Kuartel Jenerál, 26 Fevereiru 2025

Xefe Estadu Maior Jenerál FALINTIL-Forsa Defeza Timor-Leste Tenente Jenerál Falur Rate Laek ohin asina Memorandum of Understanding (MoU) ho International Committee of the Red Cross (ICRC) iha kna’ar fatin Kuartel Jenerál, Fatuhada, Dili.

Iha intervista Xefe Estadu stadu Maior Jenerál F-FDTL Tenente Jenerál Falur Rate Laek hateten, asina akordu ida ne’e hanesan pasu importante ida entre Forsas Armadas ho Internationál Committee of The Red Cross (ICRC) halo kooperasaun ho Forsas Armadas atu halo preparasaun bá  Militár sira iha treinamentu oioin hanesan direitus umanus.

“Normalmente Militár sira kuandu halo asaun ruma iha terrenu ne’e sempre viola direitus umanus barak aleinde ne’e uluk iha funu libertasaun nasionál ita nia arma de combate maka direitus umanus, ne’ebé ohin iha ne’e ha’u ko’alia dehan katak relasaun  F-FFDTL  ho Cruz Vermelha Internasional ne’e la’os foin mak hahú, maibé hahú kedas iha tempu difisil nia laran, ne’ebé ida ne’e  hanesan pasu importante ida bá funu libertasaun nasionál, tamba sira fó apoiu umanitaria fó mós dadus kona-bá violasaun direitus umanus bá mundu tomak, ne’ebé siensibilizaun halo opiniaun públiku internasionál, mai realiza ita nia referendum iha tinan 2002”.

Iha fatin hanesan Head of Deputy-Regional Delegation Internasional Committee of the Red Cross (ICRC) Indonésia & Timor-Leste Johan Guillaume hateten, lori Crus Vermelha nia naran hakarak fó bemvindu bá ita hotu iha fatin ida ne’e, Crus Vermelha ho FALINTIL-FDTL servisu hamutuk iha tempu naruk ona oinsá ita foka liubá   hasa’e koñesimentu liliu bá semináriu ka worshop lei umanitáriu internasionál sira, no crus vermelha internasionál nia komitmentu atu halo parseru  no servisu hamutuk nafatin ho instituisaun F-FDTL liliu iha área ne’ebé mak temi ona hanesan lei umanitária internasionál sira.

“Ohin asina ne’e oinsá atu kontinua de’it extensaun servisu ne’ebé maka ita halo ona hamutuk ho F-FDTL, entaun nia objetivu maka oinsá atu hasa’e koñesimentu liu husi formasaun sira bá membru F-FDTL kona-bá lei umanitáriu internasionál iha tempu paz no konflitu nia laran”.

Média F-FDTL.

Bobonaro, 01 Agostu 2025

Ministério Defesa liu husi FALINTIL-Forsa Defeza Timor-Leste (F-FDTL) halo lansamentu Fatuk dahuluk bá konstrusaun uma esperansa ho kuantidade ida bá Inan faluk Aquelina Bui Mali ho oan kiak Juliana Bui, iha Aldeia Sekar, Suku Holsa, Postu Administrativu Maliana, Munisípiu Bobonaro.

Uma ne'e konstrui husi Enjiñaria F-FDTL hodi Komemora loron Aniversáriu FALINTIL nian bá dala 50, (20-Agostu 1975 - 20-Agostu 2025).

Iha diskursu Xefe Gabinete do Xefe Estadu Maior Jenerál FALINTIL-Forsa Defeza Timor-Leste (F-FDTL) Koronel Marcelino Ximenes "RIZAI" hateten, ohin Itá marka loron istóriku ida ne'ebé nakonu ho esperansa, tamba obra né simbolija Nasaun nia komprimisiu bá nia dignidade no moris diak sidadaun hotu hotu nian.

Iha fatin hanesan benefesiária Aquelina Bui Mali hateten, nia parte agradese tebes bá Governu ida ne'e liuliu Ministério Defesa ho Komandu FALINTIL-Forsa Defeza Timor-Leste (F-FDTL) tamba ajuda no realija ona nia mehi atu hetan uma, tamba durante ne'e sira mehi ohin sai realidade.

Partisipa iha serimónia lansamentu fatuk dahuluk iha Suku Holsa ne'e hanesan, Reprejentante Ministru Defeza Diretór Jeral Polítika Defesa Nasionál Sr. Nuno Carvalho dos Santos, Reprejentante Komandu F-FDTL, Koronel Marcelino Ximenes "RIZAI", Reprejentante PAM Bobonaro, Komandante PNTL Munisípiu Bobonaro, Xefe Divisão Pessoal F-FDTL Major Rui do Rosário, Reprejentante APA Maliana, Veteranus, Autiridade Lokal sira, Kompania Fornesedór nomós komunidade iha Suku Holsa.

Media F-FDTL

Grumete Franscisco

Metiaut-JL Word, 23 Fevereiru 2026

Komandu FALINTIL-Forsa Defeza Timor-Leste (F-FDTL) liu husi Xefe Estadu Maior F-FDTL Brigadeiro Jenerál José da Costa Soares "Trix" ho Ofisiais Superiores sira husi FALINTIL- FDTL Han kalan hamutuk ho Tentara Nasionál Indonezia Angkatan Darat (TNI-AD) ne'ebé lidera husi Brigadeiro Jenerál Valian Wicaksono, hanesan Adjuntu Asistente Intelejénsia Xefe Estadu Maior Tentara Indonézia ho delegasaun depois de remata enkontru AWG INAMOR bá dala-10 iha hotel JL Word Metiaut Dili.

Antes remata iha mós troka prendas bá malu hanesan lembransa ida hodi hametin lasu amizade entre FALINTIL-FDTL ho TNI-AD nian iha futuru.

Ekipa Média F-FDTL

J. Silva

Metinaro, 13 Marsu 2025

 Komandu FALINTIL-Forsa Defeza Timor-Leste (F-FDTL) liuhusi Unidade Sentru Instrusaun Komandante Nicolao Lobato realija jogu futeboll taça rotativa Comandante Nicolao Lobato, hodi selebra aniversáriu loron Unidade Sentru Instrusaun Komandante Nicolao Lobato nian bá dala 24, ne'ebé monu iha loron 19 Fevereiru tinan 2025 ne'ebé ita selebra liu ona.

 Iha intervista Prezidente Komisaun Organizadora bá eventu refere Major Infantaria David Leopoldo dos Santos hateten, objetu husi realija jogu ida ne'e tamba lori komemora loron aniversáriu CICNL nian dala 24, ne'ebé ita selebra liu ona iha fulan kotuk, alende ne'e mós realija jogu ida ne'e oinsá atu kria lasu amizade entre joventude ho Forsas Armadas sira, liliu amizade entre joventude sira, tamba dala barak ita hatene sempre mosu problema entre joven sira ne'eduni ami ho inisiativa loke jogu ida ne'e.

 Iha taça ida ne'e klubu hamutuk sanulu resin sia mak kompete iha jogu ida ne'e no sei final iha fulan Maiu tinan ida ne'e.

 Jogu refere hetan apoiu fundus hosi doadores Internasional no Nasional sira, balun apoiu material hanesan bola no balun apoiu iha orsamentu ninian.

 Lori komisaun nia naran hakarak hato'o bá jogador sira katak jogu ho disiplina tamba manan ga lakon ita mesak Timor oan hotu.

 Media F-FDTL