Kuartel Jenerál, 25 Janeiru 2026

Komando F-FDTL liu husi Adjuntu Xefe Estadu Maior F-FDTL Koronel Tirusinado Mario Baptista "BERSAMA" akompaña mós husi Koordenador komisaun organizador 02 Fevereiru Koronel João da Costa Esteves Ensera jogu kompetisaun modalidade futsal ne'ebé realiza hodi selebra loron transformasaun FALINTIL ba F-FDTL ba dala-25.

Jogu refere 1° lugar husi Ekipa mane CT no 2° lugar husi UF no 3° husi Ekipa Naval B. Jogu ne'e realiza iha kampu futsal kuartel jenerál Fatuhada Dili.

Media F-FDTL

Carceres

Brisbane, 11 Outubru 2025

Jogu entre Ekipa Mane FALINTIL-Forsa Defeza Timor-Leste (F-FDTL) ho Forsas Armadas Austrália husi Segundo Divijaun ne'e Ekipa F-FDTL manan ho skore 3-0, Jogu amizade ne'e hala'o iha Kampo Militár Forsas Armadas Austrália nian iha Brisbane.

Iha Jogu primeira parte durante 45 minutu Ekipa rua konsege impata ho skore 0-0, no tama iha segunda parte husi Ekipa F-FDTL konsege hatama golu ida iha minutu 48, tuir fali hatama tan golu ida iha minutu 60, no tama iha minutu 65 Ekipa F-FDTL konsege marka tan golu ida no Hamutuk 3-0 no Marka husi Jogador número 10, ho naran Diogo G.Soares.

Entretantu Ekipa husi FALINTIL-Forsa Defeza Timor-Leste (F-FDTL) xefia husi Tenente Koronel Abel da Costa Xavier "NIKI" atual hanesan Komandante Unidade FALINTIL.

Media F-FDTL

Izidor Lopes

(Média F-FDTL), Ekipa Marsa Forsada ba komemorasaun Loron FALINTIL ba Dala-50 ne'ebé Komanda husi Kapitaun Germano Nesta Soares Kompostu husi FALINTIL-Forsa Defesa Timor-Leste (F-FDTL) Menus Pelutaun ida no Estudante Hadomi Natureza (ESHANA-UNTL) hamutuk nain 25 la'o hahú husi Balibo iha loron 10/08/2025 no termina iha loron 20 Agostu 2025 hodi komemora loron 50 Ezisténsia FALINTIL nian ba Dala-50 iha Tasi Tolu Dili.

Hafoin sai husi Balibo Deskansa ihaTunubibi no dader sai husi Tunubibi kontinua liu ba Maliana vila Bobonaru/ Hauba, Colimau, Atara no Deskansa iha Atsabe Malimea.

Hafoin Deskansa iha Suku Malimea iha ekipa Marsa Forsda mós Loke Filmagen tempu rezisténsia nian ba komunidade suku Malimea.

Marsa la'o ain ba loron tolu nian Ekipa sai husi Malimea Atsabe iha loron Quarta-Feira,12/08/2025 lao to ona iha Atsabe Vila iha oras 11:25 Meudia Otl simu direta husi Veteranus, Autoridade Lokál no Povu Atsabe.

Marsa Forsada hala'o ba loron tolu ona nune'e tuir orariu Ekipa sei Deskansa iha atsabe no iha loron Quinta-feira Ekipa Marsa Forsada ne'e sei kontinua liu ba iha Postu Letefoho Munisípiu Ermera.

Marsa forsada ne'e hahú husi Balibo-tunubibi Maliana, Bobonaru vila/Hauba, Colimau Atara Atsabe Ermera, Letefoho, Glenu, Railaku,Tibar,Tasi tolu Dili.

Ekipa Média F-FDTL

Boni Mendonça