JL Word Metiaut, 23 Fevereiru 2026

Komandu FALINTIL-Forsa Defesa Timor-Leste(F-FDTL) sai uma nain bá enkontru AWG INAMOR bá dala-10 ho delegasaun Tentara Nasionál Indonésia Angkatan Darat (TNI-AD) iha hotel JL Word Metiaut Dil.

Iha enkontru ne'e abertura husi Komandante Komponente Terrestre Koronel Domingos da Costa Soares "Dobu" nomós Adjuntu Asistente Asunto Intelejénsia Xefe Estadu Maiór TNI-AD Brigadeiru Jenerál Valian Wicaksono.

Objetivu husi enkontru ho Tentara Nasionál Indonésia Angkatan Darat (TNI-AD) ho Forsa Defesa de Timor-Leste (F-FDTL) hanesan kada tinan ida dala ida husi programa INAMOR ne'e atu Hametin konfiansá entre FALINTIL-FDTL no TNI AD, mantein estabilidade no seguransa iha fronteira, treinamentu konjuntu, kapasitasaun no troka informasaun, prevene konflitu, no promove paz entre pais rua.

"Envolvimentu ohin nian subliña ita-nia kompromisu hamutuk atu hametin ita-nia amizade no avansa kooperasaun defeza bilaterál ne'ebé signifikativu,F-FDTL apresia tebes bá apoiu dedikasaun ne’ebé kontinua husi TNI-AD hodi fornese oportunidade formasaun oin-oin bá membru F-FDTL sira partikularmente, membru Komponente Terrestre, Inisiativa sira-ne'e hatudu ona ami nia determinasaun fahe atu hametin relasaun bilaterál sira, hasa'e interoperabilidade, no promove komprensaun mútua entre ami nia membru militár sira"hateten Komandante Komponente Terrestre Koronel Dobu.

Iha Sorin seluk Adjuntu Asistente Intelejensia Xefe Estadu Maiór TNI-AD Brigadeiru Jenerál Valian Wicaksono, hateten forsa ezersitu rua ne'e hatudu bebeik konfiansá, respeitu no kompromisu hodi hari'i parseiru no solidariedade metin liu tán entre TNI-AD no FALINTIL-FDTL iha aktividade oin-oin inklui mós formasaun konjunta koperasaun, edukasional no seluk tan.

"Liu husi fórum ida-ne'e, ezérsitu rua ne'e hatudu beibeik konfiansá, respeitu no kompromisu bá malu hodi hari'i parseria no solidariedade ne'ebé metin liután, Amizade kleur entre Tentara Indonézia ho FALINTIL-FDTL reflete Iha atividade oin-oin, inklui interkámbiu profisionál sira, formasaun konjunta, kooperasaun edukasionál no formasaun nian, koordenasaun intelijénsia nian, no konversa sira ho funsionáriu sira, ne'ebé hotu-hotu kontribui ona ho konsistente bá hasa'e preparasaun no estabilidade rejionál" hateten Adjuntu Asistente Intelejénsia Xefe Estadu Maiór TNI Brigadeiru Jenéral Valian Wicaksono,iha JL Word Metiaut Dili.

Brigadeiru Jenerál ne'e reafirma tan katak programa AWR INAMOR bá dala-10 kontinua sai hanesan marka signifikativu ida no hametin koordenasaun no mos dezenvolve inisiativa foun kooperasaun iha futuru komprimisu ba paz estabilidade no seguransa rejional.

"Ha'u fiar katak AWG INAMOR bá dala-10 ida-ne'e sei sai hanesan marku signifikativu ida iha ami nia esforsu sira atu hametin koordenasaun, dezenvolve inisiativa foun sira bá kooperasaun iha futuru, no kontinua ami nia kompromisu fahe ba pás, estabilidade no seguransa rejionál Ha’u fiar katak liu husi enkontru ne’e, ita sei bele halo revizaun ba ita-nia realizasaun sira, troka hanoin, no dezenvolve programa foun ne’ebé sei lori benefísiu ba malu ba forsa Exercito rua ne'e iha Futuru".haktuir Delegasaun TNI-AD ne'e.

