Notisia Foun
Componente Força Naval Simu Vizita Adido Defeza Husi Turki
09 abr.
UN Women Ho F-FDTL  Sensibiliza Ba Militar CT Kona-ba Paz no Seguransa
09 abr.
Komandante Postu Sikone Aprezenta Relatoriu Servisu Ba Xefe Estadu Maior F-FDTL
08 abr.
Xefe Estadu Maior F-FDTL ho delegasaun halo Vizita servisu iha RAEOA
08 abr.
XEM F-FDTL Vizita Postu Destakadu Fuzileirus Iha Oebau
07 abr.
Aprejentasaun Kona-Bá Regulamento Disiplina Militár F-FDTL
07 abr.
Divizaun Pessoal F-FDTL Ho INSS Kontinua Sosializa Lei Seguransa Sosial Ba Militár Sira Iha Postu Mausaur Ataúro
02 abr.
Xefe Estadu Maior Jenerál F-FDTL Simu Vizita Husi Major Jenerál Guarda Nasionál Rhode Island Estadus Unidus Amérika
01 abr.
Instituisaun Nasional Seguransa Sosial (INSS) Halo Sosializasaun Baze Naval Hera
31 mar.
Componente Força Naval Halo Formatura Geral Ba Semana Ikus Fulan Marsu
31 mar.
Xefe Estadu Maior Jenerál F-FDTL Partisipa Iha Desentralizasaun Poder Lokal Iha Munisípiu Viqueque
31 mar.
CEMGFA Abertura Workshop ho tema "Asegura Dame, Avansa Igualdade: Feto, Dame no Seguransa iha Indo-Pasifiku"
31 mar.

NOTISIA

Ai-Laran Nu’udar Uma, Ai-Laran Nu'udar Esperansa, Sobrevivénsia Iha Tempu Funu

Media F-FDTL QG Notisia Comments () 0 minutes read

Dili, 18 jullu 2025

Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Falur Rate Laek, reprezenta husi Xefe Gabinete CEMGFA, Koronél Marcelino Ximenes “RIZAI”, abertura ba semináriu ho tema Ai-laran nu’udar Uma, Ai-laran nu'udar Esperansa, Sobrevivénsia iha Tempu Funu" ne’ebé hala’o iha iha Auditóriu Ciensia Sociais, UNTL Caicoli Dili.

Iha Abertura refere Koronel Rizai hatete ESHANA mak fatin ida ne’ebé fó hanoin imi, eduka imi hadomi natureza, aprende iha ne’e atu aprende sai servi na’in ba ita nia natureza no bemvindu ba estudante foun sira bele mai integra aan iha ESHANA UNTL nian. Mai aprende iha ne’e, fila fali ba komunidade nia leet, bele fahe imi nia esperiénsia saida mak aprende ona oinsa bele kuida Ita Nia natureza

"Ai-laran nu udar Uma, Ai-laran sira ne'ebé hale'u gerilleiru FALINTIL Sira la'ós de'it paisajen maibé mós abrigu. Iha momentu nakukun, bainhira kilat tarutu no hamlaha. vejetasaun no ai-hun boot sira oferese seguransa no protesaun ba gerilleiru FALINTIL. Rai-udan nia iis, ai nia mahon, no manu sira-nia lian sai parte ida" tenik Koronel ba Partisipante Sira iha Auditoriu FCS/UNTL (18/07)

Koronel Rizai salienta Tan katak Ai-laran sira la'ós de'it fo abrigu ba ami, maibé mós fó hanoin mai ami kona-bá saida maka ami luta duni atu proteje. Ai-hun ida-idak ne'ebé tahan anin-boot sira no abut ida idak ne'ebé klean iha rai inspira ami atu persiste, atu kontinua iha ami nia luta ba liberdade sobrevivénsia iha tempu funu nian, Atu moris iha ai-laran durante funu presiza abilidade no matenek. Ha'u aprende atu rona ba natureza anin nia lian, animál oioin nia komportamentu no lian no komprende sira-nia signifikadu.

Reflesaun Finál, Bainhira haree fali ba kotuk, relembra fali katak ai-laran la'os de'it fatin fiziku ida ne'ebé ema buka hodi refujiu, maibé sentimentu pertensa hodi prezerva ita-nia natureza, nune'e husu atu ita hotu kria relasaun ho natureza atu sai nafatin nu'udar Uma , Ponte esperansa ba Ita hotu.

Média F-FDTL.

Alin Teotônia Sai Xefe Estadu Maior Jenerál F-FDTL Oras Ida

Media F-FDTL Notisia Comments () 0 minutes read
Kuartel Jenerál, 11 Outubru 2024
Teotônia Beatriz da C. S. Mendonça husi Eskola 1.2.3 Ciclo Maubisse, Postu Administrativu Maubisse Munisípiu Ainaro, tinan sanulu resin tolu sai nu’udar Xefe Estadu Maior Jenerál FALINTIL-Forsa Defeza Timor-Leste (F-FDTL) oras ida nian laran, atividade refere hala’o iha Kuartel Jenerál F-FDTL Fatuhada, Dili.
Iha intervista Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek hateten, atividade ida ohin ne’e importante tebes para ita motiva ita nia foin sa’e sira, karik aban bainrua sira hakarak tama iha vida Militár sira hatene ona konabá lalaok Forsas Armadas nian.
Programa ne’e hala’o tamba iha servisu hamutuk entre FALINTIL-Forsa Defeza Timor-Leste (F-FDTL) ho PLAN Internasional.
 
