu FALINTIL-Forsa Defeza Timor-Leste (F-FDTL) liu husi Diresaun Saúde Militár (DSM) hamutuk ho Hospital Referal Baucau, Sentru Saúde Vetenarus David Alex Daitula, Hospital Rezionál Eduardo Ximenes (HOREX), Serbisu Munisipal Saúde Baucau (SMS) no Mary Stopes kontinua fó Asisténsia Saúde espesializa ba Komunidade Suku Namanei Postu Administrativu Quelicai Antigu Munisípiu Baucau.

objetivu husi aktvidade konsulta saúde espesializa refere parte ida atu lori saúde besik ba komunidade sira iha área rural ne'ebé difisil atu asesu ba Saúde nune'e FALINTIL-FDTL kordena ho Ministéiru Saúde liu husi Sentru Saúde sira iha Munisípiu hodi fó tratamentu saúde espesializada ba komunidade sira problema moras mak hanesan ruin, ibun, tilun, matan no mós inan isin rua no moras sira seluk tan.

Iha fatin hanesan Autoridade Postu Administrativu Quelicai Antigu Sr. Francisco Matias Gusmão nia parte agradese ba programa Civil Militar Coperasaun (CIMIC) ne'ebé lori saúde besik ba komunidade suku Namanei.

‎‎"hanesan Autoridade postu administrativu agradese ba servisu Saúde Munisipál ho Saúde husi F-FDTL hotu hatudu sira nia sentidu pertense ba rai no povu ida ne'e, ohin bele halo konsulta espesializada hodi festeza Ezisténsia loron FALINTIL ba dala-50," APA Quelicai Antigu apresia.

‎Veteranu João Cancio Filipe no Komunidade Alexandrina Epifania da Silva Filipe senti kontenti ho prezensa pesoál saúde no médiku espesialista iha suku tamba fasilita ona tratamentu ba sira nia saúde.

‎‎"Doutor espesialista sira mai iha ne'e (Namanei) hau agradese tebes tamba ami presiza saúde diak, ami hein iha uma sira mak mai de'it ami orgullu tebtebes saúde sira nia tulun ba ami populasaun ne'ebé susar asesu fasilidade saúde tamba dok" Veteranus haktuir.

‎‎Enkuantu konsulta espesializada ne'e hala'o iha sede Suku Namanei, médiku husi Ministériu Saúde no FALINTIL Forsa Defeza Timor-Leste (F-FDTL), komunidade ne'ebé asesu ba asistensia saúde ne'e maka komunidade suku Namanei.

‎‎Suku Namanei iha aldeia haat hanesan Cirilaco, Daicou, Loirae, Ua-Sufa ho totál populasaun 2.115 no totál komunidade ne'ebé halo tratamentu hamutuk 270.

Ekipa Média F-FDTL

J'Silva/E. Dasdores