Partisipa iha Enkontru bá programa INAMOR bá dala-10 ne'e hanesan Komandante Komponente Terrestre Koronel Dobu, akompaña husi Adidu defeza TL bá Indonésia Koronel Renilde Guterres Cortereal Silva no Ofisiais Superiores F-FDTL no mós Delgasaun husi TNI-AD ne'ebé lidera husi Brigadeiru Jenéral Valian Wicaksono ho ekipa hetan mós akompaña husi Adidu Defeza Indonesia iha Timor-Leste Koronel Hengky Sweeto Parsaoran.

Ekipa Média F-FDTL

Bonifaçio Mendonça

Aitarak laran, 30/01/2026

Sexta-Feira, 30 Janeiru ne'e FALINTIL-Forsa Defesa Timor-Leste (F-FDTL) Menus Kompaña ida husi Komponente Naval no mós husi Forsa Apoiu Geràl (FAG) hala'o parada militár iha Palasiu Prezidente Aitarak Laran Dili hodi simu Sua Exelénsia Sr. Ralf Beste, hanesan Embaixadór Estraordináriu no Plenipotensiáriu foun Repúblika Federál Alemaña nian hanesan Embaixadór foun ba Repúblika Demokrátika Timor-Leste (RDTL) nian.

Tuir informasaun ne'ebé Média Relação Informação Pública FALINTIL-FDTL asesu katak Prezidente no Laureadu Nobel ba Pás, J. Ramos-Horta, ofisialmente simu Karta Kredensiál husi Sua Exelénsia Sr. Ralf Beste, Embaixadór Estraordináriu no Plenipotensiáriu foun Repúblika Federál Alemaña nian ba Repúblika Demokrátika Timor-Leste ho nune'e Serimónia kredensial ne’e hala’o iha Palásiu Prezidensiál Nicolau Lobato Aitarak laran Dili.

Ekipa Média F-FDTL

Sold.Boni Mendonça & Sold.Oliveira

Kuartel Jenerál, 26 Fevereiru 2025

Xefe Estadu Maior Jenerál FALINTIL-Forsa Defeza Timor-Leste Tenente Jenerál Falur Rate Laek ohin asina Memorandum of Understanding (MoU) ho International Committee of the Red Cross (ICRC) iha kna’ar fatin Kuartel Jenerál, Fatuhada, Dili.

Iha intervista Xefe Estadu stadu Maior Jenerál F-FDTL Tenente Jenerál Falur Rate Laek hateten, asina akordu ida ne’e hanesan pasu importante ida entre Forsas Armadas ho Internationál Committee of The Red Cross (ICRC) halo kooperasaun ho Forsas Armadas atu halo preparasaun bá  Militár sira iha treinamentu oioin hanesan direitus umanus.

“Normalmente Militár sira kuandu halo asaun ruma iha terrenu ne’e sempre viola direitus umanus barak aleinde ne’e uluk iha funu libertasaun nasionál ita nia arma de combate maka direitus umanus, ne’ebé ohin iha ne’e ha’u ko’alia dehan katak relasaun  F-FFDTL  ho Cruz Vermelha Internasional ne’e la’os foin mak hahú, maibé hahú kedas iha tempu difisil nia laran, ne’ebé ida ne’e  hanesan pasu importante ida bá funu libertasaun nasionál, tamba sira fó apoiu umanitaria fó mós dadus kona-bá violasaun direitus umanus bá mundu tomak, ne’ebé siensibilizaun halo opiniaun públiku internasionál, mai realiza ita nia referendum iha tinan 2002”.

Iha fatin hanesan Head of Deputy-Regional Delegation Internasional Committee of the Red Cross (ICRC) Indonésia & Timor-Leste Johan Guillaume hateten, lori Crus Vermelha nia naran hakarak fó bemvindu bá ita hotu iha fatin ida ne’e, Crus Vermelha ho FALINTIL-FDTL servisu hamutuk iha tempu naruk ona oinsá ita foka liubá   hasa’e koñesimentu liliu bá semináriu ka worshop lei umanitáriu internasionál sira, no crus vermelha internasionál nia komitmentu atu halo parseru  no servisu hamutuk nafatin ho instituisaun F-FDTL liliu iha área ne’ebé mak temi ona hanesan lei umanitária internasionál sira.

“Ohin asina ne’e oinsá atu kontinua de’it extensaun servisu ne’ebé maka ita halo ona hamutuk ho F-FDTL, entaun nia objetivu maka oinsá atu hasa’e koñesimentu liu husi formasaun sira bá membru F-FDTL kona-bá lei umanitáriu internasionál iha tempu paz no konflitu nia laran”.

Média F-FDTL.