Portugal, 19 Agostu 2025

Delegasaun Timor-Leste ne'ebé tuir Ezersisiu Felino iha Portugal Hetan Vizita Husi Adidu Defeza Timor-Leste Iha Portugal.

Coronel Tirocinado Mário Baptista "Bersama" hanesan Adidu de Defeza Timor-Leste iha Portugal iha representasaun Xefi Estadu Maior Jenerál Timor-Leste nia ba vizita delegasaun husi Timor-Leste ne'ebé partisipa iha ezersísiu Felino 2025.

Entertantu Delegasaun Timor-Leste ne'ebé tuir Exersísiu Felino 2025 mak hanesan Komandante Unidade FALINTIL Tenente Coronel Abel da Costa Xavier "Niki", Tenete Coronel Graduadu Grigorio Bernardo Correia, Kapitaun Tenente António do Rosário, Major Adelino Vilela no Kapitaun Abilio da Costa.

Ezersísiu refere hahú iha loron 11 Agostu 2025 no sei ramata iha dia 22 de Agosto de 2025. Nasaun ne'ebé partisipa iha ezerdísiu ne'e mak São Tomé e Príncipe, Guiné Bissau no Timor-Leste.

Média F-FDTL

Liquiça, 16 de Agosto 2025

Komandu F-FDTL liu husi Komisaun Organizadora ho Autoridade Munisípiu Liquiça abertura feira hodi komemora loron ezisténsia FALINTIL ba dala-50.

Atividade ne'e partisipa husi Autoridade munisípiu Liquiça, PNTL, CCLN, estudante, inklui mós komunidade munisípiu Liquiça.

Média F-FDTL

Ofisiál Ligasaun Posto Liquiça

Quartel General, 05 Janeiru 2026

Komandu FALINTIL-Forsa Defeza Timor-Leste (F-FDTL) hamutuk ho Funsionáriu Ministériu Defeza, Autoridade Marítima Nasionál (AMN), Instituto Defeza Nasionál (IDN) hasa'e Bandeira Nasionàl inísiu fulan Janeiru 2026 iha Kuartél Jenerál Fatuhada Dili.

Iha Serimónia Isar Bandeira Nasionál ne'e prezide husi Ministru Defeza Kontra Almirante Donaciano Costa Gomes PhD. "Pedro Klamar Fuik" iha nia intervensaun hateten hasa'e Bandeira Nasionál hanesan kultura ka tradisaun ida ne'ebé Instituisaun sira hotu hasa'e kada fulan.

"Dader ida ne'e ita hotu hahú tinan foun, ne'ebé ita hotu halibur Instituisaun hotu-hotu ne'ebé mak tutela iha Ministériu defeza, dader ida ne'e sei sai tradisaun ida, kultura ida kada fulan ida nia laran ita sei halo serimónia de isar Bandeira iha primeiru semana ou kada fulan iha kuartél Jenerál nune'e mós estende to mós iha unidades militares sira inklusivamente Autoridade Marítima ho instituto defeza" hateten Ministru Defeza.

Iha serimónia ne'e mós Ministru Defeza ható Boas festas no Boas entradas 2026 ba Komandu F-FDTL, Funsionáriu husi Ministériu Defeza inklui mós Instituisaun sira hotu ne'ebé tutela iha Ministériu Defeza atu nafatin isin diak no alegria iha tinan ida ne'e hodi kontinua servisu sira ho susesu

"Hau ható Boas festas i boasentradas 2026 ba imi hotu, 2026 sei lori isin diak ba ita hotu sei lori kontentamentu, alegria mai ita hotu sei lori mós realizasoens pesoais no instituisaun hotu-hotu ne'ebé mak ita hotu merese" remata MD.

Iha serimónia Isar Bandeira inísiu Fulan Janeiru 2026 ne'e partisipa maximu husi FALINTIL-FDTL, Funsionáriu husi Ministériu Defeza, Autoridade Marítima Nasionál (AMN) inklui mós Instituto Defeza Nasionál (IDN).

Ekipa Média F-FDTL

Sold. J. Silva 

Sold. Boni Mendonça

Dili, 15 Dezembru 2025

Komandu FALINTIL-Forsa Defeza Timor-Leste (F-FDTL) ohin realiza retiru no misa agradesementu iha igreja katedrál Dili hodi prepara bá selebra festa Natal 2025 no tinan foun 2026.

Iha misa refere partisipa husi Xefe Estadu Maior Jenerál FALINTIL-FDTL Tenente Jenerál Domingos Raul "Falur Rate Laek", Ofisiais Superiores, Ofisiais Capitaens, Ofisiais subalternos, sargentos no prasas husi Komponentes no Unidades inklui Kuartel Jenerál.

Media F-FDTL

Ekipa Media