Dili 27 Novembru 2025

Komandu FALINTIL-Forsa Defeza Timor-Leste (F-FDTL) liu husi Xefe Estadu Maior Jenerál Forsa Armada (XEMJFA) Tenente Jenerál Domingos Raúl “FALUR RATE LAEK” partisipa selebra Missa Agradesimentu loron Proklamasaun Independénsia Repúblika Demokrátika Timor-Leste (RDTL) ba Tinan 50 iha Igreja Katedral Dili. Depois de missa Tenente Jenerál mós hamutuk ho Membru IX Governu ba tau aifunan iha Jardim Licidere ‘Monumentu Nossa Señora’ (Díli).

Ekipa Média F-FDTL

J’Silva

Dili, 31 Dezembru 2025

Kinta-Feira ne'e Xefe Estadu Maior Jenerál F-FDTL Tenente Jenerál Domingos Raúl "Falur Rate Laek" Akompaña mós husi Xefe Estadu Maior F-FDTL Brigadeiro Jenerál José da Costa Soares "TRIX" no Komandante Komponente Naval Komodoro Higino das Neves "Superman" hamutuk ho Membru Governu IX inklui mós Eis titular veteranus partisipa marsa populár hodi komemera loron erói Nasionál bá dala-VIII.

Marsa Popular ne'e la'o ain hahú husi Palásiu Prezidente Aitarak Laran to'o iha rotunda estatua Prezidente Nicolau Lobato Komoro hodi hanoin hikas tinan 47 Saudozu Nicolau Lobato nia iss kotu husi arma-fogu inimigu nian iha rai Binani Suku Mindelu, Postu Administrativu Turiscai, Munisípiu Manufahi, iha loron 31 fulan-Dezembru tinan 1978 nomós hodi memórializa Sakrifísiu, Luta no Dedikasaun hosi Aswa’in FALINTIL sira nia luta bá Libertasaun Nasionál.

Iha marsa Populá ne'e partisipa direta husi Xefe Estadu Maior Jenerál F-FDTL Tenente Jenerál Falur Rate Laek, Xefe Estadu Maior F-FDTL Brigadeira Jenerál Trix, Komadante Komponente Naval Comoro Higinio das Neves "Superman" membru Governu IX, Deputados sira, família Kombatentes no mós família Mártires sira, partisipa mós husi Joventude sira nomós Populasaun iha Dili.

Iha marsa ne'e hetan seguransa máximu husi forsa tarefa konjunta F-FDTL no PNTL hamutuk mos ho Konsellu Polisiamentu Komunitariu (KPK) iha Munisípiu Dili.

Media F-FDTL

Sold. J. Silva

Dili, 31 Dezembru 2025

Xefe Estadu Maior Jenerál F-FDTL Tenente Jenerál Domingos Raúl "Falur Rate Laek" ho Estrutura F-FDTL partisipa iha selebrasaun loron erói Nasionál bá dala-VIII, 2017- 2025 hodi Komemora tinan 47 Saudozu prezidente Nicolau Lobato hakotu is husi arma-fogu inimigu nian iha rai Binani postu Admistrativu Turiscai.

Nune'e Governu deside loron 31 fulan-Dezembru nu’udár “Loron Erói Nasionál Sira nian ka Dia Nacional dos Herois”, tanba koñesidu ho loron ne’ebé Komandante Bo'ot Saudozu Nicolau dos Reis Lobato nia mate iha batalla, iha área Binani, Suku Mindelu, Postu Administrativu Turiscai, Munisípiu Manufahi, iha loron 31 fulan-Dezembru tinan 1978.

Iha intervensaun Prezidente RDTL, Dr.José Ramos-Horta hatete, brani no aten-boot entrega a'an ba paz, no sira-nia vida ba libertasaun pátria, sira mate ba paz ida ne'e no ba sira hotu-hotu ne'ebé moris ba iha liberdade nune'e Xefe Estadu ne'e hateten tenki haktuir ezemplu Nicolau Lobato, no Xanana Gusmão no eroi nasionais sira hotu, sira fó inspirasaun no kbi'it ba ita-nia ideas sai asaun ba polítika konkreta, mehi tenki sai realidade ba Timor ida riku, justu, inklusaun para labele husik Timor-oan sira ruma ba kotuk.

Iha selebrasaun loron istóriku ne’e, hodi memórializa hikas Sakrifísiu, Luta no Dedikasaun hosi Aswa’in FALINTIL sira nian ne'ebé luta bá Libertasaun Nasionál.

Hafoin termina serimónia membru Governu IX, Parlamentu Nasionál, Tribunal, família Kombatentes no mós família Mártires sira inklui Populasaun iha Dili fó mós homenazen hodi tau aifunan ba iha saudozu Nicolau Lobato nia estatua iha Rotunda Comoro Dili-TimorLeste.

Media F-FDTL

Sold. J. Silva