Metinaro, 10 Outubru 2025

Xefe Estadu Maior FALINTIL-Forsa Defeza Timor-Leste (F-FDTL) Brigadeiru Jenerál José da Costa Soares "TRIX" partisipa iha serimónia aniversáriu Unidade Apoiu Servisu(UAS) bá dala rua nulu resin Tolu (23), iha Metinaro.

Iha diskursu Xefe Estadu Maior F-FDTL Brigadeiru Jenerál José da Costa Soares "TRIX" hateten, ida ne'e hanesan istória bo'ot ida bá desenvolvimentu Forsas Armadas tomak liuliu Unidade Apoiu Servisu (UAS) hanesan fuan bà Forsas Armadas iha FALINTIL-FDTL nia laran.

Haksolok tebes hau diriji Ita bo'ot sira ohin partisipa iha serimónia solene ida ne'e, ohin marka loron moris UAS nian bá dala 23, momentu ida ne'e la'os deit selebra tinan servisu nian rekonese bá evolusaun ohin kontinua no rejilensia bá Unidade ida ne'e nian, esensial bá ita nia Forsa Defeza ohin hau temi uluk, hahu ho kikoan ho naran FLU, ohin loron mai to'o iha FAG, dehan CEM liu husi nia diskursu.

Istória husi ita nia Unidade reflete ita nia Nasaun Jovem, iha tinan 2002 bainhira Timor-Leste hetan indenpendénsia, hahu moris unidade lojistika ida Forsa FLU mak ohin temi, hari atu garante ita nia Militár sira iha nesesariu atu kumpri sira nia misaun ho diak.

Ita hein katak iha tinan 20 resin sentru ida ne'e bele transfomra fali bá Ensinu baziku no hau husu bá Forsa Apoiu Jerál no Unidade Apoiu Servisu (UAS) bá oin bele prioritija imi nia servisu kona-bá saida maka bele haburas ita nia kampo sira ne'ebé oras ne'e dadauk hahu ona servisu iha ita nia rai doben Manatuto. Remata

Partisipa iha serimónia aniversário loron Unidade Apoiu Servisu nian mak hanesan, Xefe Estadu Maior F-FDTL Brigadeiro Jenerál José da Costa Soares 'TRIX', APA Metinaro , Koronel Amico, aman Veteranus sira, Komandante Komponente Aéreo Koronel Helder da Costa, Komandante Forsa Apoiu Jerál Tenente Koronel João Bosco Ximenes, Reprejentante Komandante Komponente Naval, Reprejentante Komandante Komponente Terrestre, Komandante Unidade Polisia Militár Tenente Koronel Mateus de Jesus, Reprejentante Komandante Unidade FALINTIL, Komandante PNTL Aileu, Komandante PNTL Manatuto, Xefe Divijaun sira husi Kuartel Jenerál, Adidos Defesa sira, Asesor Internasionál sira, Ofisiais Sarjentus no Prasas UAS nian inklui mós Família Militár UAS nian.

Media F-FDTL

Sargento Carceres

Hilário Rompas Torezão

Dili, 04 Juñu 2025

Komandu FALINTIL-Forsa Defeza Timor-Leste (F-FDTL) ohin hahu halo limpeza jerál iha teritoriu Nasionál hodi komemora loron Mundial OSEANU 2025.

Iha intervista Xefe Operasaun FALINTIL-FDTL Koronel João da Costa Esteves hateten, limpeja jeral ohin ne'e la'os bá fatin ida deit, maibé kuaze ami Instituisaun F-FDTL simu orientasaun husi Ministériu Defeza hodi komemora loron mundial OSEANU nian, Timor laran hotu ho Mundo tomak oinsá atu preve meu ambiente ninian, tamba ida ne'e mak ami Instituisaun FALINTIL-FDTL halo limpeja jeral ohin to'o sesta feira.

