Kuartel Jenerál, 21 Abril 2026

Komandu FALINTIL-Forsa Defeza Timor-Leste (F-FDTL) liuhosi Xefe Estadu Maior Jenerál F-FDTL Tenente Jenerál Falur Rate Laek, ohin simu vizita kortezia husi Adjunto Adido Defeza Tentara Nasionál Indonésia (TNI) Mayor Marinir Dwi Martono, iha Kuartel Jenerál F-FDTL, Fatuhada, Dili.

Sorumutu ne’e realiza atu halo despedida, tanba mandatu Mayor Marinir Dwi Martono nian iha Timor-Leste remata ona.

Iha okaziaun ne’e mós, nia aproveita tempu atu introdus ofisiál foun ne’ebé sei kontinua kna'ar nu’udar Adjunto Adido Defeza iha Timor-Leste maka Mayor Laut (P) Muhammad Alfa Desdiano Kusuma.

Durante enkontru ne’e, parte rua diskuti kona-bá relasaun kooperasaun Teknika Militár entre Timor-Leste no Indonézia, ne’ebé durante ne’e la'o di’ak no kontribui bá estabilidade no dame iha rejiaun.

Tenente Jenerál Falur Rate Laek mós hato’o apresiasaun bá kontribuisaun ne’ebé Mayor Marinir Dwi Martono halo durante nia servisu, nomós reprezentante foun.

Vizita ne’e refleta kompromisu kontinua husi Nasaun rua nian atu hametin relasaun defeza no kooperasaun bilateral iha futuru.

Media F-FDTL

Sargento Carceres

Kuartel Jenerál, 30 Abril 2026

Adjunto Xefe Estadu Maior F-FDTL Koronel Tirosionado Mario Baptista Bersama, ohin halo enseramentu ofisial bá kursu formasaun Sistema Informasaun Geográfika (GIS) – ArcGIS Pro Básiku, iha salaun auditoriu Kuartel Jenerál F-FDTL, Fatuhada, Dili.

Iha Diskursu Adjunto Xefe Estadu Maior F-FDTL Koronel Tirosionado Mario Baptista Bersama hateten, formasaun ida ne’e importante tebes bá iha komandu F-FDTL, ita atu dezenvolve hola parte mós hasa’e ita nia konesimentu liliu iha mapamentu ninian no bele fasilita ita nia Militár sira bele produs mapa ida ne’ebé maka bele dehan katak mais modernu no atualijadu, nune’e bele ona kapasita ita nia membru sira husi Komponente no Unidade, bá futuru ita iha rekursu ne’ebé maka ita bele dehan katak sufisiente, bá oin ita mós sei hanoin, hanesan ohin formandus sira hato’o ona futuru ita sei loke tan formasaun avansadu ne’ebé ho durasaun naruk, hau hanoin ida ne’e nesesariu tebes bá komandu F-FDTL.

Alende ne’e nia mós husu bá formandus sira ne’ebé mak ohin simu sertifikadu liliu bá ofisiais, sargenton no prasas sira atu kontinua aprende nafatin iha futuru.

“ Bá imi formandus sira hau husu, formasaun ida ne’e importante bá imi, labele haluha ne’e hanesan abilidade ida bá ita bo’ot sira, kontinua estuda nafatin, buat ida estuda ne’e la hotu bá ita, ne’e hola parte hanesan siensia Militár, ne’ebé ita estuda to'o nivel ida ne’ebé mak ita atinje, tamba agora teknolojia ne’e sempre iha mudansa, tamba ne’e mak imi Militár sira tenke buka no aprende atualija nafatin imi nia konesimentu entermus siensia Militár nian.

Entertantu formasaun ida ne'e nia finalidade maka atu hasa'e kapasidade formandos sira iha utilizasaun aplikasaun ArcGIS Pro, hodi halo análise, jere dadus espaciais no produz mapa topográfiku Militár nian, formasaun ne'e hala'o durante loron sanulu resin ha’at (14) kompostu husi Komponente nomós Unidade sira iha F-FDTL.

Media F-FDTL

Izidor Lopes

Kuartel Jenerál, 28 Maiu 2026

Xefe Estadu Maior Jenerál F-FDTL Tenente Jenerál Falur Rate Laek akompaña husi Xefe Estadu Maior F-FDTL Brigadeiro Jenerál José da Costa Soares "Trix" partisipa iha eventu ida ne'ebé organiza husi AFAMA sira kona ba kompetisaun tein hahan tradisional sira hodi komemora loron AFAMA nian ba Dala-14.

Iha kompetisaun kulinaria ne'e sai vensedor primeiru maka AFAMA husi Komponente Terrestre, Vensedor Segundu AFAMA husi Polisia Militár no Vensedor Terseiru maka Komponente Aéro.

Iha kompetisaun kona ba tein hahan tradisional ne'e realiza iha refertoriu Kuartél Jenerál iha ne'ebé partisipa direta husi Xefe Estadu Maior Jenerál F-FDTL Tenente Jenerál Falur Rate Laek, Xefe Estadu Maior F-FDTL Brigadeiro Jenerál José da Costa Soares "Trix", Komadante Komponente Naval Comodoro Higino das Neves "Superman", Xefe Gabinete Xefe Estadu Maior Jenerál F-FDTL Koronel Marcelino Ximenes "Rizai", Adjunto Xefe Estadu Maior F-FDTL Koronel Tirosinado Mario Baptista "Bersama", Komandante Komponente Terrestre, Komandante Komponente Aéro, Kompadante Uiidades sira inklui mós Ofisiais Superiores F-FDTL sira.

Ekipa,Média F-FDTL

 Dili, 20 Marsu 2025

 Ami Família Militár (AFAMA) sai vensedor bá iha aktividade dada tali ne'ebé hala'o iha Sentru Formasaun Polisia Nasionál Timor-Leste Comoro, atividade dada tali ne'e hodi komemora loron existensia Aniversáriu PNTL nian bá dala XXV ne'ebé mak sei selebra iha loron 27 fulan Marsu Tinan 2025.

 Kompetisaun dada tali husi ekipa feto AFAMA maka sai manan dahuluk no manan daruak husi Asosiasaun Feto Munisípiu Dili no datoluk husi AESPNTL.

 Média F-FDTL