Kuartél-Jenerál,08 Janeiru 2026

Xefe Estadu Maiór Jenerál FALINTIL-Forsa Defesa Timor-Leste (F-FDTL) Tenente Jenerál Domingos Raúl Falur Rate Laek, Partisipa iha reuniaun estratéjiku ho estrutura Ezekutivu Asosiasaun Médiku Timor-Leste bá Estabelesimentu Kooperasaun Institusionál.

Nota Informativa ida-ne'e ho objetivu atu esplika objetivu sira, enkuadramentu estratéjiku no estrutura reuniaun nian ne'ebé iha ona ajenda ho Estrutura Ezekutivu Asosiasaun Médiku Timor-Leste (AMTL). Enkontru ida ne'e importante tebes ba kapitál atu fortalese kapasidade operasionál no asisténsia Saude Militár F-FDTL nian, tuir imperativu modernizasaun no apoiu sosiál ba ita nia Forsas Armadas sira.

Parseria ho AMTL, nu'udar entidade reprezentativa ida husi klase médiku nasionál, ne'ebé oferese oportunidade ida ba kualifikasaun servisu sira ne'ebé presta ona iha Klinika Militár Metinaro no projesaun F-FDTL hamutuk ho komunidade liuhusi Kooperasaun Sivil Militár.

Iha enkontru refere hetan partisipa husi Xefe Estadu Maiór F-FDTL, Xefe Gabinete CEMGFA, Xefe Gabinete V-CEMGFA, Xefe Dirasaun Saúde Militár, Xefe Divisaun Operasaun, Reprezentante Divisaun Planeamentu, Reprezentante Xefe Gabinete Apoiu Sosial, Reprezentante Xefe Seksaun CIMIC.

Média F-FDTL

Nhoy Borges

Tibar-Portu Dili 30 Juñu 2025

(Média F-FDTL) Chefe Estado Maior General das Força Armadas (CEMGFA) Hanesan Mos Autoridade Maritìma Nasionál (AMN) Tenente General Domingos Raúl "Falur Rate Laek" hamutuk ho Ministru Defeza, Kontra-Almirante Donaciano do Rosário Costa Gomes Ph.D "Pedro Klamar Fuik" partisipa iha Serimónia Tomada de posse ba Emposado Nain rua hanesan Kapitaun Tenente Raul Vicente S. Correia Asumi Kargu nu'udar Kapitaun Portu Dili no 1° Tenente Manuel Guterres Soares Kargu nu'udar Adjuntu Kapitaun Portu Dili.

"Ho onra no satisfasaun bo’ot mak ha'u dirije ba ita-bo’ot sira hotu iha momentu signifikativu ida-ne'e ba Autoridade Marítima Nasionál no ba kontrolu ita-nia tasi iha ámbitu juridisaun nasionál. Ohin ita selebra tomada de posse ba Kapitaun Portu nian no nia Adjuntu, profisionál na' in rua ne'ebé sei sai fundamentál iha jestaun no fiskalizasaun ba ita-nia atividade marítima" Diskursu CEMGFA  iha Portu Dili Tibar Segunda-Feira, 30/06/2025 ne'e.

"Ba dirijente foun sira, Kapitaun Portu no Adjuntu, ha'u dezeja katak ita bo’ot sira hala'o kna'ar ho integridade, dedikasaun no espíritu servisu ba públiku. Ami hotu Garante iha ita-bo’ot sira atu hasoru dezafiu sira ne'ebé bele mosu no atu halo inovasaun hodi buka solusaun sira ne'ebé fó benefisiu la'ós de'it ba setór marítimu, maibé mós ba ita-nia populasaun" CEMGFA ne'e Informa.

CEMGFA ne'e haktuir tan katak  nu'udar Autoridade Marítima Nasionál (AMN), apoiu no  esforsu iha konviksaun katak, ho lideransa vizionáriu no kolaborasaun husi parte interesada sira hotu, ita sei bele alkansa patamar foun iha jestaun marítima Timor-Leste nian.

"Atribuisaun no kompeténsia sira neʼebé bo’ot no área jurizdisaun neʼebé luan impoin nesesidade ba ekipamentu, meios, kooperasaun no kolaborasaun interinstitusionál entre liña ministeriál sira hotu ne'ebé forma Sistema Autoridade Marítima Nasionál, hodi bele identifika komplementariedade no halibur sinerjia, nune'e garante defeza ita nia tasi ba bem públiku neʼebé sai ita-nia identidade no ita-nia fonte sobrevivénsia" Haktuir CEMGFA.

iha Parte seluk mos Tenente Jenerál husu atu  servisu públiku ida ne'ebé efetivu, efisiente no ho kualidade iha termu inspesaun, polisiamentu no seguransa navegasaun nian ba ema no sasán sira hotu, tuir koñesimentu no responsabilidade.

