Dili, 04 Jullu 2025

Instituisaun FALINTIL-Forsa Defeza Timor-Leste (F-FDTL), simu viatura tátika hamutuk 18 husi Ministériu Defeza, ho marka Baic-10 no marka Isuzu-8 ne'e hodi hala' o kna'ar ho profisionál no moderniza.

Xefe Estadu Maiór Jenerál Forsa Defeza Timor-Leste (F-FDTL), Tenente Jenerál Domingos Raul "Falur Rate Laek", dehan agradese ba Ministru Defeza nia apoiu mai instituisaun F-FDTL ho ekipamentu viatura tatika ne'ebé neneik maibé bebeik atu nune’e F-FDTL bele hala'o nia misaun ho Profesionál no Moderniza.

"Hau husu ba Xefe Estadu Maior atu atualiza ba iha transporte nian ho riguroju tanba ita iha ona diretiva ida ne'ebé atu kontrola ba transporte viatura tátika sira ne'ebé apoiu husi Ministériu Defeza, ha'u husu atu utiliza transporte hirak ne'e ho responsabilidade no uza ba nesidade instituisaun F-FDTL nian no husu atu ita hotu kontribui ba Instituisaun F-FDTL ida ne'e".

Husu ba Xefe Viatura atu kontrola didi'ak liu ba Motorista nomós ba mekánika sira atu kontrola ba transporte ne'e tuir regras ne'ebé estabelese tiha ona, tanba asidente ne'ebé akontese iha Timor ne'e inkapasidade iha Motorista sira tanba la obedese regras sira ne'ebé iha ona.

Tamba Uluk ema barak lakon nia vida ba rai ida ne'e ohin loron nasaun hetan nia independénsia, ohin loron Instituisaun F-FDTL sai ona Moderniza oinsá atu halo professionál liu tan atu nune’e Heroino no heroina sira bele haree ho Kontente.

Ha'u husu ba Membru F-FDTL hotu-hotu atu sai servidór ba rai ida ne'e liu ba ita nia soberania tanba ita iha istória libertasaun ne'ebé diferente ho ema seluk iha mundu. Hakotu CEMGFA

Iha sikun seluk, Ministru Defeza (MD), Kontra Almirante Donaciano Costa Gomes Ph.D "Pedro Klamar Fuik" hatete, ita oferese tanba ekipamentu viatura tátika 18 ba instituisaun F-FDTL ha'u nia felisita ba Instituisaun F-FDTL tanba meius ne'ebé adekuadu, tanba ita hotu hatene tinan 20 resin ba kotuk ita halo transformasaun FALINTIL mai F-FDTL ita iha de'it viatura ida maibé ho tempu no evolusaun ita transforma no atribui meius modernu ba ita nia F-FDTL hala'o misaun ho Profisionaliza no moderniza.

Governante ne'e esplika husi meius viatura tátika ne'e iha 2 ida viatura tátika Administrativa no ida seluk viatura tátika pesoál

"Ha'u husu ba Instituisaun F-FDTL ne'ebé hetan atribuisaun meius foun presiza iha gestaun atu ba iha meius ne'e ho didi'ak, hau husu CEMGFA atu kontrolu ho riguroju ba viatura tátika sira ne'e atu bele uza hodi kumpri misaun F-FDTL nian no meius sira ne'e bele dura atu nune'e F-FDTL bele utiliza hodi serví ita nia rain."

Ministériu Defeza esforsu no sakrifíka ba Administrativa balun husi MD hodi bele halo akizasaun ba meius tátikus Administrativus ne'ebé F-FDTL iha hanesan transporte pesoál no transporte Administrativa nian.

"Viatura tátika ne'e laos tama ba enkuadramentu lei Programasaun militár nian maibé ida ne'e mudansa artigu ba akizasaun husi kareta tátika ba kombate ne'ebé ami planea 4 maibé lakonresponde ho realidade ne'ebé F-FDTL iha tanba ne'e hau desize konsela re-enkamiña ba iha akizasaun viatura tátika Walu nia orsamentu 2024 nian ho nia montante 1 mill 800 dolares Amerikanu."

Husu atu ita hotu kontribui ba Instituisaun F-FDTL ida ne'e."

Média F-FDTL

Nhoy Borges

Aeroportu Internasionál Nicolau Lobato Dili-Timor-Leste 03 Abríl 2025

Jenerál Steven S. Nordhaus to’o iha Aeroportu Internasionál Nicolau Lobato Dili-Timor-Leste ho aviaun etadus Unidus Amérika 90540,  simu direita husi Coronel Alberto Perreira dos Santos “LIA LULIK” atual hanesan Xefe Gabinete Apoiu Sosial no Xefe Kooperasaun Téknika Militár Tenente Coronel Graduadu Domingos Oki hamutuk ho Embaixadór Estadus Unidus Amérika iha Dili-Timor-Leste, Jenerál Steven S. Nordhaus, ne’e mós hanesan Xefe Gabinete Guarda Nasionál, mai iha Timor-Leste.

