Formandus Kursu Formasaun Kapitaun Husi F-FDTL Ohin Halo Vijita Bá AMRT, IP
Díli, 28 Janeiru 2026
Formandus Kursu Formasaun Kapitaun husi FALINTIL – Forsa Defeza Timor-Leste (F-FDTL), ohin halo vizita ida bá Arkivu & Muzeu Rezisténsia Timorense, (AMRT,I.P). Vizita ne’e hanesan planu ida husi Sentru Formasaun bá futuru kapitaun sira.
Ofisiál sira ne’e perkore espozisaun AMRT, I.P nian hodi bele hakle’an koñesimentu kona-bá estratéjia Frente Armada, Klandestina no Diplomátika, konta mós ho apoiu igreja no grupu solidariedade sira hodi lori Timor-Leste sai independente.
Objetivu prinsipal husi atividade ida ne’e mak oinsá bele reforsa identidade institusionál Militár nian, liga bá defeza atuál no onra bá sakrifísiu eróiku sira durante luta bá libertasaun nasionál.
Iha Vijita ne'e simu direta husi Diretór-Ezekutivu AMRT,I.P, Sr. Jorge Alves “We Moris” no ekipa Tomak.
Antes remata reprezentante husi Kursu Formasaun Kapitaun hato'o agradese tebes bá lideransa AMRT,I.P, Sr. Jorge Alves “We Moris”, hodi disponibiliza vizita importante ida ne’e, hodi formandu sira koñese kle’an liután kona-bá Timor-Leste nia prosesu naruk bá luta ukun rasik-an ida ne'e.
Ekipa Kursu Formasaun Kapitaun ne'e lidera husi Kapitaun Rego mak hanesan Diretór Kursu bá Formasaun Kapitaun nian.
Media F-FDTL
Leoneto de Jesus
