‎Indonésia, 5 Maiu 2025

‎

‎FALINTIL-Forsa Defeza Timor-Leste (F-FDTL), liu husi Adidu Defeza Koronél Manuel Freitas "MAUBUTI", akompaña husi nia Adjuntu Tenente Koronél Graduadu José Pinto hala'o vizita bá kadete RDTL, Sersan Taruna, Expery Jezinho Gomes Raúl iha Akadémia Aéreo (Akmil AU TNI), iha Regiaun Espesiál Jogjakarta, Indonésia.

‎

‎Objetivu husi vizita ne'e maka atu hasoru, rona rasik kadete nia progresu husi diresaun akadémia Aéreo nian ne'ebé fó hela formasaun.

‎

‎Vizita ida ne'e bazeia bá programa anuál nian, hodi relata bá Ministériu Defeza RDTL e Komandu FALINTIL- FDTL iha Dili.

‎

‎Durante vizita iha akadémia TNI AU , Jogja, Indonésia simu direita husi nia Governadór Akadémia Marsda TNI Purwoko Aji ho Vise nomós komandante Regimentu Kadete.

‎

‎Parte seluk akadémia TNI AU kontenti ho desempeñu kadete RDTL Expery nia iha parte Fiziku di'ak, no nia mós Trez primeiros iha nia Turma.

‎

‎Kadete RDTL Expery mós sei gradua iha tinan 2026 ( 3 Anos). Bazeia bá Curiculo akadémia TNI ne'ebé foun.

‎

‎Iha vizita ne'e lao ho di'ak nakonu ho atmosfera calorosa de amizade.

‎

‎ Fontes Adjunto Adidu Defeza TL iha Indonésia, TCor Grad Jose Pinto

‎

‎Média F-FDTL

 Dili, 20 Marsu 2025

 Ami Família Militár (AFAMA) sai vensedor bá iha aktividade dada tali ne'ebé hala'o iha Sentru Formasaun Polisia Nasionál Timor-Leste Comoro, atividade dada tali ne'e hodi komemora loron existensia Aniversáriu PNTL nian bá dala XXV ne'ebé mak sei selebra iha loron 27 fulan Marsu Tinan 2025.

 Kompetisaun dada tali husi ekipa feto AFAMA maka sai manan dahuluk no manan daruak husi Asosiasaun Feto Munisípiu Dili no datoluk husi AESPNTL.

 Média F-FDTL

Dili, 18 jullu 2025

Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Falur Rate Laek, reprezenta husi Xefe Gabinete CEMGFA, Koronél Marcelino Ximenes “RIZAI”, abertura ba semináriu ho tema Ai-laran nu’udar Uma, Ai-laran nu'udar Esperansa, Sobrevivénsia iha Tempu Funu" ne’ebé hala’o iha iha Auditóriu Ciensia Sociais, UNTL Caicoli Dili.

Iha Abertura refere Koronel Rizai hatete ESHANA mak fatin ida ne’ebé fó hanoin imi, eduka imi hadomi natureza, aprende iha ne’e atu aprende sai servi na’in ba ita nia natureza no bemvindu ba estudante foun sira bele mai integra aan iha ESHANA UNTL nian. Mai aprende iha ne’e, fila fali ba komunidade nia leet, bele fahe imi nia esperiénsia saida mak aprende ona oinsa bele kuida Ita Nia natureza

"Ai-laran nu udar Uma, Ai-laran sira ne'ebé hale'u gerilleiru FALINTIL Sira la'ós de'it paisajen maibé mós abrigu. Iha momentu nakukun, bainhira kilat tarutu no hamlaha. vejetasaun no ai-hun boot sira oferese seguransa no protesaun ba gerilleiru FALINTIL. Rai-udan nia iis, ai nia mahon, no manu sira-nia lian sai parte ida" tenik Koronel ba Partisipante Sira iha Auditoriu FCS/UNTL (18/07)

Koronel Rizai salienta Tan katak Ai-laran sira la'ós de'it fo abrigu ba ami, maibé mós fó hanoin mai ami kona-bá saida maka ami luta duni atu proteje. Ai-hun ida-idak ne'ebé tahan anin-boot sira no abut ida idak ne'ebé klean iha rai inspira ami atu persiste, atu kontinua iha ami nia luta ba liberdade sobrevivénsia iha tempu funu nian, Atu moris iha ai-laran durante funu presiza abilidade no matenek. Ha'u aprende atu rona ba natureza anin nia lian, animál oioin nia komportamentu no lian no komprende sira-nia signifikadu.

Reflesaun Finál, Bainhira haree fali ba kotuk, relembra fali katak ai-laran la'os de'it fatin fiziku ida ne'ebé ema buka hodi refujiu, maibé sentimentu pertensa hodi prezerva ita-nia natureza, nune'e husu atu ita hotu kria relasaun ho natureza atu sai nafatin nu'udar Uma , Ponte esperansa ba Ita hotu.

Média F-FDTL.