Kuartel Jenerál, 05 Marsu 2025

 Membru FALINTIL-Forsa Defesa Timor-Leste (F-FDTL) hamutuk ho funsionariu Ministériu Defeza inklui família sira ohin selebra misa kuarta feira Sinza iha Kuartel Jenerál F-FDTL, Fatuhada,Dili. Iha omília amu selebrante Pe. Kapitaun Rui Filomeno de Jesus Gomes, SDB, hateten, Tempo kuaresma tempo diak atu ita ho seriedade hateke no hare fali bá ita nia aan tuir Jesus Kristu nian, tempo atu harohan barak liutan no hakribi sala iha kruz nia oin.

 “Ohin ita tama bá tempo kuaresma nian, ita ho ita nia kondisaun moris rasik, ita kondisaun atual hakbesik aan bá nai maromak nia laran luak, tempo kuaresma tempo diak bá ita sarani sira atu hare bá ita nia moris no hafoun fali ita nia komprimisiu bá Jesus Kristu e kuaresma fó hanoin ita atu hakribi sala, tuir dalan hanesan ho povu antigu testamentu nian ne’ebé hatais karon uluk hatoba iha ahukdesan laran no hali dikin”.

 Kuarta ahukdesan nu’udar loron solenidade bá sarani katolika hahu tempo kuaresma hadera-an (Jejum) bá loron 40 nia laran molok tama bá paskua. Ahukdesan /sinza nu’udar sinal humildade no penetensia no tempu bá ita idak idak atu halo refleksaun bá Itá nia moris loron loron nian.

Partisipa iha misa Kuarta feira Sinza ne’e mak hanesan Xefe Estadu Maior Jenerál F-FDTL Tenente Jenerál Falur Rate Laek ho espouza, Xefe Estadu Maior Brigadeiru Jenerál José da Costa Soares ‘TRIX’, Major Jenerál MAUNANA ho espouza, Komandante Komponente no Unidades F-FDTL, DCP, Família Militár nomós funsionariu família husi Ministériu Defeza.

“ITA EMA MAI HOSI RAI, SEI FILA BA RAI”

Media F-FDTL

Metinaro, 31 Janeiru de 2025

Governu Austrália liu husi Adidu Defeza Austrália bá Timor-Leste Kapitaun Mar e Gerra Matthew Richardson Ofisialmente Entrega Salaun Memorial ne'ebé Austrália rasik mak konstrui iha Sentru Instrusaun Komandante Nicolau Lobato (CICNL sigla portuges) Metinaro bá Komandu FALITIL-Forsa Defeza Timor Leste atu utiliza.

Salaun Memorial ne'e konstrui husi empreza RMS Austrália iha Timor-Leste hahu inisiu iha 14 Setembru Tinan kotuk no remata iha meadu fulan ne'e Matthew Richardson hateten, salaun memoria Ida ne'e nu'udar vizaun husi Jenerál Falur Rate Laek bá nia membru F-FDTL no bá komunidade veteranus sira Sua Exelensia, hau entrega sala memorial ho respeitu no agradesimentu bo'ot.

Austrália iha istória naruk no orgullu no amizade ho Timor-Leste Matthew iha nia intervensaun iha serimónia entrega salaun memorial bá Komandu FALITIL-Forsa Defeza Timor Leste iha Sentru Instrusaun Komandante Nicolau Lobato Metinaro.

Nia dehan Austrália sente ondradu hodi halo edifisiu ida ne'e nu'udar testamuina ida bá amizada ida ne'ebé dura no iha valor kaer metin Fatin ne'e atu fó onra bá sira ne'ebé mate ona.

Fatin ida ne'e atu reflete ema hotu nia aspirasaun husi rezilensia ema ki'ik ida ne'ebé atu atinji buat bo'ot sira, liu husi unidade no determinasau Ida nee hatudu forsa estra odinaria Timor-Leste nian no ida ne'e hanesan lembransa ida bá ita hotu kona ba saida mak ita bele atinji bainhira Ita hambrik hamutuk.

Matthew Richardson hateten, edifisiu ida ne'e la'os deit hanesan rekonesimentu, edifisiu ida ne'e hanesan omenajen ida bá memoria , simbolu bá identidade bá sira ne'ebé luta bá dignidade no auto determinasaun.

Uma memorial ida ne'e se tau tais sira husi Munisípiu no pintura husi veteranus sira, gerilleiru sira, lider sira no funu nain sira ho sira nia aten brani hodi defende ezisténsia nian husu bá membru F-FDTL sira atu kuidadu salaun memorial ne'e nu'udar fatin bá istória reflesaun no fatin legadu sakrifisiu nian inspira jerasaun sira iha futuru.