Media F-FDTL

AMI NIA MATE MAKA IMI NIA MORIS, AMI NIA SAKRIFISIU MAKA ITA HOTU NIA INDEPENDÉNSIA

Media F-FDTL QG Notisia Comments () 0 minutes read
AMI NIA MATE MAKA IMI NIA MORIS, AMI NIA SAKRIFISIU MAKA ITA HOTU NIA INDEPENDÉNSIA
 
Santa Cruz, 12 Novembru 2025
 
Xefe Estadu Maior Jenerál F-FDTL Tenente Jenerál Domingos Raul"Falur Rate Laek" Partisipa iha missa selebrasaun Loron 12 Novembru Masakre Santa Kruz bá dala-34 iha Igreja Motael Dili.
 
hafoin missa agradesimentu Xefe Estadu Maior Jenerál F-FDTL hamutuk ho komite 12 Novembru, Família Vitima Masakre Santa Kruz, membru Governu konstituisional, Deputados sira Juventude feto mane marsa la'o ain hahú husi Igreja Matael to iha simetériu Santa Kruz hodi kari aifunan bá joventude rezisténsia ne'ebé iha tinan 1991 mate iha santa kruz tamba luta ho prinsípiu ida katak Timor-Leste tenki ukun rasik a'an.
 
Masakre Santa Cruz akontese iha loron 12 fulan Novembru tinan 1999, bainhira forsa Indonésia sira tiru hasoru manifestante pro-independénsia sira iha Dili, Timor Leste, hodi hamate ema atus bá atus durante marsa pasífika bá Semitériu Santa Kruz hodi fó onra bá Sebastião Gomes.
 
Represaun brutál, ne’ebé imprensa internasionál dokumenta, halo mundu hakfodak no sai momentu pivotal ida ne’ebé hasa’e presaun internasionál bá Indonésia, hodi ajuda dudu luta bá autodeterminasaun ne’ebé kulmina iha independénsia Timór-Leste nian iha tinan 1991.
 
Ekipa Média F-FDTL
📷Boni Mendonça

Amu Kapelaun F-FDTL Kapitaun Rui Gomes Prezide Misa Kuarta Feira Sinza Iha Kuartel Jenerál

Media F-FDTL QG Notisia Comments () 0 minutes read

Kuartel Jenerál, 05 Marsu 2025

 Membru FALINTIL-Forsa Defesa Timor-Leste (F-FDTL) hamutuk ho funsionariu Ministériu Defeza inklui família sira ohin selebra misa kuarta feira Sinza iha Kuartel Jenerál F-FDTL, Fatuhada,Dili. Iha omília amu selebrante Pe. Kapitaun Rui Filomeno de Jesus Gomes, SDB, hateten, Tempo kuaresma tempo diak atu ita ho seriedade hateke no hare fali bá ita nia aan tuir Jesus Kristu nian, tempo atu harohan barak liutan no hakribi sala iha kruz nia oin.

 “Ohin ita tama bá tempo kuaresma nian, ita ho ita nia kondisaun moris rasik, ita kondisaun atual hakbesik aan bá nai maromak nia laran luak, tempo kuaresma tempo diak bá ita sarani sira atu hare bá ita nia moris no hafoun fali ita nia komprimisiu bá Jesus Kristu e kuaresma fó hanoin ita atu hakribi sala, tuir dalan hanesan ho povu antigu testamentu nian ne’ebé hatais karon uluk hatoba iha ahukdesan laran no hali dikin”.

 Kuarta ahukdesan nu’udar loron solenidade bá sarani katolika hahu tempo kuaresma hadera-an (Jejum) bá loron 40 nia laran molok tama bá paskua. Ahukdesan /sinza nu’udar sinal humildade no penetensia no tempu bá ita idak idak atu halo refleksaun bá Itá nia moris loron loron nian.

Partisipa iha misa Kuarta feira Sinza ne’e mak hanesan Xefe Estadu Maior Jenerál F-FDTL Tenente Jenerál Falur Rate Laek ho espouza, Xefe Estadu Maior Brigadeiru Jenerál José da Costa Soares ‘TRIX’, Major Jenerál MAUNANA ho espouza, Komandante Komponente no Unidades F-FDTL, DCP, Família Militár nomós funsionariu família husi Ministériu Defeza.

“ITA EMA MAI HOSI RAI, SEI FILA BA RAI”

Media F-FDTL

Aprejentasaun Kona-Bá Regulamento Disiplina Militár F-FDTL

Media F-FDTL QG Notisia Comments () 0 minutes read

Kuartel Jenerál, 02 Abril 2026

 

Ekipa Servisu konjunta Justisa Militár kompostu husi Kuartel Jenerál nomós Komponente no Unidade F-FDTL halo aprejentasaun kona-bá Regulamento Disiplina Militár (RDM) bá Xefe Estadu Maior FALINTIL-Forsa Defeza Timor-Leste (F-FDTL) Brigadeiro Jenerál José da Costa Soares 'TRIX' molok halo aprovasaun.

 

Atividade ne'e hala'o iha Salaun Auditóriu Kuartel Jenerál F-FDTL Fatuhada, Dili.

 

Media F-FDTL

Izidor Lopes

Semak Ami

Saida Mak Ami Halo

Kontaktu Ami

Ave. Nicolao Lobato, Fatuhada
Comoro, Dili, Timor-Leste

Tel: +670 78156312
Email: info@fdtl.mil.tl