Partisipa iha Serimonia ne'e CEMGFA Tenente Jenerál Falur Rate Laek, Ministru Defeza, Kontra-Almirante Donaciano do Rosário Costa Gomes Ph.D "Pedro Klamar Fuik" Membrus Governu ne'ebé halo parte iha Sistema AMN reprezentante,Tenente Jenerál Reformadu Lere Anan Timur, Diretor Autoridade Marítima (DAM), Atual Comandante CN Komodoru Higino das Neves, Comandante CAL, Autoridade Munisipál Liquiçá, Adidus Defeza no Asesór Internasionál sira, Xefe Gabiente sira, Prezidente Institutu Públiku, Diretór Jerál sira, Diretór Nasionál, pontu fokál, liña ministeriál sira no mós Komandantes husi PNTL no F-FDTL sira.

Ekipa Média F-FDTL

(Média F-FDTL) Chefe Estado Maior General Forsas Armadas (CEMGFA) (Sigla Português) Partisipa iha Serimónia Tomada de Posse ba Konsellu Administrativu foun, ne'ebé realiza iha Auditóriu Instituto Defesa Nacional (IDN), iha Palásiu Governo, Tersa-Feira 23/06/2025 ne'e.

iha Serimónia refere ofisialmente fo posse husi Ministru Defeza (MD), Kontra-Almirante Donaciano Costa Gomes Ph.D "Pedro Klamar Fuik", ba Konsellu Administrativu Foun hanesan Dr. Nuno Corvelo Sarmento Nu'udar Diretór Interinu IDN, Dra. Josefa dos Reis Gonçalves asumi kargu nu'udar Diretóra Jerál Jestaun no Rekursu no Kapitaun Fragata Graduadu Nicolau Sousa Guterres nu'udar Diretór Ensinu Formasaun, hodi Subtitui Konsellu Administrativu Sesante Dr. Guilherme de Jesus da Costa Soares no Kapitaun Fragata Duarte Borges Loe.

Serimonia Refere bazeia mós ba determinasaun no Vizaun estratéjika husi Ministériu Defeza atu reforsa kapasidade IDN no kontinuidade lideransa iha Institutu defeza nasionál nune'e Tomada de pose ne'e mós reflete ona kompromisu forte ba inovasaun, revitalizasaun, no fortalesimentu institusionál IDN ba tempu oin.

Nune'e mós Membru Governu Da-9 ne'e husu lideransa foun ne'ebé asumi kna'ar foun husu atu responsabiliza hodi implementa polítika edukasaun defeza, investigasaun Sientífika no promosaun kooperasaun institusional, nune'e reforsa mós papel IDN hanesan sentru estratéjiku edukasaun seguransa no defeza nian iha Timor-Leste.

Hafoin Serimónia ne'e remata Ministru Defeza, Akompaña mós husi Xefi Estadu Maior Jenerál F-FDTL entrega sertifikadu rekoñesimentu ba Diretór Interinu sesante Dr. Guilherme de Jesus da Costa Soares no mós Kapitaun Fragata Duarte Borges Loe nu'udar onra ida ba kontribuisaun sira Durante asume pozisaun iha IDN.

Iha serimónia ofisiál ne'e, marka prezensa husi Ministru Defeza, Kontra-Almirante Donaciano Costa Gomes Ph.D "Pedro Klamar Fuik", Xefi Estadu Maior Jenerál F-FDTL, Tenente-Jenerál Domingos Raúl "Falur Rate Laek" Ofisiais Superiores husi F-FDTL, Ofisiais husi PNTL, Prezidente Komisaun Funsaun Públika Dr. Agostinho Letêncio de Deus no mós asesór, jestór no funsionáriu sira hotu husi IDN, seguransa no Defeza inklui mós Funsaun Públika.

Ekipa Média F-FDTL

Dili 20 Agostu 2025

(Média F-FDTL), Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál Domingos Raúl “Falur Rate Laek” sai oradór iha Semináriu Internasionál ho tema Defeza Nasionál hodi estabelese ensinu superior Militár iha futuru.

iha Seminâriu ne'e Xefi Estadu Maior Jenerál F-FDTL ne'e agradese ba partisipante sira no mós Sub-Xefi Estadu maior Jenerál Forsa Armada Portugal ho disponibilidade tomak hodi partsipa iha semináriu ne'e.

“Ha'u kontente partisipa iha semináriu Internasionál ne'e sobre ensinu superior iha Timor-Leste, ne'ebé hetan konvida husi Ministru Defeza, ha'u hakarak hato'o ha'u nia saudasaun ba partisipante sira hotu espesiál ba Sub-Xefe Estadu Maiór Jenerál Forsa Armanda Portugal no konvidadu sira hotu,” Hateten Tanente Jenerál.

Nia hatutan, hafoin Timor-Leste hetan nia independénsia, la’ós fásil atu muda forsa gerilla ida ba forsa kondisionál no profisionál la fasil Maske nune’e iha antigu kombatente libertasaun nasionál halo iha momentu liu bá.

“ FALINTIL konsege restaura seguransa nasionál hafoin ne’e kulmina iha proklamasaun unilaterál iha loron 28 fulan-novembru tinan 1975 no hahú husi ne’ebá FALINTIL nafatin kumpri komandu hodi luta ba libertasaun Nasionál to hetan nia independensia” Hakotu Eis Fununu na'in ne'e.

Ekipa Média F-FDTL