Nia mós husu bá forsa internasional sira ne'ebé uluk kontribui bá ukun aan bele viziita fatin ida ne'e, tanba salaun memorial ne'e mós fatin ida bá istória formsa internasional ne'ebé uluk kontribui Timor-Leste nian ukun rasik aan hodi bele halo reflesaun.

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Domingos Raúl "Falur Rate Laek" hateten, salaun memorial ida ne'e atu fó onra bá beiala sira, lider sira nian perkursu no harii nasaun oinsá ultrapasa kona-bá adversidade hodi harii Timor Leste ne'ebé forti unidu no independente.

Salaun Memorial ida ne'e hau nia intensaun atu estabelese valor no idea sira ida ne'ebé define diesaun vertente ho ita nian nasaun Nia agredese bá apoia Austrália báTimor-Leste salaun memorial ida ne'e diak tebes kooperasaun Timor-Leste Austrália sem duvida kontinua bá oin no sai belun diak hodi kontinua apoia Timor-Leste iha kualker area inklui dezenvolvimentu forsa armadas nian.

Hau agradese bá Austrália bá apoia sira ne'ebé imi fó mai ami hodi konstrui salaun memorial ida ne'e no bá tekniku sira hau mós la haluha fó hau nia agradesementu bá imi nia apoiu.

Media F-FDTL

Baucau 18 Agostu 2025

(Média F-FDTL) FALINTIL-Forsa Defeza Timor-Leste (F-FDTL), Hamutuk ho Autoridade Munisípiu Baucau veteranus, joventude no estudante inklui komunidade sira komemora loron nasionál Forsa Armada Libertasaun Nasionál Timor-Leste (FALINTIL) ba dala-50 ho tema "Estender a Paz Ao Mundo" iha serimónia, importante ne'e prezide husi Ministra Sosiliedariedade Sosial no Inkluzaun (MSSI) Veronica das Dores.

Iha komemorasaun loron FALINTIL ne'e ho atividade marsa popular la'o ain hahú husi Saudozu Sahe nia moris fatin sede suku Bucoli iha oras 04 Madrugada no to'o iha edifísiu Administrasaun Munisípiu Baucau oras 09 ho balu hodi komemora kedas loron FALINTIL ba Dala-50 iha resintu Administrasaun Munisípiu Baucau.

Hafoin Marsa la'o Ain Sekretaria Munisípal Baucau Asunto Sosial Organizasaun, Maria Celestina Viegas esplika katak, relasiona ho loron FALINTIL Autoridade Munisípiu hamutuk ho F-FDTL hala'o atividade lubuk ida hodi fó onra ba loron importante ne'e.

"Ohin ita hotu hamutuk hodi komemora loron FALINTIL 20 Agostu 1975-2025 Ita hotu hatene katak, ita-nia saudozu boot iha Munisípiu Baucau mak ita-nia aman Vicente Sahe, tanba ne'e mak ita marsa hahú husi Fatin ida ne'e atu nafatin fó ita-nia respeita ba saudozu Sahe no mós saudozu sira seluk"

iha parte seluk Sekretariu Consellu Veteranus, Munisípiu Baucau, Manuel da Costa Soares, hatutan, loron FALINTIL nu'udar momentu importante ida hodi hanoin hikas asuwain sira ne'ebé uluk luta no sira mós uluk halo marsa husi ponta Leste ba rai klaran.

"Ita hanesan la'ó tuir FALINTIL sira nia ain Fatin ita fo mensagem ba ema hotu atu respeitu loron ne'e, Ita la senti kolen, maibé ita senti kontenti hodi husik hela ba ita-nia jerasaun sira komemora loron ne'e importante ba asuwain sira Tan ne'e tenki ka'er metin nafatin kultura ne'ebé uluk kuda tiha ona husi FALINTIL nia laran", nia dehan.

Iha serimónia estandarte bandeira nasionál RDTL ne'e, partisipa husi membru F-FDTL, PNTL, Seguransa Sivil, Bombeiros, Estudante sira nomós eskuteiro sira prense mós ho aktividade sira hanesan aprezentasaun teatru, dansa kultura, nomós atividade sa'e bua nomós dada-tali ne’ebé organiza husi Autoridade Munisípiu Baucau hamutuk ho FALINTL-FDTL no apoiu hosi Autoridade Seguransa no Veteranus sira.

Média-F-FDTL

J'Silva