Xefe Estadu Maior Jenerál F-FDTL Ensera Jogu Kompetisaun Volibol: CT Sai Venserdór

Unidade Kuartél PM, 30 Maiu 2026

Xefe Estadu Maior Jenerál F-FDTL Tenente Jenerál Falur Rate Laek ensera jogu kompetisaun volibol ne'ebé lidera husi Seksaun Jéneru F-FDTL nian parte ida hodi komemora loron AFAMA nian ba dala-14.

Iha jogu kompetisaun ne'e iha ne'ebé Hetan Primeiru Lugar husi Componente Terestre, Segundu Lugar FAG no Terseiru Lugar husi Família Naval.

Iha intervensaun Xefe Estadu Maior Jenerál F-FDTL Tenente Jenerál Falur Rate Laek apresia ho programa husi seksaun Jéneru F-FDTL ninian no mós AFAMA ne'ebé organiza aktividade ida ne'e la'o ho diak no susesu.

"Ha'u lori Instituisaun F-FDTL nian naran ható parabéns ba manan nain sira no fó mós parabéns ba seksaun Jéneru no mós Xefe ezekutivu AFAMA nian ne'ebé organiza eventu sira ne'e lao ho diak no susesu hahú kedas husi misa agradesimentu kompetisaun Kuliñaria no Volibol " hateten Eis Funu nain ne'e.

Iha sorin seluk Xefe Seksaun Jeneru F-FDTL Kapitaun Marquita da Cunha hateten husi aktividade realiza hodi selebra ezistensia AFAMA nian hodi kontinua hametin relasaun no amizade entre Familia AFAMA no mos Femenina Militár.

"Ita selebra ezisténsia AFAMA nian ba dala-14 husi AFAMA no seksaun Jéneru hala'o aktividade sira hanesan hahú uluk ho santa misa kompetisaun Kulinaria, kompetisaun Volibol, husi aktividade sira ita halo parte ida atu hametin liu tan relasaun amizade ho família Militár ho mós femenina Militár sira ita bele fahe hanoin ba malu sering hamutuk oinsa hele tulun malu ba saida mak ita hasoru atu nune'e hamtin liu ita tan nia instituisaun F-FDTL no AFAMA ne'e rasik".

Partisipa iha aktividade enseramentu ne'e hanesan Xefe Estadu Maior Jeneral F-FDTL ho Espoza, Adidu Defeza Indonesia iha Timor-Leste ho Espoza, Representante Komandante CT, Naval, Aereo FAG, Ofisiais Superiores sira inklui mós Familia AFAMA.

Ekipa Media F-FDTL

Foto Francisco