Lautem 24 Jullu 2025

(Média-F-FDTL) Kinta-Feira ne'e Komandu FALINTIL-Forsa Defeza Timor-Leste (F-FDTL) liu husi Xefe Divizaun Operasaun (D3), Koronel João da Costa Steves ho nia Ekipa no Ekipa ida Husi Ministéiro Defesa (MD) hala'o enkontru ho Reprezenta Prezidente PAM Lautem, Sr. Francisco dos Santos atuál hanesan Sekretário Munisipal Administrasaun Finansas Nu'udar Prezidente Komisaun organizadór ho nia Estrutura iha Salaun Autoriedade Munisípiu Lautem.

Objetivu husi enkontru ne'e parte ida mós halo kordenasaun ho autoridade Munisípiu Lautem hodi halo preparasaun ba loron selebrasaun Ezisténsia FALINTIL, 20 Agostu ba Dala-50 iha Munisípiu Lautem

Tuir Orariu Selebrasaun ba loron Ezisténsia FALINTIL 20 Agostu ba dala-50 ne'ebé selebra iha Munisípiu Lautem sei monu ih dia 14 ou 15 Agostu tinan ne'e, hanesan mós Munisípiu Baucau no Munisípiu Ainaro.

selebrasaun Ezisténsia loron FALINTIL iha tinan ne'e sei selebra iha Munisípiu lima mak hanesan Lautem, Baucau, Ainaro, Bobonaro, Aileu no iha loron 20 Agosto sei Selebra iha Tasi Tolu Dili Timor-Leste.

Partisipa iha Enkontru ne'e mak hanesan Xefe Divizaun Operasaun (D3), Koronel João da Costa Steves ho Ekipa ida husi Ministériu Defeza (MD), Reprezentante Prezidente PAM Lautem Sr. Francisco dos Santos, Reprezenta Konsellu Munisipal Kombatentes Libertasaun Nasionál Sr. Fini Ponta Leste, Komandante Polísia Nasionál Timor-Leste (PNTL) Munisípiu Lautem, Sr. João da Costa inklui mós Autoriedade Lokál Munisípiu Lautem nian.

Média F-FDTL

J'Silva.

Ainaro 23 Jullu 2025

Komandu FALINTIL-Forsa Defeza Timor-Leste (F-FDTL) liu husi Xefe Protokolu FALINTIL-FDTL Kapitaun Enjinaria José Antonio Nunes da Costa, hamutuk ho Diretora Rekursu Humanu Ministériu Defeza Sra. Maria Kolomia Coelho Manek de Oliveira, ho ekipa hala'o enkontru ho Prezidente Autoridade Munisípiu Ainaro Sra. Manuela Georgina Carmo Bucar Corte-Real ho nia Estrutura iha Salaun Enkontru Autoridade Munisípiu Ainaro.

Enkontru ne'e realija tamba Relasiona ho Selebrasaun loron kriasaun FALINTIL nian bá Dala-50, ne'ebé maka tuir planu komandu nian sei realija mós iha Munisípiu Ainaro.

Objetivu husi enkontru ne'e parte ida mós halo kordenasaun ho autoriedade Munisípiu hodi halo preparasaun bá selebrasaun Ezisténsia loron Aniversáriu FALINTIL nian.

Tuir Orariu Selebrasaun bá loron Ezisténsia FALINTIL nian 20 Agostu bá dala-50 ne'e sei selebra mós iha Munisípiu Ainaro, ne'ebé realija iha dia 14 ou 15 Agostu tinan ne'e, tinan ne'e selebrasaun loron Aniversáriu FALINTIL nian Selebra iha Munisípiu 5 hanesan, Lautem, Baucau, Ainaro, Bobonaro, Aileu no iha 20 Agostu sei Selebra iha Tasi Tolu, Dili.

Partisipa iha Enkontru kordenasaun ne'e mak hanesan Xefe Protokolu FALINTIL-FDTL ho nia Ekipa, Reprejentante Ministériu Defeza maka Diretora Rekursu Humanos Sra. Maria Kolomia Coelho Manek de Oliveira, Prezidente Autoridade Munisípiu Ainaro ho nia estrutura, Presidente Interino Conselho Veteranos Munisípiu Ainaro, Liña Ministeriais ne'ebé destakadu iha Munisípiu Ainaro, Komandante PNTL Munisípiu Ainaro inklui mós Autoridade Lokal sira.

Ekipa Média F-FDTL

Evaristo das Dores

Kuartel Jenerál, 07 Abríl 2025

Komandu FALINTIL-Forsa Defeza Timor-Leste (F-FDTL) ho funsionariu Ministériu Defeza ohin realija serimónia hasa’e bandeira Nasionál bá semana dahuluk fulan Abríl tinan 2025.

Iha serimónia hasa’e bandeira Nasionál ne’e prezide husi Sra. Josefa dos Reis Gonsalves nu’udar Inspetora Jerál Ministériu Defeza maka sai hanesan inspetora bá serimónia refere.

Serimónia ne’e hala’o iha resintu Kuartel Jenerál no Ministériu Defeza, Fatuhada, Dili.

Média F-FDTL