Alende limpeja jeral ami mós simu orientasaun ida tan husi Komandu FALINTIL-FDTL para ekipa ida sei halo palestra no sosialijasaun bá eskola sira ne'ebe mak destaka besik iha fatin risku no oinsá sira bele hatene prosedementu kona-bá meu ambiente ninian.

Nia hatutan Komandu mós fó apelu bá komunidade sira atu labele soe foer arbiru, hau hanoin apelu ne'e la'os foin mak fő, apelu ne'e ita halo dala barak ona, maibé ita persija konsiensia husi komunidade sira, depois ita husu nafatin bá ita nia komunidade sira atu soe lixu iha fatin ne'ebé maka Estadu no Governu liuhusi Autoridade Munisípiu Dili prepara ona.

Rute ne'ebé maka komandu FALINTIL-Forsa Defeza Timor-Leste (F-FDTL) halo limpeja mak hanesan tuir mai ne'e, Kuartel Jenerál F-FDTI Limpeja husi mota Maloa to'o tasi ibun, Komponente Aéreo ho Unidade FALINTIL husi mota kasnafar to tasi ibun, Forsa Apoiu Jeral (FAG) ho Unidade Polisia Militár (PM) dirasaun husi Ospital lahane, mota Taibesi to'o mota bidau nian, Komponente Naval husi Ponte BJ Habiebie to'o kristu Rei no dolok oan.

Membru sira neʼebé maka inklui iha limpeja jeral ne'e maka Komponente no Unidade tomak inklui postu destakadu iha teritorių Timor laran tomak sira bele kordena ho autoridade lokal no komandante PNTL Munisípiu no Komponente Forsa Terestre mós ohin aban no bainrua limpeja jeral iha teritoriu Nasionál laran tomak.

Media F-FDTL

Noy Borges

Dili, 04 Juñu 2025

 Komandu FALINTIL-Forsa Defeza Timor-Leste (F-FDTL) liu husi dirasaun Saúde Militár, Apoiu Sosial no Civil Militár halo sosialijasaun kona-bá Saúde Ambiente bá estudante sira iha Eskola Ensino Bazico Central Cassait no Eskola Bazico Marcelo 02 Comoro, Dili.

Iha intervista Xefe Apoiu Sosial F-FDTL Koronel Alberto Pereira dos Santos hateten, sosialijasaun ida ne’e ami halo bazea bá iha âmbitu komemorasaun loron Mundial OSEANU meu Ambiente, ne’ebé husi Komandu F-FDTL horseik simu dirativa Ministerial husi Ministériu Defeza hodi nune’e maka komandu fó ordem bá Komponente no Unidade tomak iha Instituisaun FALINTIL-FDTL atu halo limpeja jeral iha sidade Dili, nomós halo sosiliajsaun kona-bá importansia meu ambiente nian bá estudante sira.

Tamba ida ne’e maka hahu ohin to’o Sesta Feira ita sei halo limpeja jeral iha sidade Dili, halo mós sensienbilijasaun bá eskola tomak, sobre tudu eskola sira ne’ebé maka vunerabel bá risku dezastre ninian, ejemplo fatin ne’ebé maka potensiál bá moras oin oin nomós bele hetan inundasaun, tamba ne’e maka ohin ita halo iha Cassait agora parte lorokraik nian ita halo iha eskola Marcelo 02 Comoro no ita sei halo tan iha fatin seluk, tenik nia.

Iha fatin hanesan Diretór Eskola Ensino Bazico Cassait Sr. Domingos Ribeiro hateten, nia parte sente kontente tebes tamba husi Komandu FALINTIL-Forsa Defeza Timor-Leste (F-FDTL) bele mai halo sensibilijasaun bá iha eskola Ensino Bazico Central Cassait, tamba liu husi sosialijasaun ne’e estudante sira bele hatene soe foer iha fatin nomós bele hadok aan husi risku sira.

Media F-FDTL

Izidor Lopes & Leoneto de Jesus