Jenerál nia vizita ne’e atu kontinua hametin Estadus Unidus Amérika nia kompromisu ba tempu naruk hodi reforsa lasus seguransa nian ho Timor-Leste no hametin  kooperasaun entre Estadus Unidus Amérika ho nasaun Timor-Leste iha setór defeza.

Jenerál Nordhaus mós sei partisipa iha serimónia ofisiál entrega Hangar Aviaun nian no Armajen Asisténsia Umanitária no Auxíliu Dezastre (HADR) ba Komponente Aérea FALINTIL-FDTL iha Baucau semana ne’e. Serimónia ne’e marka momentu importante ida iha parseria defeza Estadus Unidus-Timor-Leste, no fasilidade foun hirak ne’e sei hasa’e F-FDTL nia kapasidade resposta ba dezastre no prontidaun operasionál, hodi reforsa Timor-Leste nia reziliénsia no seguransa.

Média F-FDTL.

Metinaro, 13 Junu 2025

FALINTIL-Forsa Defeza Timor Leste (F-FDTL) liu husi Forsa Apoiu Geral(FAG) Tenente-Coronel João Bosco Ximenes"Lenok" hamutuk ho komandante Centro Instrusaun Comandante Nicolau Lobato(CICLN),Tenente-Coronel Elizeu Guterres nomós Komandante Unidade Apoiu Servisu(UAS) inklui Ofisiais Superiores sira simu vizita importante ida husi Xefe Estadu Maior Jenerál Exército Austrália Tenente Jenerál Simon Stuart, AO, DSC ho Xefe Estadu Maior Jerál Forsas Armadas Nova Zelãndia, Major Jenerál Rose King, no Embaixadora Nova Zelândia iha Timor-Leste Hellen Tunnah iha Kna'ar fatin Kuartel Metinaru.

iha Intervensaun Komandante (FAG) nia parte agradese bá Xefe Estadu Maior Jenerál Exército Austrália ho Xefe Estadu Maior Jerál Forsas Armadas Nova Zelãndia, nomós Embaixadora Nova Zelândia iha Timor-Leste ho delegasaun bá vizita hanesan oportunidade diak ida hodi hametin kooperasaun Bilateral ida metin liu tan entre Nasaun Rua Nova Zelândia ho Austrália ho Timor-Leste iha futuru.

"Hau lori komandante sira hotu ható ami nia bemvindu bele vizita fatin ida ne'e, ita nia kooperasaun hahu nanis tia ona bá futuru hakarak hametin kooperasaun ida metin liu tan iha aréa téknika Militár hanesan kapasitasaun formasaun espesialidade sira, inklui infrastrutura no apoiu ekipamentos sira" hateten TenCor Bosco iha Kuartel Metinaru.

Entertantu Xefe Estadu Maior Jenerál Exército Austrália Tenente Jenerál Simon Stuart, AO, DSC nia parte orgulho tebes tamba bele hametin amizade hanesan fundasi ida ne'ebé metin no forte liu tan iha aréa espesializasaun sira ne'ebé esensial liu iha aréa Militár nomós servisu hamutuk ho parseiru Nova Zelândia sei servisu hamutuk iha futuru oin mai.

iha Sorin seluk Xefe Estadu Maior Jerál Forsas Armadas Nova Zelãndia Major Jenerál Rose King, nia parte agradese mesmo vizitasaun ida ne'e hanesan Dahuluk maibé relasaun ne'ebé hametin nanis ona espera sei forte liu tan, iha oportunidade sira hotu servisu hamutuk no iha komitmentu la'os iha kooperasaun Bilateral deit maibé ho mós multilateral ho Nasaun Austrália inklui Timor-Leste.

iha Vizita ne'e hare mós Fatin Banda Militár, Salaun Memorial, ELTF, Fatin Mediku, Fatin CTOAP, inklui Kazerna sira ne'ebé hari husi Exersísiu Hari'i hamutuk akompanha husi Komandante CFT Koronel Domingos Da Costa Soares"Dobu",TenCor João Bosco Ximenes"Lenok", Inklui Ofisiais sira.

Média F-FDTL

Boni Mendonça ho Izidor Lopes

Dili, 10 Dezembru 2025

Ekipa FALINTIL-Forsa Defeza Timor-Leste (F-FDTL) husi seksaun Jéneru F-FDTL Partisipa iha marsa hodi Komemora kampanha loron 16 ativismu kontra violensia hasoru feto no labarik feto iha Timor-Leste.

Kampanha né ho tema " HAMUTUK HASA'E KONSIÉNSIA LITERÁSIA DIGITÁL & ONLINE SEGURU BÁ FETO NO LABARIK FETO IHA DIVERSIDADE HOTU"

Entretantu husi FALINTIL-Forsa Defeza Timor-Leste (F-FDTL) komanda husi Xefe Jéneru F-FDTL Kapitaun Marquita da Cunha.

Atividade ne'e organiza husi Sekretariu Estadu Igualdade no Inkluzaun (SEII)

Media F-FDTL

Izidor Lopes