Ainaro, 29 Setembru 2025

Komandu FALINTIL- Forsa Defesa Timor-Leste (F-FDTL) liu husi Ekipa rekunesimentu halo Enkontru ho Prezidente Autoridade Munisípiu Ainaro Relasiona ho Ezersísiu COBRA 25 ne'ebé Sei Hala'o Iha Tempu Badak.

Prezidente Autoridade Munisípiu Ainaro Sra. Manuela Georgina Carmo Bukar Corte Real iha enkontru hatete, prontu koopera ho F-FDTL no sei informa bá Autoridade Postu no suku nune'e bele fó susesu bá Ezersísiu COBRA 2025 ne'ebé sei hala'o iha fulan Outubro loron 13 to'o 25 tinan ne'e.

Ekipa Rekuñesimentu Lidera husi Koronel João da Costa Esteves, liu tiha enkontru ho Prezidente Autoridade Munisípiu Ainaro kontinua kedas vizita fatin ne'ebé planeia ona atu realiza Ezersísiu COBRA 25 nune'e identifika situasaun iha terenu molok Ezersísiu refere hala'o.

Media F-FDTL

Alferes Gilberto

Gleno, 7-10 Outobru 2025

Komandu FALINTIL-Forsa Defesa Timor-Leste (F-FDTL) liu husi Xefe Dirasaun Saúde Militár Coronel Guido Oliveira, Xefe Seksaun Jéneru Kapitão Marquita da Cunha hamutuk ho Ekipa Divisaun Pessoal, Justisa, hala’o sensibilizasaun bá militár sira iha posto Destakadu Gleno ho Tema Liu husi konsiensia bá asaun promove igualdade Jéneru Haforsa Étika no Responsabilidade Durante Loron ha'at (4).

Iha Fatin Hanesan Komandante 1° Bataliaun Tenente Koronel Helio Filipe Dias Quintas hateten " Nia agradese tebes bá Ekipa ne'ebé tuir ita mai iha posto Hodi sensibiliza no esplika buat balu mai ita, liuliu ba ita sira ne'ebé destaka iha postu sente la mesak, tanba iha Postu sira ne'e Difikuldade barak, no Nia husu bá membru militár sira hotu kuidado an nafatin tanba ne maka agora ne moras mak aseita ba ema hotu hotu,

no risku mos barak, liuliu dok husi Familia, risku ba ilegal, risku bá moras no seluk tan, no husu bá Ofisiais, sarjentos, ho prasas sira ne'ebé mak partisipa iha sensibilizasaun ida ne'e tenke atentu masimu lahatene karik husu no labele mai partisipa de'it, ne Hanesan oportunidade diak ida mai ita,

Atividade ne'e Hala'o baseia ba Planu asaun Nasionál Resolusaun Konsellu Seguransa Nasoens Unidas 1325 iha pilar prevensaun Komando nian,Topiku sira nebe’e partilha liga liu ba PAN 1315,Prevensaun Violensia Baseia ba Jéneru no assuntu sira nebe’e ligadu liu Familia,Carreira,Saúde,no esklarese Lei sira iha Atividade Ilegais.

Iha Programa ne'e hetan apoiu husi ita nia parseiru sira hanesan, MI, SEI, no NGO sira, no iha Tinan ne'e Programa refere realiza baseia bá matrix Anual Seksaun igualdade Jéneru hodi halo sensibilizasaun ba militár ho materia sira hanesan :

1. planu asaun Nasionál 1325 kona ba feto paz no seguransa e prevensaun Violensia Baseia ba Jéneru husi Seksaun Jéneru F-FDTL.

2. Esklarese kona ba hahalok sira nebe’e maka implika ba sira nia karreira fasilita husi parte Justisa e Disiplina.

3. Prevensaun ba moras Hada'et HIV SIDA,Planeamentu Familia, Depresaun, no PTSD (Post Traumatic Stress Discorder) fasilita husi Diresaun Saude Militár.

4. Progresaun Karreira direito no deveres sira Nomós jestaun Finanseira Fasilita husi Divisaun Pessoal.

Tuir Atividade refere sei halao iha Kuartel Jeneral, Komponente no Unidade sira htu,inklui Posto Destakadu sira hotu iha teritorio Nasionál.

Média F-FDTL 

 Nhoy Borges

Kuartel Jenerál, 22 Dezembru 2025

Embaixadór Japaun bá Timor-Leste, Kimura Tetsuya hato'o depedida ikus bá Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek iha kna'ar fatin Kuartel Jenerál F-FDTL Fatuhada, Dili.

Tamba Embaixadór Kimura Tetsuya remata ona nia misaun diplomátiku nu'udar Embaixadór Japau bá Timor-Leste.

Objetivu husi despedida ne'e maka hodi espresa gratidaun bá Kooperasaun liuliu iha área defesa nian entre Forsas Armadas Timor-Leste ho Japaun no reforsa nafatin komprimisiu kontinua Japaun nian bá dezenvolvimentu Timor-Leste.

Media F-FDTL

Alferes Pio Belo Ximenes

Kuartel Jenerál 15 Dezembru 2025 

Xefe Estadu Maior FALINTIL-Forsa Defeza Timor-Leste (F-FDTL) Brigadeiro Jenerál José da Costa Soares "TRIX"" observa direta konstrusaun Edifísiu bá servisu Logistíka nian iha Kuartel Jenerál Kotuk.

Konstrusaun edifísiu refere ho medida 12×6 konstrui husi kompaña Enjeñaria F-FDTL nian, konstrusaun ne'e hahú iha fulan Setembru dadaun ne'e servisu kontinua la'o to ona iha Faze Cor nian.

Ekipa Média F-FDTL

J.Silva & Boni Mendonça